ازاي انضف العربية في السريع

[HHALAWANY]

ازاي اقدر انضف العربية في السريع .. لو انا عندي مشوار مهم ومش هالحق اوديها بنزينة
فابه بقا الطريقة الاسرع والمناسبة ليا ، لو حببت اسيقها كده على خفيف
ولو في حاجة ممكن اشتريها ، قولولي على اسمها

[mohamedhagrass]

لو من برا حته زفرا وخلاص الي هي الحته الي لونها برتقالي ده
بسي بتبقى فيها زي خليط من حاجات كتير منها جاز
وشحم وكلام من الفاضي ده عشان تبقى ناعمه وتمسح التراب بسهوله

لو من جوه الطابلوه مثلا هات اي نوع منظف تابلوه بيجي معاه سفنجه كدا او تجيب انت زي السفنجه الي بتمسح الجزم
ده وتستعملها بدل المنظف بتاع التابلوه ده هتعمل نتايج هايله

[TAMER_ELBADAWY]

افضل طرق الغسيل السريع

بعد الفوطة الزفرة او استخدام الفرشة ام ايد الزفرة .ممكن تستخدم ملو جردل مياة وتحط فية شامبو غسيل السيارة ودة اسمة (رابيدو)بخمسة جنية ونتايجة حلوة .وتغسل العربية من فوق (السقف)وتدعك الجناب والكبوت والشنطة بفوطة ناعمة لازالة الاوساخ اللى لازقة ثم تنزل على العتب والكاوتش فى النهاية.ثم تشطف العربية بملو جردل مياة نضيفة بطريقة سكب المياة مباشرة على الاجزاء العالق بها بقايا الشامبو ونطر المياة بايديك أو استخدام اداة مخصوصة بذلك تشبة المسطرة البلاستيك.ثم التجفيف بواسطة فوطة جلد المخصصة للتنشيف.الموضوع دة كلة بياخد معايا ربع ساعة ولكن النتيجة مذهلة وشبة احترافية.

[asd2]

ايه الفوطة الجلد دي ؟!!!! و بتتجاب منين

[وائل شويخ2]

ايه الفوطة الجلد دي ؟!!!! و بتتجاب منين

ممكن يكون قصده على المساحه الجلد

زى المساحه بالظبط وليها يد

وسعرها لا يتخطى 20 جنيه