إعـــــــلان

**GMakram** · 27-10-2009, 03:36 PM

اولا الف مبروك مقدما السيريوناويه زادو واحد,انا كنت اخر عنقود السيريوناويه اشتريتها من 3 شهور gl 1300 اوتوماتيك بردو و جبتها فضى
وانت بتستلم اتأكد بس من الدواسات الاصليه وابقى بص على الاستبن والكوريك وكدا كدا توكيل دايهاتسو محترم جدا مش هينصبوا فى اى حاجه وطبعا ابقى بص بصه كدا على كل حاجه فى العربيه الانوار والازاز ومتنساش كتاب الضمان والاوراق الخاصه بالعربيه الافراج الجمركى والحجات دى(غالبا هيسلموهالك تانى يوم)
بالنسبه للصيانه انا معملتش صيانه الالف لانها مش مهمه اوى مجرد كشف على سوائل العربيه لكن صيانه الخمسه مهمه لانها فيها تغيير زيت فانا شايف متهملش الصيانه دى ولما عملتها اتكلفت 250 جنيه كلها
متقرصش على الموتور اول 1000 كيلو العربيه حلوه اوى ووسعه مش هتضايق من حاجه فيها غير موضوع السماعات اللى فى التابلوه وبس لان صوتهم مش قد كدا لو انت بتحب تسمع مزيكا
الف مبروك مره تانى ولو فيه اى استفسار اتفضل
تقبل مرورى وتحياتى

**rockana** · 27-10-2009, 04:34 PM

شكرا Gmakram على الرد
انا اقصد لو هاحط زيت موبيل 1 بتاع 10000 يبقي اروح كل 10000 ولا لازم كل 5000

**GMakram** · 27-10-2009, 04:51 PM

هو صيانه الخمسه الاف بتكون عباره عن تغيير زيت وتربيط عفشه وكشف عام على العربيه وافتكر انك انت هتبقى محتاج تروحها علشان لو فيه اى حاجه بتشتكى منها فى العربيه تقولهم عليها فأنا رأيى روح صيانه الخمسه وبعد كدا يحلها حلال

**MoToRiZeR** · 27-10-2009, 07:25 PM

ألف مبروك أولاَ .. و انا برشحلك اللون الفضي جميل جداَ و كمان الأزرق الفاتح .
بص يا باشا .. أول صيانة بيتغير فيها زيت بتبقي الخمسة .. و بما إنك هتحط موبيل وان اللي بيتغير كل 10 .. يبقي صيانات الزيت هتبقي 5 و 15 و 25 و 35 إلخ .
صيانات 10 .. 20 .. 30 .. بقي بيتعمل فيها إيه ؟ شيك كامل علي العربية و شغل تنضيف لتيل الفرامل و الطنابير و رجلشة الفرامل و عمل روتاشن للعجل للمحافظة علي عمره الإفتراضي.

لو عملت خمسة و مرحتش العشرة و رحت 15 علي طول .. هتغير زيت + هيعملولك شغل صيانة ال 10 لأن لازم يعملك روتاشن و تنضيف مجموعة الفرامل .. و ده طبعاَ بيزود ثمن مصنعية الصيانة .. فا لو حسبتها هتلاقيها هي هي .. بدل ما تعمل صيانة ب 200 جنيه و بعدها صيانة ب 450 جنيه هتلاقي نفسك بتعمل صيانة واحدة ببتاع 600 جنيه .. بيبقي فيه فرق طبعاَ بس مش بشع يعني .

**rockana** · 27-10-2009, 10:30 PM

تسلملى يا موتو انت و جي مكرم
ان شاء الله نتقابل فى مقابلة السيروناويه الجايه

**bmya** · 28-10-2009, 12:27 AM

مبروك ياباشا وتستلمها علي خير ان شاء الله
العربيه جميله وان شاء الله تعجبك من رايي هات السيلفر افضل
او النبيتي جميل جدااااااااااااااااااا
وطبعا جورج بك ومحمود بك ظبطوا كل المعلومات اللي حضرتك محتاجها
اخوك السيريوني شريف

**medo_sirion** · 28-10-2009, 12:28 AM

ان شاء الله نتقابل فى مقابلة السيروناويه الجايه[/QUOTE]

يسمع منك ربنا

**GMakram** · 28-10-2009, 09:59 AM

المشاركة الأصلية كتبت بواسطة hhhmmmzzzz مشاهدة المشاركة

الف مبروك وربنا يديك خيرها ويكفيك شرها
اللون الفضى جميل وده رايي الشخصى يعنى مش شرط تاخد بيه
ورايي لو تقدر تدفع الفرق وتخليها glxيبقى تمام افتكر الفرق3000ج
بس اللى فيها اكتر من كدة 4جنوط اسبور عشان الطاسة لما بتقع بتغير شكل العربية خالص وساعات بتتسرق كذلك موضوع السماعات هتلاقى4سماعات اتنين بالامام واتنين بالخلف كذلك اللسبويلر الخلفى بيغير شكل العربية الحاجات دى لو شوفتها فى عربية تانية بعد كدة هتقول يارتنى جبتهاglx...........ولحضرتك حرية الاختيار

فعلا عندك حق يا هانى انا عربيتى فضى ومن فتره قررت اشيل الطاسات اجرب اشوف شكل العربيه وسيبتها كم يوم وفعلا شكل العربيه مختلف خالص وقررت انى مش هركبها تانى خوفا من انها تقع او انها تتسرق وبصراحه حاسس انى راكب ميكروبص صغير من غير الطاسات...فعلا العربيه شكلها عربجيه خالص من غيرها

**GMakram** · 28-10-2009, 10:07 AM

المشاركة الأصلية كتبت بواسطة أبو حمزة مشاهدة المشاركة

معاك حق يا هاني
بس الأهم من الجنوط والكاسيت والسماعات والأسبويلر هو الABS و EBD.
لأنهم الحاجات الوحيدة اللي مينفعش تتركب بعد كدة
إنما الحاجات التانية كلها سهل تتركب.
وألف مبروك مقدماً وتستلم سيريونتك على خير وتتبسط بيها آخر انبساط

ايوا وتدينا بيها لفه كلنا,تلم اعضاء منتدى دايهاتسو كلهم وتأخدنا لفه مع بعض اى سيريوناوى جديد فى المنتدى بيعمل كدا

**rockana** · 28-10-2009, 12:21 PM

الف شكر والله يا شباب على الردود
المشكله ان ال glx خلصت من الوكيل الفرق كان 5000 جنيه
انا فعلا محتار مابين الفضى و النبيتي
بس فى حاجه خنيقه اوي ظهرت ادامي
واحد قاعد يحلف ان اليارس احلى من السيريون بكتييير و مفيهاش مشاكل خالص
انا صليت استخاره و ماشي فى موضوع السيريون ومستنى دعواتكوا
اما بالنسبه لموضوعه اللفه للمنتدي كله فا معنديش اي مشكله
كل واحد يجيب صورته و يكتب عليها اسمه و انا احطها فى العربيه و الف بيها اسبوع -

- دعواتكو تاني - ولو حد عنده تعليق على موضوع اليارس - ياريت مايبخلش عليا بيه

**aliabutaleb** · 28-10-2009, 12:51 PM

المشاركة الأصلية كتبت بواسطة rockana مشاهدة المشاركة

واحد قاعد يحلف ان اليارس احلى من السيريون بكتييير و مفيهاش مشاكل خالص
انا صليت استخاره و ماشي فى موضوع السيريون ومستنى دعواتكوا
اما بالنسبه لموضوعه اللفه للمنتدي كله فا معنديش اي مشكله
كل واحد يجيب صورته و يكتب عليها اسمه و انا احطها فى العربيه و الف بيها اسبوع -

- دعواتكو تاني - ولو حد عنده تعليق على موضوع اليارس - ياريت مايبخلش عليا بيه

دي على حسب احتياجاتك
لا يصح نقارن هاتش باك بـ سيدان
وخللي بالك فيه فرق سعر بين الياريس الأوتوماتيك والسيريون الأوتوماتيك وكمان فرق أوبشنز مش هين.
لكن نصيحتي لو بتسافر كتير وهاتحتاج شنطة العربية يبقى بلاش سيريون وهات الياريس لو تقدر تدفع الفرق.

**rockana** · 28-10-2009, 01:01 PM

متألق يا ابو حمزه ككل مداخلاتك
طب خليك انت مكاني
سيريون 1300 ب فول اوبشن85000
يارس 1300 ب هاف اوبشن96000
انا مش فارق معايا الشنطه خالص
و لسه متجوز يعنى مش اقل من 6 سنين لما احتاج مكان للشنطه بتاعة العيال
اجيب ايه
معلش انا عارف ان التردد وحش - بس انا هادفع كتير
اه على فكره انا هاجيب قسط يعنى الفرق مش كبير جوا القسط

Comment

Comment

إعـــــــلان

.

حجزت السيريون 1300 gl اتوماتيك

حجزت السيريون 1300 gl اتوماتيك

Comment

Comment

Comment

Comment

Comment

Comment

Comment

Comment

Comment

Comment

Comment

Comment