برجاء المساعدة مشكلة فى الماروتى

[RAOUFRASHAD]

العربية ماروتى موديل 1998 ... لما أجى أدور العربية الصبح بدرى تغييب قوى فى الدوارة وممكن مش تدور.
لكن لما أجى أدور العربية أى وقت فى اليوم المهم أن يكون الشمس جت عليها أو الرطوبة راحت تدور علطول ... حتى لو سبتها أربع أيام مركونة تدور علطول.
تفتكروا يكون السبب ايه؟!!
وشكراً لتعبكوا

[mesaharaty]

لعلك تكون قربت من حل المشكلة
أعتقد أن المشكلة إن العربية بتبقى باردة ومحتاجة شوية تحايل علشان تدور
ومن ضمن التحايل ده خد عندك الآتى :
1- عندك زرار بتاع الشفاط ده ممكن تشده لبره درجة واحدة ثم تبدأ فى تدوير العربية (بس ياريت بعد العربية ما تدور ماتنساهوش وترجعه لوضعه تانى) وغالبا موضوع الشفاط ده بيبقى بنعتمد عليه فى الشتا .
2- ممكن تدوس دوسة طويلة إلى حد ما على دواسة البنزين ثم تدير المفتاح وأثناء إدارة المفتاح تدى دوسة بنزين برضه .
3- عندك عند العمة اللى محطوط فيها فلتر الهوا فيه زرار بيكون متثبت على إختيار (شتاء - صيف) مكتوب باللغة الإنجليزية والزرار ده حضرتك إللى بتحركه علشان تحدد أو تختار نمط شتاء أو صيف (حسب الوقت اللى انت فيه من السنة) وطبعا ده مهم جدا لتسهيل الدوارة .
جرب وقول لنا على النتيجة وخير بإذن الله

[lancer06]

راجع كلام الأخ mesaharaty
وضيف عليهم البوجيهات
البوجيهات لو مرطبة تعمل كدة

[pepo2011]

احتمالك الاكبر هايكون بوجيهات
مع تنضيف دورة بنزين والبوابات

[micromoud]

الكاربيراتير اخباره ايه