Alto 800 وجهة نظر

[Ramadan Kader]

الساده الأعضاء أنا بكتب الموضوع ده بدل ما أطق من الغيظ من التوكيلات الى فى مصر و حصوصا ان توكيل سوزوكي من التوكيلات المحترمه ......... و علشان منتهش من بعض هنحط الموضوع فى نقط.
1- المزايا للألتو.
- الشكل الجديد فى تطوير عن كل الأشكال القديمه من اول الزن والألتو القديم و ان شايف ان خطوه للأمام من الشركه المصنعه حصوصا كمان أن التوكيل فى مصر تعطفوا علينا وجابوا الطاره الى فيها سلفر علشان يحسنوا الحاجات الكتير الى هما واخدنها من شكل العربيه.
-الحجم الممتاز ليها فى شوارعنا لمصريه
- أنها فيها تكييف
- ممكن تركبها سنتر و كاسيت ولاعه فى التوكيل بعد ما تشتريها ب 1500
- ممكن تركبلها زجاج كهرباء فالتوكيل بعد ماتشتريها بس التكلفه مش معروفه.
-العربيه ناعمه بالنسبه لل800سي سي

2-العيوب

-الشكل:
- كان محتاج يكمل بالأكصدام المدهون بلون العربيه الى بنشوفه بره على النت و التوكيل مش دهنه علشان يوفر.
- المرايا الرديئه جدا جدا جدا جدا جدا الى مش لايقه على الشكل بتاعها (مرايه الماروتي) والتوكيل مركبها علشان يوفر.
- الخامات للفرش فقيره جدا بالرغم من أنى شايفها تتحمل

- الكماليات:
- فين الولاعه؟؟؟؟؟؟؟؟
- فين السنتر؟؟؟؟؟؟؟؟
- فين الطاسات الشيك الى في الشكل الى بنشوفه على السيت بتعها ؟؟؟؟؟؟؟؟؟ بدل الجنط المعفن المدهون . ليه أركبها بره التوكيل و هى تمنها على الوكيل مكنش هيكمل 150ج بالكتير
- فين الكاسيت حتى لو فقير ؟؟؟؟؟؟؟؟؟؟؟ ليه اركبه فى التوكيل بالغلا وهو تمنه 200ج.
- دهات الأكصدام فى الوكيل مش هتكلف أكتر من 100 للأتنين ليه ادهنه بره او أسيبه بالشكل ده
------------ وكل ده بنتكلم فى حدود 600 او 700ج وانا دافع 57000ج مش رقم قليل بالنسبه للعربيه-------------- والعربيه تمنها فول اوبشن (lxi) بيبقى 42000ج (6200$) و لو ضفنا كل الجمارك و الضرايب تبقى ب 56000ج و ده الفول أوبشن ولا التوكيل لازم يكسب فى كل عربيه 8000ج. فيروح يجيب أقل مواصفه علشان يكسب أعلى مكسب و يضحك علينا بالتكيف........

قطع الغيار: .غاليه جدا عليهاا

تيل أمامي ب 385 ج غالى جدا فانوس أمامي ب 575 ج غالى جدا طانبير أمامي 440ج غالى جدا و دي أسعار مبالغ فيها بالنسبه لعربيه من أقل فئه العربيات فى العالم و أرخصها لدرجة أن أخونا فى الهند بيعبروها من أرخص العربيات الى عندهم



أنا قلت أكتب الموضوع ده بدل ما أطق لان فى مصر التوكيلات بتكسب أكتر من توكيلات العربيات فى بلادها ما هو يا الواحد يركب مستعمل طالع عينه بالغلا و الصيانه الزفت عند الصنيعايه الى البلد سيباهم بدون رقابه و قطع الغيار المضروبه الى ماليه البلد يا البديل الأسواء يركب توكتوك زيرو و يدفع فيه أكتر ما يستحق بكتييييييييير علشان التوكيلات يكسبوا كتير.

[eng.mohdm]

انا اشتريت العربية ديه وندمت جدا صفقة فاشلة

[ibrahimahmed]

للاسف هو ده حال كل توكيلات مصر ..... حرامية قطع غيار بالمعنى الحرفى للكلمة
انت بتقول تيل وطنابير ومده ... يا راجل ده وانا فى صيانة الالف بشوف الفاتورة لقيت فلتر الزيت ب65 جنيه
اللى هو فى اتخن حته فى مصر ب 20 جنيه
تلات اضعاف تمنه .... قيس على كده بقى كل قطع الغيار
بس هانعمل ايه .. البلد كلها ماشية بالسرقة

[mostafa3000]

وجهة نظر تحترم

[Abo_Mazen]

هي أسعار ضرب النار اللي حضرتك بتقول عليه دي في التوكيل ولا في السوق العادي ..لو في التوكيل ..فمتزعجش نفسك ..هي دي أسعار قطع الغيار عند سوزوكي بالنسبه للألتو..بيعتبروها حاجه كده عامله زي المرسيدي عندهم ..إنما لو الأسعار دي في السوق العادي ..تبقى فعلا الأسعار دي نااااااااااااااار نااااااااااااااااااار

[lord2010]

ما البديل فى نفس الفئة السعرية؟

[Ramadan Kader]

هي أسعار ضرب النار اللي حضرتك بتقول عليه دي في التوكيل ولا في السوق العادي ..لو في التوكيل ..فمتزعجش نفسك ..هي دي أسعار قطع الغيار عند سوزوكي بالنسبه للألتو..بيعتبروها حاجه كده عامله زي المرسيدي عندهم ..إنما لو الأسعار دي في السوق العادي ..تبقى فعلا الأسعار دي نااااااااااااااار نااااااااااااااااااار

للأسف الأسعار دي فالتوكيل. و هضطر انى اشتريها من هناك علشان الضمان.

[Ramadan Kader]

ما البديل فى نفس الفئة السعرية؟

للأسف مفيش غير بانديو الجيلي 1300 سي سي . العاده ب 59000ج. وشكلها وحش أوي أوي و صيني.

[lord2010]

للأسف مفيش غير بانديو الجيلي 1300 سي سي . العاده ب 59000ج. وشكلها وحش أوي أوي و صيني.

نشترى التو ؟؟؟؟

[ahmed_moeaz]

كلام صحيح 100 % بس هيا افضل السيارات المتاحة حالياً

[Abo_Mazen]

للأسف الأسعار دي فالتوكيل. و هضطر انى اشتريها من هناك علشان الضمان.

آه يا قلبي ..هي الأسعار بقت عامله ليه كده ؟؟؟؟

[Ramadan Kader]

اللينك ده فيه سعر العربيه للمستهلك فى الهند 276,000 روبيه فى 0.016 $ = 4400$ يعني بالمصري 32000ج مكيفه . يعنى التوكيل ضايف عليها 25000ج نخصم منهم 6000 نقل 800$ للعربيه يبقى 19000ج نخصم منهم 25% *32000ج = 8000ج يبقى صافي الربح 11000ج مكسب التوكيل وده حساب على سعر البيع للمستهلك هناك فى الهند يعنى ممكن المكسب أكتر. و فى الأخر بيوفر فى تمن الطاسه و الكاسيت و للأمانه هناك الكاوتش و الحنط 12 مش 13.

Maruti Suzuki Alto 800 LX | Car Info Alto 800 LX Variant, Price, Specs, Features

[ahmed_moeaz]

ايه البديل يا جماعة طيب ؟

[omar_saad]

السلام عليكم
و الله انا اشتريت التو 2013 -- و جبت اخري تماما من التوكيل ده -- فعلا الخدمة غالية -- و المشكلة انهم مبيفهموش -- وممكن اروح اكثر من مرة عشان نفس الحاجة -- و مرة العربية دخلت الصيانة -- و رجعت دخلتها تاني و خرجت و رجعت دخلتها ثالث -- و المشكلة لم تحل.
بالنسبة للسيارة -- و بعد استعمال حوالي اكثر من سنة و نصف -- واعتقد انها لا تختلف عن الشكل الجديد بشكل كبير -- و ان كانت في بعض الاشياء افضل من الشكل الجديد " المرايات تحديدا"
مشكلة هذه السيارة انها كانت تحتاج الي زيادة الحجم الداخلي طوالا 10 سم فقط - -- لان فعلا اللي قاعد ورا بيكون متضايق -- لو انت مريح الكرسي قدام -- و الا قرب انت الكرسي عشان تتضايق انت و لا يتضايق هو.
كمان مساعدين السيارة ضعيف -- اي مطب هواء مع سرعة مع 2 ورا -- هاتلاقي المساعدين جابوا اخرهم واتهبدت هبدة تمام --- المساعدين حلوة -- جودة عالية -- بس ضعيفة في المقاومة بالفعل.
مش ها تكلم عن مساحة السيارة عرضيا -- لان المفروض اني شاريها و عارف الموضوع ده -- انها صغيرة
بس فعلا كانت محتاجة زيادة في المساحة الطولية.
بالنسبة لي -
لو اعيدت الايام -- هل كنت ساشتري هذه السيارة ام لا؟
بصراحة -- كنت هاستني ازود فلوسي علي قد ما اقدر - و اشتري اي تن --
و لكن للعلم -- الحمد لله علي النعمة -- و محدش عارف كان ممكن يحصل ايه -- و ده مسالة نصيب
و ربنا يوفق الجميع