سؤال: تركيب مفتاح ذكى للكرولا فى التوكيل

[danight]

السلام عليكم و رحمة الله

كان عندي سؤال لانى محتار بين الفئة الثانية كورولا و الهاي لاين لأنى عايز ال smart key.
هل ممكن تركيب المفتاح الذكي فى التوكيل؟ و لو حد عنده فكرة عن التكلفة؟

[medoghaly]

التوكيل مش هيركبهولك لو انت عاوز المفتاح الذكي هات الفئه التالته علي طول

[Land_Cruiser]

ما اعتقدش ان التوكيل هيرضي يعمل الموضوع ده. لو ميزانيه حضرتك تسمح يبقي هات الفئه الثالثه و هتاخد حاجات تانيه زياده مع الفئه دي غير المفتاح الذكي كمان اما لو ما تسمحش يبقي خليك في الفئه الثانيه زي ما هي

[Mido Casper]

بص طالما هتجيب جديد هات الهاي لاين وش اوعي تنزل وتستخسر كله بيفيدك بس بجد اووووعي هات الهاي لاين واستمتع بيها

[danight]

شكرا لكل اللي رد. غالبا هاستنى شوية و اجيب الهايلاين، مع اني شايف احسن قيمة مقابل سعر هي الفئة قبل الاخيرة.

[محمد الوااالى]

موال هندى و شفرة ومفاتيح جديدة و لو عرفو يساعدوك حتكلفك اكتر من فرق الهايلاين

[bassem.naguib]

التوكيل مش حيقولك لا .. بس حيقولك سعر هلامي حيخليك تنسى الفكرة .

لو عاوز الأوبشن ده هات الهاي لاين زي ما الأخوة قالوا .. وفعلاً الفئة التانية أحسن قيمة مقابل سعرها .. بالرغم أن الهاي لاين فيها مميزات حلوة برضه .

[S O P H O S]

فرأي لو تقدر تتنازل عن الميزة دي
مقابل سعر الفئة الي قبل الاخيرة