الماروتى و 128

[arar]

لقيت بعض الاشخاص بيسالوا عن الماروتىوالفرق بينها و128 فده باختصار مقارنة بنها وبين 128وخصوصا انها عندى من 10 سنة

1- الماتور ناعم جدا لانه يابانى فصوتة مش بيعلى زى ال 128
2- السرعة ممكن لحد 140 والعربية متزنة والحمد لله وده لان تصميم الشكل الخارجى مدروس مع شكل الهواء عند السرعات العالية بعكس 128 الشكل الخارجى مش انسيابى مع الهواء
3-اقتصاديه جده فى البنزين يعنى زي ما بقولوا بتشم البنزين800cc
128 1300cc
3-الشكل طبعا احسن من 128 ودة شكل ماخوذ من شكل الجولف القديم
بعكس 128الشكل من السبيعينات وان صالون 128 اوسع شوية
4- بالنسبة لقطع الغيار متوفرة فى عدد من المحلات فى شارع دمشق مصر الجديدة هو فى التوفقية وسط البلد0000 ونفس سعر قطع 128 تقريبا وكمان ممكن اى حد يصلحها لان تكنولوجيا الماتور سهلة
5-اما الركنة تركن طبعا فى اى مكان علشان الحجم الخارجى وان كانت من جوه تاخد 4 اشخاص وكمان ممكن ظهر الكنبة ينطوي لتفتح على مساحة الشنطة وتعطى مساحة اكبر للامتعة
6- التابلوة والصالون والتقفيل الماروتى تكسب وتحس انك راكب عربية مستوردة وشكل الكراسى الشكل الرياضى وكمان فرش البواب جزئين ولونين مش زى 128 لون واحد وتقفيل مصري

انا بقول الكلام دة عن تجربة لانى سوقت الماروتى سنوات و برضة 128سنوات وقلت اعمل المقارنة دية