سوباروا امبريزا Rk 2009

[the_big_man]

السلام عليكم يا اخوان
انا ان شاء الله بفكر اشتري سوبارو امبريزا Rk 2009
فياريت اي حد معاه العربية دي ومشي بيها كيلو مترات كويسة يعني 5000 كيلو مثلا يقولنا رأية فيها ايه ولو في مشاكل صادفته فيها

ولكم جزيل الشكر

[sakrquraish]

هو سعرها كام اللي انت حتشتريها بيه

[the_big_man]

سعرها يا سيدي
149900

[Ahmed Hassan]

العربيه مع واحد قريبي (rk sedan 2009) العربيه من الداخل اوسع من الشكل اللي قبله (اللي معايا), بس الشنطه اصغر. الفتيس الاوتوماتيك بتاع 2008 متطور كتير و استجابته اسرع من اللي كان في الجيل السابق ده غير انه ستيب ترونيك. العربيه ارتفاعها عن الأرض 15.5سم ( اعلى من الموديل السابق 2/1 سم). استهلاك البنزين اقل من الموديل السابق.

يا ترى ناوي تجيب هاتش باك و لا سيدان؟ ان شخصيا عاجباني الهاتش باك اكتر. ربنا يوقفك للي فيه الخير.

[the_big_man]

شكرا على ردك يا استاذ احمد ،، ان شاء الله ناوي على السيدان ،،
اتمنى حد يكون مشي بالعربية اكتر من 5000 كيلو يشارك معانا ،، علشان انا قلقان من موضوع الرعشة ،، والتيل و الطنابير الي حصل مع بعض الأخوه في موديل 2008 ،، وكنت عايز اطمن ان كانت الحاجات حصلت مع حد في موديل 2009 ولا لأ ..
ومشكورين يا اخوة

[bee]

شكرا على ردك يا استاذ احمد ،، ان شاء الله ناوي على السيدان ،،
اتمنى حد يكون مشي بالعربية اكتر من 5000 كيلو يشارك معانا ،، علشان انا قلقان من موضوع الرعشة ،، والتيل و الطنابير الي حصل مع بعض الأخوه في موديل 2008 ،، وكنت عايز اطمن ان كانت الحاجات حصلت مع حد في موديل 2009 ولا لأ ..
ومشكورين يا اخوة

بص يا باشا ..
العربية فوق الممتازة بالنسبة لسعرها ..ومقارنة بالفئة دي ..
وانا اعرف اتنين معاهم 2009 والاتنين اوتوماتيك ..
واحد معدي ال 8000 كيلو
والتاني معدي 3000 كيلو والحمد لله الاتنين مبسوطين من العربية ..
وفوق الممتازة في السفر .. وانا سقتها في السفر قبل كده (العربيتين) ..

توكل على الله ..
وبالمناسبة العربيتين سيدان ..
بس انا عجبتني الهاتش باك اوىىىىىىىىىى
بس كل واحد وذوقه ..
ربنا يوفقك

[Ahmed Hassan]

شكرا على ردك يا استاذ احمد ،، ان شاء الله ناوي على السيدان ،،
اتمنى حد يكون مشي بالعربية اكتر من 5000 كيلو يشارك معانا ،، علشان انا قلقان من موضوع الرعشة ،، والتيل و الطنابير الي حصل مع بعض الأخوه في موديل 2008 ،، وكنت عايز اطمن ان كانت الحاجات حصلت مع حد في موديل 2009 ولا لأ ..
ومشكورين يا اخوة

الموضوع بتاع الطنابير ده كان في اول عربيات نزلت في 2008... و محدش اشتكى منه في موديل 2009 خالص.

[body]

طيب اية الفرق يااستاذ Ahmed Hassan
بين ال RK و الفول اوبشن
وهل ال RK فيها فتحة سقف وسبويلر وزينون ولا لاء؟

[ahmad7610]

بعد اللى قالوه الشباب فوق مفيش كلام زيادة يتقال
-
لكن ممكن أرد على الجزء ده

طيب اية الفرق يااستاذ Ahmed Hassan
بين ال RK و الفول اوبشن
وهل ال RK فيها فتحة سقف وسبويلر وزينون ولا لاء؟

-
ال Rk مفيهاش فتحة سقف ولا زينون و لا سبويلر
-
مفيش موديلات امبريزا 1500 بتنزل بفتحة سقف .. لكن ممكن فى نهاية الموديل يعملوا كده .. لان سوبارو دايما تزود كماليات لما الموديل يقرب ينتهى
-
الفرق بين الأوتو و الأوتوRK حاجات بسيطة جدا زى ال 8 ايرباج فى ال Rk بينما التانية 2 ايرباج
=
ذراع الفتيس الأوتو Rk عليه بلاستيك فضى كده بينما الأوتو العادية لون الجزء ده أـسود
=
عجلة قيادة ال Rk مطرزة بجلد
=
عجلة قيادة ال Rk فيها زراير مثبت السرعة
=
كراسى ال RK الأمامية فيها تسخين حرارى للكراسى وزرار تشغيله موجود أمام الكونسول وراء الفتيس
=
المرايات فى ال Rk والمقابض بنفس لون العربية بينما باقى الموديلات لونها أسود
-------------------------------------
فيه كلام سمعته ان اخر دفعة امبريزا كان فيها اختلافات .. بحيث ان الأوتو بقت تنزل بسخانات كراسى زى ال Rk ... وكمان مراياتها و مقابضها نفس لون العربية
=
رغم انى كنت هناك الأسبوع اللى فات ولقيت المواصفات زى ما ذكرت فوق ..
-
عموما الجزء الأخير ده ممكن أبقى أشوفه فى أأقرب فرصة أعدى فى روكسى

[the_big_man]

مشكروين يا اخوة على الردود الطيبة
وإن شاء الله اوافيكم بالأنباء لغاية ماجيبلكم صورها لو ربنا آراد

[bee]

بعد اللى قالوه الشباب فوق مفيش كلام زيادة يتقال
-
لكن ممكن أرد على الجزء ده

-
ال Rk مفيهاش فتحة سقف ولا زينون و لا سبويلر
-
مفيش موديلات امبريزا 1500 بتنزل بفتحة سقف .. لكن ممكن فى نهاية الموديل يعملوا كده .. لان سوبارو دايما تزود كماليات لما الموديل يقرب ينتهى
-
الفرق بين الأوتو و الأوتوRK حاجات بسيطة جدا زى ال 8 ايرباج فى ال Rk بينما التانية 2 ايرباج
=
ذراع الفتيس الأوتو Rk عليه بلاستيك فضى كده بينما الأوتو العادية لون الجزء ده أـسود
=
عجلة قيادة ال Rk مطرزة بجلد
=
عجلة قيادة ال Rk فيها زراير مثبت السرعة
=
كراسى ال RK الأمامية فيها تسخين حرارى للكراسى وزرار تشغيله موجود أمام الكونسول وراء الفتيس
=
المرايات فى ال Rk والمقابض بنفس لون العربية بينما باقى الموديلات لونها أسود
-------------------------------------
فيه كلام سمعته ان اخر دفعة امبريزا كان فيها اختلافات .. بحيث ان الأوتو بقت تنزل بسخانات كراسى زى ال Rk ... وكمان مراياتها و مقابضها نفس لون العربية
=
رغم انى كنت هناك الأسبوع اللى فات ولقيت المواصفات زى ما ذكرت فوق ..
-
عموما الجزء الأخير ده ممكن أبقى أشوفه فى أأقرب فرصة أعدى فى روكسى

كمان الاوتوماتيك الفول اوبشن فيها كراسي فيها تسخين حراري يا باشا .. مش ال RK بس

وكمان المقابض والمرايات نفس اللون في الاوتوماتيك الفول اوبشن ..

[ooso28]

هل السوبارو امبريزا الموجودة في مصر دفع رباعي
لو رباعية الدفع هل ده من زمان

[Ahmed Hassan]

كل السوبارو اللي نزل مصر عن طريق الوكيل دفع رباعي