تقرير عن صيانة الـ1000 للعربية ix35

[unl0veable]

بسم الله الرحمن الرحيم
السلام عليكم و رحمة الله و بركاته

تقرير عن صيانة الـ1000 للعربية ix35 فرع الاسكندرية

بداية حجزت لصيانة الـ1000 الاسبوع اللي فات عن طريق رقم خدمة العملاء 16101 واخترت يوم الاحد الساعة 9 صباحا لانه مناسب لظروفي.

المهم توجهت للتوكيل الصبح فى ميعادي وعلي الباب الامن سال علي الحجز ورقمه وبيشوف رخصة العربية وبعد كدا تدخل الورشة.

مهندس الاستقبال كان كويس جدا من اول تسجيل العربية و الانتظار للتسجيل امر الشغل . للامانة المهندس اسمه احمد وراجل محترم جدا.

العربية اول ماتدخل بيغلفوا كرسي السواق والفتيس والطارة والهاند بريك بكسوة لونها ازرق.

المهم سلمت العربية وقالولي هنخلص ونكلمك الساعة واحدة وفعلا حصل.

[OVERLINE]الصيانة كانت كالاتي:[/OVERLINE]

تغيير زيت شل 10000 كم - 350 جنية

تغيير فلتر الزيت - 35 جنية

تربيط العفشة وفحص السيور والتكييف وباقي الحاجات فى العربية - مجاني

الاجمالي بالضريبة 418 جنية.

مدير الورشة والاستقبال مهندس اسمه يسرى - راجل بجد محترم لابعد الحدود فعلا


بالتوفيق للجميع ان شاء الله

[ali ashraf]

بعض الاسئلة مع خالص الشكر

ما شاء الله تبارك الله , ربنا يبارك لك فيها و يكفيك شرها, جميل ان الواحد يقرأ حاجات اجابية فى زمن عز فيه الخير ....المهم كنت عاوز اسأل حضرتك على بعض المواضيع بخصوص السيارة مثل نعومة العفشة و الثبات عند السرعات المعقولة 120-140 كم/س و البنزين 92 عامل ايه و رايك بعد ال1000 كم و آسف للاطالة مع خالص تحياتى

[unl0veable]

ما شاء الله تبارك الله , ربنا يبارك لك فيها و يكفيك شرها, جميل ان الواحد يقرأ حاجات اجابية فى زمن عز فيه الخير ....المهم كنت عاوز اسأل حضرتك على بعض المواضيع بخصوص السيارة مثل نعومة العفشة و الثبات عند السرعات المعقولة 120-140 كم/س و البنزين 92 عامل ايه و رايك بعد ال1000 كم و آسف للاطالة مع خالص تحياتى

تسلم ياكبير علي ذوقك ....

نعومة العفشة : ناشفة لانها suv ودا بيكون طبيعي

لثبات عند السرعات المعقولة 120-140 كم/س : ثابتة الحمد لله وجبت بيها 180

البنزين 92 عامل ايه: علي استهلاكى انا ... ال 58 لتر بيقعدوا معايا اسبوعين (قهوة ومشاوير الاولاد وامهم)

راايك بعد ال1000 كم : الموتور انعم وصوته اهدي

[ali ashraf]

مع خالص تحياتى

شكرا على الاهتمام والرد و شكرا على الكلام الحلو

[badreldinahmad]

ربنا يباركلك فيها ويكفيك شرها وشر الطريق ونطمع فى اى ملاحظات تظهرلك لأن معايا النترا 2011 وبدأت افكر ف العربية دى بس فرق السعر هايبقى جامد فمتردد

[mfm_tantawi]

ألف مبروووك ، إن شاء الله هاتنبسط منها