مشكله في كورولا 2014 الجديده :(

[bassem.naguib]

ألف مبروك على العربية .. وربنا يباركلك فيها ويكفيك شرها .

أنا أفضل أنك تقطع الشك باليقين وتروح التوكيل وتشوف المشكلة دي وإن شاء الله تطلع حاجة بسيطة .. وأعتبرها الدمغة بتاعة العربية زي الخبطة اللي أخدتها .

معلش سؤال صغير خارج الموضوع .. أيه رأيك في ارتفاع العربية عن الأرض .. هل هو قليل فعلاً وبتحك في كل المطبات ولا عادي زيها زي أي عربية لو مطب عاصي لازم تحك فيه .

[toyota_corolla]

الف مبروك على العربيه وربنا يديك خيرها و يكفيك شرها و المشكله دي سهله حاجه بسيطه يعني متشغلش بالك ..و عندي استفسار منك ضروري اوي عيز اعرف الفتيس عامل ايه معاكوهل سواقته ممله و مبتحسش بالماتور و كده و انته بتقرص ولا ايه الدنيا معاك....

[dr.amr]

انا الحمدلله روحت ربطت العفشه
فرقت كتير قوي عن الاول
العربيه بقت مختلفه
الواحد كان اتقفل من العربيه بعد الخبطه
وموضوع الترزيع ده بس الحمدلله :)

[Rsarabia]

الحمد لله كنت داخل اقول لحضرتك انك تتوجه فورا للتوكيل من غير ما تستنى تعمل الف كيلو
مبروك و ربنا يديك خيرها و يكفيك شرها

انا شفت عندنا فى المنصورة الكورولا الجديدة و مش حاسس انها واطية اوى او انها تحك زى ما بيقولو
هل حضرتك حاسس انها عادية و لا فعلا بتحك لو مش واخد بالك ؟

[dr.amr]

الحمد لله كنت داخل اقول لحضرتك انك تتوجه فورا للتوكيل من غير ما تستنى تعمل الف كيلو
مبروك و ربنا يديك خيرها و يكفيك شرها

انا شفت عندنا فى المنصورة الكورولا الجديدة و مش حاسس انها واطية اوى او انها تحك زى ما بيقولو
هل حضرتك حاسس انها عادية و لا فعلا بتحك لو مش واخد بالك ؟

الله يبارك فيك
انا لحد دلوقتي بتعمد اخد المطبات العاليه ومحكتش خالص
باخدها حتي من غير ماقف تماما قبلها عشان الاحظ لو بتحك او حاجه لكن الحمدلله مفيش خالص

[dr.amr]

بالنسبه لاستفسارات الناس
هعمل تقييم سريع كده اورديحي عشان احسس الناس بالعربيه من غير مايسوقوها

[my3fox]

في اﻹنتظار علي أحر من الجمر يا دكتور ......
تحياتي

[2CODE]

الله يبارك فيك
انا لحد دلوقتي بتعمد اخد المطبات العاليه ومحكتش خالص
باخدها حتي من غير ماقف تماما قبلها عشان الاحظ لو بتحك او حاجه لكن الحمدلله مفيش خالص

يبقى انت اكيد عندك مطبات حلوه انت كده مشوفتش مطبات واقفة نهائي

لان العربية قاعدة العجلات بتاعتها طويلة + الارتفاع عن الارض قليل

يعني لما تبص على العربية هتقول انها متحكش انما المسافة بين العجل اللي قدام واللي ورا كبير فهتلاقي العربية مش مكملة على المطب

يعني لو لقيت مطب صعب هتحك جداً دا انا معايا الريو قاعدة العجلات 250 وارتفاع 14 وبتحك في مطبات زباله يبقى الكورولا قاعدة عجلات 27 وارتفاع 12 او 12.5 يبقى دي هتتعلق في المطبات اللي انا بعدي عليها !!!!!!!!!!!!!!!!

احمد ربنا ان المطبات عندك كويسه دا انت في نعمة ياراجل كفاية حتى العفشة عندك هتبقى افضل

[dr.amr]

يبقى انت اكيد عندك مطبات حلوه انت كده مشوفتش مطبات واقفة نهائي

لان العربية قاعدة العجلات بتاعتها طويلة + الارتفاع عن الارض قليل

يعني لما تبص على العربية هتقول انها متحكش انما المسافة بين العجل اللي قدام واللي ورا كبير فهتلاقي العربية مش مكملة على المطب

يعني لو لقيت مطب صعب هتحك جداً دا انا معايا الريو قاعدة العجلات 250 وارتفاع 14 وبتحك في مطبات زباله يبقى الكورولا قاعدة عجلات 27 وارتفاع 12 او 12.5 يبقى دي هتتعلق في المطبات اللي انا بعدي عليها !!!!!!!!!!!!!!!!

احمد ربنا ان المطبات عندك كويسه دا انت في نعمة ياراجل كفاية حتى العفشة عندك هتبقى افضل

12ونص ده الناس قالت عن افيز الشكمان وهو قريب من محور العجلتين الخلفيتين حسب كلامهم فصعب يحك
لكن غير كده قالو 14ونص تقريبا عموما انا الحمدلله محكتش معايا وربنا يكملها بالستر