سريون لا فرق فلوس؟؟

[amrico]

معنى ان التصميم ده موجود على 3 علامات كبيرة فى عالم السيارات (تويوتا-دايهاتسو-سوبارو) ده معناه انه تصميم محترم وناجح جدا عالميا وأى حاجة تنجح عالميا أكيد بتفشل فى مصر
لكن والله حتى فى مصر بدأت الناس تفهم وسريون بدأت تنجح
ومن خلال ماشفت وتعاملاتى مع الناس، الناس المتعلمين واللى بيسافروا دول أوروبية وبيلفوا العالم كلهم بيحترموا السريون.
إنما المعلمين تجار العربيات والسماسرة،والناس اللى بتقلد وخلاص تقلك بالفلوس دى أجيب عربية (محترمة) وكلمة محترمة عند المصريين يعنى عربية بشنطة من ورا وخلاص وطبعا ياريت تكون لانسر وكدة تبقى انت بتفهم فى العربيات
انتوا عارفين لو الناس اتجهت للسيارات الصغيرة هانوفر اماكن كبيرة للركنات وهانخف شوية الزحام فى الشوارع
وعلى فكرة انا بشبه اى واحد راكب عربية كبيرة لوحدة وفعلا مش محتاج انها تكون كبيرة يعنى مثلا يكون عنده عيله صغيرة، بشبهه زى واحد لابس بلوفر وجاكيت فى عز الحر

يارب اشفى الناس من عقدة اللانسر

وعلى رأى المثل (اللانسر فيه اللانسر منه)