عايز حد يقنعنى

[Hesham94]

السلام عليكم


انا طوووول عمرى بحب تويوتا جداا وبثق فيها

بس فى حاجة غريبة

انا شايف الكورولا الجديدة سعرها ضااارب عااالى اوى فى مستوى الفانتازيا و طبعا انا شفت الاتنين و الفانتازيا الصراحة افضل ف ال optionsو الراحة وكمان انها عربية اوروبى

طب معلش انا عايز اعرف هو فى حاجة مميزة فى الكورولا انا معرفهاش مخلياها غالية اوى كدا ؟!!

ياريت تردو عليا علشان انا مش لاقى اجابة

اخوكم من قسم الدرارجات النارية

[robinhood]

مافيش

طبعا انا عمرى ما اركب كورولا بالسعر دة
و اليابانى عمرة مايديك احساس الفخامة بتاع الاوروبى ,بس عشان عربية مفروض انها اعتمادية عالية و الناس باصة لكدة فسعرها مغالى

[S O P H O S]

هو مش مسالة تويوتا او غيرها
هي مسألة سعر السوق المصري ايه
يعني الكوري مثلا زي النترا متوسط السعر من 120 الي 129الف
يعني علشان تركب عربية كاملة فالهيونداي لازم تدفع 130 الف
في ناس تقولك ما اركب عربية ياباني واعتمادية اكتر
ومش مبنية علي الشكل الخارجي فقط
واركب الكورولا بفرق 15 او 20 الف حتي
بس اسمي اتنقلت من فئة الكوري لفئة الياباني

طبعا انا متفق معاك ان الاوربي احلي من الياباني ولكن فمصر اختار الياباني
علشان الناس الي بتحب تفتي فعربيات مش بيفهموا فيها ووقت الصيانة ادوخ علي حد بيفهم
طبعا في مراكز خدمة وتوكيل لكن المصري هو الي مش بيتغير فاي حته

مجرد راي

[me_medoo]

بص ياباشا ... التويوتا مش محتاجة اني اقعد اقنعك فيها الناس الي اشتريت تويوتا فهيا اشتريتها علشان حاجة وحده وحط تحتيها عشرين خط ..... هيا سلعة معمرة وبتعيش

ده غير انها بتستحمل الحرارة والدعك .... وغير كده وكده قطع غيارها مرطرطة واي حد يفهم فيها بخلاف الاسكودا .... الي مبتستحملش الاجواء المتنيلة بنيلة بتاعتنا وتلاقيها بعد خمس سنين ولا اربعه شنيشت

ولو شوفنا دول المستحيل وهيا دول الخليج الي تلاقي فيها الحرارة ٤٥ درجة في الظل هتلاقيهم العربيات الاوروبي الفرافير. مبتستحملش معاهم وبتتكهن بدري بدري بخلاف العربيات الياباني ....
فالي بيشتري تويوتا هو عارف هو بيشتري ايه وكفاية انك تقرى كلمة mide in japan عليها يعني صنع في اليابان بسم الله مشاء الله لكن لو هتجيب عربية سنة سنتين واول ماتفتح بقها تزحلقها هاتلك الاسكودا .... انا كان عندي فابيا وطلعت تلات ايماناتي في مشكلة الحرارة وتوكيلها المقرف ورايح جي وجي رايح على المكانيكية وحاجة اخر قرف ده غير نظام الكهربا فيها المعقدة تلاقي اذا السنتر باض الشباك مينزلش ههههههههه وحاجة مايعلم بيها غير ربنا وتحياتي

[د.محمود صلاح]

تويوتا .... معمرة ... تمنها فيها .... ياباني ... مكيف ثلاجة .... صيانة سهلة ... تبيع وانت واقف بدون دلالة ... عزل صوت ممتاز ... عربية قضيان مصالح .

[dodyrisk]

من خبرتى مع العربيات الكورى والفرنسى والياباتى ملقتش احسن من التويوتا هى اللى بتستحمل فيهم نظام شوارعنا والجو بتاعنا .
وبعدين ان رايت ان الكورى يصل الإ 130 ألف فلا تستغرب مما سيصل اليه اليابانى .

[mody3on]

تويوتا .... معمرة ... تمنها فيها .... ياباني ... مكيف ثلاجة .... صيانة سهلة ... تبيع وانت واقف بدون دلالة ... عزل صوت ممتاز ... عربية قضيان مصالح .

اتفق معاك , بس لا اعتقد ان تمنها فيها خالص , واعادة البيع بتاعتها ( في مصر ) مبقتش زي زمان في الاجيال القديمة

[Ahmod]

مين قال ان الكورولا في سعر الفانتزيا ؟

لما تقارن بين سعر عربيتين يبقى نقارن اما ال Base Line هنا وهنا او ال High Line هنا وهنا !!

ماينفعش نقول ان الكورولا ال High Line ! اسبويلر وجنط 16 وكل الكماليات وتقول سعرها قريب من فانتزيا Base Line بطاسات !!

وحتى ولو الكورولا ال High Line ب 168 الف ! الفانتزيا ال Base Line ب 179 الف !

يعني فيه فرق 11 الف جنية مابين اعلى فئة في الكورولا واقل فئة في الفانتزيا يبقى ازاي في نفس السعر ؟ ؟

دي نقطة

تاني نقطة صحيح الفانتزيا كعربية افضل من الكورولا بس فيه برضوا نقاط تتفوق فيها الكورولا عن الفانتزيا

الكورولا افضل في سعر اعادة البيع وفي قطع الغيار والكورولا اكثر اعتمادية من الفانتزيا

كذلك قوة ماتور الكورولا اقوى بكتيييييييييييييير من ماتور الفانتزيا العقيم اللى هو 102 حصان وانا عن نفسي بعتبره ماتور علما تفرج وفي نفس الوقت استهلاك الكورولا للبنزين افضل بكتيييييييييير من استهلاك الفانتزيا للبنزين

ال Dual VVti في الكورولا ماشاء الله عليه !!

تكييف الكورولا افضل من تكييف الفانتزيا والكورولا انعم واكثر راحة من الفانتزيا

في حين الفانتزيا تتفوق في الثبات والكماليات وانها اوسع وافخم من الكورولا خاصا الفانتزيا ال High Line فيها كمية اوبشنز وكماليات !! مش هتلاقي ربعها في الكورولا ال High Line بس شوف فرق السعر !! الفانتزيا اعلى فئة ب 212 الف !

الكورولا عموما سعرها رفع في السما في السنتين اللى فاتو

بس في نفس الوقت السوق كله سعره رافع اللى يخليني ادفع 158 الف في النتر !! ؟ احط 10 الاف واجيب كورولا

[Hesham94]

كل كلامكم تمام ياجماعة و ان اختلاف الراى لا يفسد فى الود قضية

بس فى نقطة انا مش مؤيدها وهى ان الاسكودا بتفتح بقها بعد سنتين او تلاته !!

انا ليا قريبى معاه اوكتافيا من سنة1999 و مطلع......... و ماشى بيها اكتر من 200 الف والعربية مافيهاش الهوا دون مبالغة غير الصيانات المعتادة فقط !!

و بقاله سنه عايز يغير و بردو عايز يجيب اوكتافيا

يعنى الاوكتافيا مش ضعيفة ولا بتبوظ بعد سنتين !!!

و الصراحة اما تقارن اى عربية اوروبى ب عربية يابانى ماينفعش خاالص

انت ممكن تقارن الاوكتافيا بالجيتا لكن ماينفعش تتقارن بالتويوتا

فضلا عن ذلك بردو

طب ماهو فى ال renault fluence عربية ماشاء الله لا غبار عليها و توكيلها محترم جدااااا فى مصر

تقل ايه العربية دى عن الكورولا..........اظن رينو شركة عريقة لا تقل شئ عن تويوتا !

[me_medoo]

حبيب قلبي رينو فلورنس ايه الي انتا بتقارنها بالكرولا
خود رينو وخود كورولا من القاهرة لغاية ايران شوف مين الي هتوصل ومين الي هتفيص منك في السكة .... اقولك خود ياعم الاسكودا او الرينو زي الفل ههههههههههه

[Hesham94]

ماشى ياعم ميدو !

[me_medoo]

ماشى ياعم ميدو !

ماشي ليه ياباشا
خليك شوية الشاي على النار هههههههههه
حبيب قلبي والله

[Hesham94]

ماشي ليه ياباشا
خليك شوية الشاي على النار هههههههههه
حبيب قلبي والله

[mody3on]

حبيب قلبي رينو فلورنس ايه الي انتا بتقارنها بالكرولا
خود رينو وخود كورولا من القاهرة لغاية ايران شوف مين الي هتوصل ومين الي هتفيص منك في السكة .... اقولك خود ياعم الاسكودا او الرينو زي الفل ههههههههههه

الكورولا الجيل ده مبقتش زي الاجيال اللي فاتت يا ميدو :)

[Unendlich]

الكورولا الجيل ده مبقتش زي الاجيال اللي فاتت يا ميدو :)

عندك حق فعلا
هي زادت في العرض و الطول
أثبت
أقوي
أوفر في البنزين
أعلي في ال options
و محترمين مش زي ناس بينزلوا العربية بـ ABS, EBD و BA و Bosch مش Mando و 2 ايرباج standard مفيهاش فصال و الهايلاين 9 ايرباج


و لسة معلمة على العالم كله في المبيعات
و اللي بيقول الاوكتافيا ماتتقارنش بالكورولا يروح كده يشوف ليه في الخليج التكاسي كورولا مش اوكتافيا و ليه مبيعات شركة سكودا على بعضيها متجبش مبيعات الكورولا لوحدها جايز يفهم

و لصاحب الموضوع اللي بيشتكي من السعر ببساطة شديدة هم تجار بلدك .................... كده مفيش فايدة. بص اللانسر البومة (شوف بقالها كاااام سنة) و بتتباع زيرو بكام, شوف الهوندا اللي وصلت 200 ألف (عشان كان معتمد إن الناس هتتهافت عليها على حس الموديل اللي قبلها)
يا راجل ده أنا عشان أركب أول فئة الانترا محتاج ادفع 126 ألف في عربية معندهاش أي فكرة يعني إيه safety انما الحمد لله فيها ملتي فنكشن و فوج لايتس (حاجات تخاطب العقلية المصرية بجدارة) لكن مسمعش يعني إيه فرامل خلفية ديسكات مش طنابير (الديسكات ورا دي كانت حاجة بيجو بتتباهى بيها في ال 504 أول لما نزلت سنة 69) و هيونداي في 2012 مش عاملينها و تقولي فرق السعر, يا راجل يا طيب ...