صوت تصفير في فرامل السيريون

[aliabutaleb]

السلام عليكم يا أصدقاء.
كيف أحوالكم؟ يارب كله يكون بخير

في آخر مرة رحت فيها التوكيل من حوالي 3 شهور قالولي إن تيل الفرامل هايحتاج يتغير في خلال 2000 كم بالكتير.
الكلام ده تزامن مع أصوات تصفير باسمعها كتير. وانا بادوس فرامل قبل المطبات وكمان في المنحنيات. بس الغريب ان الاصوات ساعات كنت اسمعها وساعات لأ.
بعدها باقل من شهر رحت اشتريت تيل الفرامل الاصلي من العالمية بـ 450 جنيه وركبته والاصوات قلت كتير جداً لكن مختفتش تماماً.
دلوقتي بعد مرور شهرين تقريباً، والتيل الجديد مبقالوش 3000 كم رجعت الاصوات دي تاني وبنفس الكثافة والارتفاع قبل ما اغير التيل.

يا ترى ايه رايكم؟

[bmya]

علي باشا ثوت التصفير ده له سببين شائعين في مصرنا الحبيبه اما التيل مضروب او خامته تعبانه وملينان حديد فبيصفر اوما بسبب الجو اللطيف النظيف بتاع مصر اللي مليان تراب والتراب بيدخل بين التيل والطنبوره وبيعمل الصوت ده وانت في اكوبر كمان عندك رمل وعربيتك جنوط اسبور فدخول الرمل والاتربه بيكون اسرع واكتر من الجنوط العاديه دي اهم الاسباب اللي بتخلي التيل يصفر وبما انك مغير التيل الاصلي فاكيد خاته مش تعبانه
يبقى غالبا في تراب او رمل داخل في التيل او الطنبوره وبما انها مش بتحصل اول ماتركب التيل وبتحصل مع الوقت زي ما قلت بعد شهرين فده غالبا هيكون تراب او رمل +بودره التيل حاول تغسل العربيه وتضرب مسدس المايه في الجنوط شويه وجرب بس طبعا تكون العربيه بارده عشان الطنابير لو سخنه مع المايه بتبوظ

[Mecha]

you have to rub the discs and pads
with very rough emery paper

hopefully there is not much brass in pads
wearied the discs

[aliabutaleb]

حاول تغسل العربيه وتضرب مسدس المايه في الجنوط شويه وجرب بس طبعا تكون العربيه بارده عشان الطنابير لو سخنه مع المايه بتبوظ

شكراً يا شريف. يارب تكون كدة فعلاً.
لو على المية سهلة. يمكن ربنا يسهلها ولو إني مش متفائل خالص!

[aliabutaleb]

you have to rub the discs and pads
with very rough emery paper

hopefully there is not much brass in pads
wearied the discs

شكراً جزيلاً.
هاجرب موضوع الصنفرة إن شاء الله.

[bmya]

على باشا انا بقولك على الحاجات السهله اللي ممكن تعملها بنفسك لو مظبطتش بقى ممكن فعلا تكون عاوزه تتمسح

[aliabutaleb]

السلام عليكم يا شباب
جربت الغسيل ومحصلش تغيير خالص
صنفرت التيل والصوت اختفى بنسبة 90%
وبعدها ب 4 أيام رجع الصوت زي ما كان :(

[medo_sirion]

يبقى العيب من الطنابير اذا كان التيل اللي راكب اصلي

[aliabutaleb]

يبقى العيب من الطنابير اذا كان التيل اللي راكب اصلي

معقول يا ميدو؟
آخر مرة في التوكيل مقالوش أي حاجة عن الطنابير

[medo_sirion]

علشان هما بيلجاوا للحل الاسهل اللي هو التيل
حصلت المشكله تاني واتاكل هيقول طنابير

[mohamed_rhem]

امسح الطنابير عند خراط طنابير كل جنب علي حده مسح بس مش ياكل من الطنابير

صنفر التيل لو فيه لحمية عنده برضه علي جلخ

جرب لو المشكلة قائمة يبقي تروح زي الشاطر تجيب التيل من التوكيل ويستحسن هما يغيرهولك علشان بتاخد

ضمان عليه

تحياتي ومتنساش الحاجة الساقعة بتاعة موتور المساحات

[aliabutaleb]

امسح الطنابير عند خراط طنابير كل جنب علي حده مسح بس مش ياكل من الطنابير

صنفر التيل لو فيه لحمية عنده برضه علي جلخ

جرب لو المشكلة قائمة يبقي تروح زي الشاطر تجيب التيل من التوكيل ويستحسن هما يغيرهولك علشان بتاخد

ضمان عليه

تحياتي ومتنساش الحاجة الساقعة بتاعة موتور المساحات

مشكور يا أستاذ محمد
هاعمل كدة إن شاء الله
بخصوص الحاجة الساقعة مش مطنش والله. حدد الزمان والمكان وانا جاهز

[mohamed_rhem]

مشكور يا أستاذ محمد
هاعمل كدة إن شاء الله
بخصوص الحاجة الساقعة مش مطنش والله. حدد الزمان والمكان وانا جاهز

انا موجود في سيتي ستارز من الاحد للخميس

عدي انت بس وخلي الحاجه الساقعه علي انا

[aliabutaleb]

انا موجود في سيتي ستارز من الاحد للخميس

عدي انت بس وخلي الحاجه الساقعه علي انا

سيتي ستارز! يا ربنا، انت في الجانب الاخر من العالم بقى :d
على العموم خلينا اللي يقرب للتاني الاول هو اللي يعزم على الحاجة الساقعة
انا ساكن في أكتوبر وشغلي في التجمع الخامس. أي وقت قرب حاجة من الاتنين لازم أتشرف بيك إن شاء الله :)

[bmya]

وانا مليش في الحاجه الساقعه دي ولا ايه :))