الثبااااااااااااااااااااا ااااااااااات والفراااااااااااامل

[samehfox]

السلام عليكم
ارجو الافادة من مجربين وخبراء تويوتا الياباني كرولا 2013
انا حجزت كرولا 2013 الهاي لاين
وناس كتير حوفوني من ثبات الربية دية وفراملها علي السرعات العالية اقصد فوق 150
وانا معايا اسرتي ومتردد جدا وخصوصا اني بجري علي سرعات عالية
ارجو الافادة ضروري من اهل الخبرة
شكرا

[S O P H O S]

ماله الثبات يا باشا !
وبعدين اسمحلي فرامل ايه الي فوق ال 150 وفشوارع مصر
لو لقيت عربية حلوة فالفرامل يا تري هتلاقي طريق مستوي للفرامل دي
انا راي ان العربية مناسبة وزيها زي غيرها ومش تقل عنهم فحاجة
والله اعلم ..

[AlGazar2]

بص يا باشا على الرغم من اعتماديه تويوتا العاليه فى الموديلات السابقة للموديل ده الا انهم مش من العربيات المشهود ليها بالثبات العالى

يعنى ثباتها و فراملها بعد ال 150 هيكون سئ و مش بتاعت مناورات غير شكلها من وجهه نظرى من التسعينات غير سعرها المبالغ فيه بصراحة شديدة انا عارف ان الاسعار عاليه فى كله بس لسه برضه سعرها مبالغ فيه بالنسبه لامكانياتها و كمالياتها

لو عايز عربيه تتمتع فيها بالثبات و الامان يبقى عندك السوبارو امبريزا الشكل الجديد - السيفيك ده فى اليابانى
الفوكاس و الاسترا الجديدة دول المانى و نفس متوسط الاسعار

[MohammedAladel]

يقال إن فرامل العربية كويسة

مع احترامى للكورولا ولعربيات كتير فى فئتها مش هتبقى ثابتة على ال 150 .... ناس كتير بيقولوا ثباتها على السرعات مش قد كدا

[Y a r i s]

مشاء الله ... هو حضرتك بيبقى معاك اسرتك واطفالك
وبتمشي بالعربية على ١٥٠ وخايف عليهم من ثبات العربية ... اطمن ياباشا العربية ثابته بس المهم متخليش حد من العيال يفتح الشباك بعد ال ١٥٠ ممكن حد ياخود لطشت برد ولا حاجة :)

يافندم مع احترامي الشديد ... اي عربية بعد ١٢٠ بتبقى معرضة للانقلاب بنسبة عالية. مع الغرز الشديدة ... حتى العربيات الي ذكروها الاخوة الاعضاء هنا ... وسرعة ١٥٠ كيلو دي مسمهاش سرعة ده اسمو طيران او بداية تحليق في الجو !

حتى الفرامل برغم ان فراملها لاتختلف عن فرامل الالماني في سرعة الاستجابة. بس وانتا على سرعة ١٥٠ في اي عربية اكيد بتاخود وقت علشان توقفها ... وساعتك بتقول حجزت العربية وبصراحة اختيار موفق وربنا يباركلك في اختيارك ... بس حتى لو اشتريت مرسيدس وسئلت الناس هتبص تلاقيهم يقولولك جبتها ليه البي ام برقبتها :) ... ولو جبت البي ام هتلاقي الناس تقولك جبتها ليها ده المرسيدس برقبتها ... وهكذا فاذا كنت قلقان من الثبات بتعها هيا ثباتها ممتاز. بس لو عاوز عربية للسرعات العالية في سيارات سباق اسبور احسن منها اما لو عاوز عربية هارد وررك ... ومهام شاقه وتعيش عمر معاك فالكورولا برقبت كل العربيات الي ذكرت ... وتقبل تحياتي . ومبروك مقدماً

[MohammedAladel]

بص يا باشا لو على الثبات عشان نتكلم بجد عربيات تويوتا مش بتاع ثبات وفعلا ال 150 مع الياريس يعنى العربية طايرة

إنما 150 مع بى أم دبليو أو مرسيدس العربية ماسكة نفسها

مفيش حد قال أن الكورولا عربية ثبات على الطريق غيرك إنت يا ميدو باشا ههههههه

فى اليابانى لانسر شارك بالتأكيد ثباتها محترم جدا وهوندا سيفيك لكن كورولا دى معروف أنها أرجوحة

[Mohyeldin1974]

الاخ الفاضل
العربيه مناسبه للاجواء المصريه تماما مع كامل الاحترام لجميع الموديلات ، توكيل جيد جدا ، قطع غيار متوفره ، اعادة بيع ، عائليه ،
ولكنها تفتقد للاوبشنز وللتجديد ومش عارف ليه علو سعرها اوى كده
انا بس سؤالى للناس اللى بتحب السرعات العاليه بتمشو فين على 150 فى مصر وناس هنا فى المنتدى بيتخانقوا على عربيات بتجيب 200 مش 210 مثلا (طبقا دى اهتمامات وحريه شخصيه )
الكورولا صفقه رابحه نمطيه تقليديه جنب الحيط بدون اى مغامرات وده المطلوب فى ظل الظروف اللى بنمر بيها دلوقتى

[samehfox]

شكرا جزيلا للكل

[ahmedtalat]

عاوز اسأل عن ارتفاع العربيه عن الأرض

العربيه عاليه و لا بتحك فى المطبات؟؟؟

و السؤال هو يا ترى السكودا الفانتازيا اكثر منها ثباتا عند 150 كم/ساعه و لا ايه الأخبار

[MohammedAladel]

أوكتافيا معروف إنها عربية ثابتة

[IronHead]

لو الثبات العالى من اولوياتك يبقى شوف المانى بقى
الكورولا عربيه عمليه فى اعتماديتها العاليه وراحه ونعومه العفشه وهدوء صوت الموتور و التكييف وكفايه ان سعرها مازدش على حد علمى بعد هوجه الاسعار الجنونيه

[mashaly]

العربية ماشاء الله ثباتها معقول جدا والفرامل ممتازه طول مالاسفلت نضيف سواء على سرعة او ماشي على مهلك لكن لو فيه رمل او حصى وتفاجأة بمطب يبقى هتاكله هتاكله لان الابي اس لازم يقعد يمسك ويفك لمى يحس ان الارض فيها اي حاجه عشان العربيه ماتعومش بس دا للاسف بيطول في المسافة عقبال ماتوقف وشايف انها ناشف بسبب الجنط 16 مش عارف اللي راكب عنده 15 وكاوتش 195 بيحس بنفس النشوفيه دي ولالا قطع غيارها غاليه جدا استغلال طبعا من التوكيل ومن بتوع الاستراد عموما حلوة ماعدا موضوع قلة النعومة دي