اجراءات مهمة جدااااا

[mashy45]

اعضاء المنتدي الكرام..... السلام عليكم ورحمة الله وبركانه
من فضلكم استفسارين خفيفين:
الاول: معايا كورلا 2015 الفئة الثانية و بصراحة انا معملتش صيانة 1000 ودالوقتى العداد وصل 2500 لما سالت صاحب المعرض قاللى مش محتاج انك تروح لصيانة الالف خصوصا وانك مش هتغير زيت وكمان الزيت اللى فيها اصلى وهم بيغيروه فى الصيانة بزيت اى كلام!!! فمش عارف اعمل ايه دالوقتى وانا هقفل عليها واركنها فى الجراج لانى مسافر.

ثانيا: انا يتشغل فى السعودية ومسافر بعد اسبوع بس تقريبا.. مش عارف كيف اخزنها.. هل اوقفها وافصل البطارية وخلاص؟
هل محتاج انى افك الكوتشات وارفعها ولا مش هتاثر؟؟؟؟
هل افرش تحت العجل اى حاجة علشان الكاوتش مايتاكلشى من الارص؟؟؟ ولا اعمل ايه
الله يكرمكم عاوز الحل النهائي للموضوعين دول ولكم جزيل الشكر والعرفان
احوكم اسامة

[darkdefender]

انا لو مكانك هعمل زي ما المصنع بيعمل
العجل يتظبط علي 50
لو قاعد اكتر من سنة فك البطارية و فضي المية بتعتها
غطيها كويس و غطي العجل باكياس زبالة...
اركنا في جراج في حتي فالاخر عشان محدش يجي جمبيها..
و تروح و ترج بالسلامة

[abofandy]

زيت الفابريكه هو زيت تخزين اصلا .. فدة هيساعدك ومتغيروش دلوقتى
العجل ممكن يزداد شوية فى الضغط ويتغطى ويتحط تحت اى شى علشان رطوبه الارض
يتم فصل كبل البطاريه
وتغطية السياره بالكامل جيدا

[alaa99991111]

فصل كابلات البطارية
الافضل حل الكاوتش و رفع السيارة علي حوامل حديد ان امكن
غيار الزيت في حالة السفر كل سنة ان لم يتم الوصول الي 10000 كم
صيانة 1000 كم لمراجعة التربيط علي العفشة او مراجعة اي ملاحظة و المحافظة علي الضمان

[mashy45]

جزاكم الله كل خير على المعلومات القيمة