رابطة مالكي السويفت

[exact]

سمعت انه موجود فى دمياط وفى بورسعيد سعره من 3000 الى 3500 بس عاوز اعرف بيركب على الاتوماتيك ولاه مانول بس مع الاسف معنديش ليه معلومات كتير

ياراجل يا طيب اوتوماتيك مين...هي دي ينفع معاها اوتوماتيك...دي ماشية ببركة دعا الوالدين...ناقصة قلق الفتيس كمان

[anwarnono]

الموتور الgti 1300 16v 101 حصان ستوك العربية بسمالله ما شاء الله بتطلع من فيرنا و سيراتو و كلام جامد و الفرامل مختلفة تماما و في الخلف سكاكين.
و قطع غياره هيا هيا ما عدا الفتيس و وش الموتور و البلوك g13bزي بتاعت ال١٣٠٠ العادي

انا نفسى جدا اركبه بس خايف من قطع الغيار علشان فى ناس بتقول مش موجوده بسهوله،وكمان مين حد كويس يركبه.

[anwarnono]

بسم الله الرحم الرحيم

أنا عندى مشكلتين:-

الاولى-انى مش عارف اصلح علبه الدركسيون ولا اجيب واحده صينى او تيوانى علشان جيبت الصينى وقعدت معايا سنتين بس،وفى ناس بتقولى لو صلحت الاصلى بتاعتها هتقعد نفس المده برده بس احسن تيجيب واحده صينى وخلاص.

والثانيه-لما العربيه بتكون سخنه او راكنه فى حراره عاليه يعنى فى الشمس وبقالها كام ساعه اجى ادورها بدور بصعوبه اوى،بس لما بتكون بارده بدور من اول لمسه،أنا مغير بوجيهات كل 5 كم ومغير سلوك البوجيهات بنوع امريكى متوافق معها جيبه مخصوص ليها،وفلتر طبعا وفلتر بنزين كمان يعنى مضبط كل حاجه وبرده مابتتحلش،والبطاريه حلوه والشحن زى الفل.

[hegazyhany]

السلام عليكم

لو ممكن تدلونى على حد بتاع اكصدامات فيبر يقدر يركبلى الاكصدام الامامى كويس بدون ما يخرم للمسامير و تبقى باينه .

و يكون فى منطقه المعادى الجديده - البساتين - صقر قريش

اكون شاكر جدا

[monoofy]

السلام عليكم ورحمة الله وبركاته ... أنا عندى سويفت هاتش باك 1300 جى تى آي ... وكنت عايز أغير راس الكوبلن الخارجية
هل ممكن حد يقولى أنا ممكن ألاقيه فين ؟ وبكام ؟
وأنا عرفت إنه ممكن يركب مكانه حاجة بتاعة لانسر بس مش عارف موديل كام علشان لو ملاقيتوش .
شكراً للجميع مقدماً

محمود

[monoofy]

السلام عليكم ورحمة الله وبركاته
انا ربنا رزقنى بسويفت 1300 موديل 92 ... فيها موتور 1300 Injection TwinCam ... عايز أغيرلها راس الكوبلن الخارجية.
هل ممكن حد يدلنى على عدد السنون بتاعتها لأنى مش هأقدر أستغنى عن العربية وأوقفها عند الميكانيكى ده غير إنى من المنوفية وهأضطر آخد الكوبلن علشان أجيبه من القاهرة فهتاخد وقت ومجهود منى .
وأنا عرفت إن ممكن يركب مكانه بتاع لانسر بس مش عارف موديل إيه.
فهل حد ممكن يدلنى ولكم جزيل الشكر.

محمود

[exact]

السلام عليكم ورحمة الله وبركاته
انا ربنا رزقنى بسويفت 1300 موديل 92 ... فيها موتور 1300 injection twincam ... عايز أغيرلها راس الكوبلن الخارجية.
هل ممكن حد يدلنى على عدد السنون بتاعتها لأنى مش هأقدر أستغنى عن العربية وأوقفها عند الميكانيكى ده غير إنى من المنوفية وهأضطر آخد الكوبلن علشان أجيبه من القاهرة فهتاخد وقت ومجهود منى .
وأنا عرفت إن ممكن يركب مكانه بتاع لانسر بس مش عارف موديل إيه.
فهل حد ممكن يدلنى ولكم جزيل الشكر.

محمود

سؤالك صعب بس اعتقد والله اعلم ان زيه زي العادي مفيش فرق

[elraye2]

السلام عليكم
هيا الرابطة نايمة كدة لية يا جماعة
انا عضو جديد معاكو ان شاء الله نشوف اقتراحات جديدة
و ان شاء الله هجيلك قريب يا دكتور مصطفى عشان نشوف حل للرابطة اللى نايمة

[ayman_hosamy]

السلام عليكم ورحمة الله وبركاته

د. مصطفى بعد اذنك كنت عاوز اعرف مقياس الشاسيه لسوزوكى سويفت 1994 كام؟ وازاى اقيسه عشان الواحد عاوز يطمئن على شاسيه عربيته.
واسف لتعب حضرتك معايا

[exact]

السلام عليكم ورحمة الله وبركاته

د. مصطفى بعد اذنك كنت عاوز اعرف مقياس الشاسيه لسوزوكى سويفت 1994 كام؟ وازاى اقيسه عشان الواحد عاوز يطمئن على شاسيه عربيته.
واسف لتعب حضرتك معايا

طلب غريب شوية
هو انت العربية اتخبطت وللا حاجة بعد الشر
عموما انا مش لاقي بيانات الا بتاع الهاتش باك...وممكن تساعدك في الجزء الامامي
وانا شخصيا نفسي الاقي حاجة للشنطة عشان الدنيا عندي بايظة والظاهر صاحبها الاولاني كان حد لبس له فيها صح
هتلاقي النقط اللي تبدأ تقيس منها وتنتهي وغالبا بتمد خيط نايلون وتشده ما بين النقط المحددة وبعد كده تقيس...ودي فتوى أنا باقول اهه

[ayman_hosamy]

طلب غريب شوية
هو انت العربية اتخبطت وللا حاجة بعد الشر
عموما انا مش لاقي بيانات الا بتاع الهاتش باك...وممكن تساعدك في الجزء الامامي
وانا شخصيا نفسي الاقي حاجة للشنطة عشان الدنيا عندي بايظة والظاهر صاحبها الاولاني كان حد لبس له فيها صح
هتلاقي النقط اللي تبدأ تقيس منها وتنتهي وغالبا بتمد خيط نايلون وتشده ما بين النقط المحددة وبعد كده تقيس...ودي فتوى أنا باقول اهه

لا يا باشا ما اتخبطتش ولا حاجة كل ما فى الموضوع انى رحت لبتاع الكبالن عشان الغى تعديل 128 المعمول عندى فى السويفت(فاكرنى يا باشا انا اللى كلمتك فى التليفون وسالتك اخلى التعديل ولا الغيه) المهم الواد بتاع الكبالن استغرب لما وجد ان التعديل معمول على اكسات طويلة وقلقنى معاه بس هو لغى التعديل خالص ورجع الاكسات لطبيعتها السويفتية وركبتيلها جوز كبالن يابانى جديد داخلى وخارجى وطلع الواد معايا يجرب العربية ولقيناها تمام والحمد لله وهو حتى اتطمن بس انا كنت عاوز اتاكد من حضرتك.

انا مش فاهم حاجة من الصورة

[exact]

لا يا باشا ما اتخبطتش ولا حاجة كل ما فى الموضوع انى رحت لبتاع الكبالن عشان الغى تعديل 128 المعمول عندى فى السويفت(فاكرنى يا باشا انا اللى كلمتك فى التليفون وسالتك اخلى التعديل ولا الغيه) المهم الواد بتاع الكبالن استغرب لما وجد ان التعديل معمول على اكسات طويلة وقلقنى معاه بس هو لغى التعديل خالص ورجع الاكسات لطبيعتها السويفتية وركبتيلها جوز كبالن يابانى جديد داخلى وخارجى وطلع الواد معايا يجرب العربية ولقيناها تمام والحمد لله وهو حتى اتطمن بس انا كنت عاوز اتاكد من حضرتك.

انا مش فاهم حاجة من الصورة

هو انا اقدر انساك
مبروك عليك الكبالن...بس تم جيلك وادينا ريبورت كامل...جبت الكبالن جديدة-استيراد وبكام والمصنعيه ومنين واخبار البلي والحوارات دي عشان اليمين بدا يعزف موسيقى عندي
وفي النهاية زي ما قلت لك المثل المأثور
هبدة بمرزبة ولا ميه بشاكوش
لسه هنتقعد تنقر وتعدل فالكوبلن وتظبطه وهو اساسا خايب...ارزع طقم جديد بتاعها احسن...وفي النهاية لا يصح الا الصحيح واصله تعديل مش مجدي في حاجة غير انه رخص سعر الكوبلن شوية اللي هوه اساسا مش بيعوز يتغير الا كل زمن


بخصوص الصورة...هم عندك صورتين...لو احنا خدنا اليمين اللي فيه البودي

هتلاقي اليمين معمول بحروف كابيتال والشمال حروف سمول
فمثلا A هتلاقيها موجودة عالبوز من الناحية اليمين و ال a موجودة عالبوز الشمال هتنزل للجدول هتلاقي المسافة من A-a 1242 mm والنقط a و A محددهم بفتحة 6 مم هتلاقيها موجودة (اللي هي غالبا المربوط فيها صدادات الكبوت) وهكذا

[slow_song]

ياجماعة انا بقالى شهرين بدور على سويفت نضيفة هاتشباك او سيدان مش لاقى يا ريت لو حد من الاعضاء عندة عربية للبيع يقولى والسعر فى حدود 25000

[ayman_hosamy]

هو انا اقدر انساك
مبروك عليك الكبالن...بس تم جيلك وادينا ريبورت كامل...جبت الكبالن جديدة-استيراد وبكام والمصنعيه ومنين واخبار البلي والحوارات دي عشان اليمين بدا يعزف موسيقى عندي
وفي النهاية زي ما قلت لك المثل المأثور
هبدة بمرزبة ولا ميه بشاكوش
لسه هنتقعد تنقر وتعدل فالكوبلن وتظبطه وهو اساسا خايب...ارزع طقم جديد بتاعها احسن...وفي النهاية لا يصح الا الصحيح واصله تعديل مش مجدي في حاجة غير انه رخص سعر الكوبلن شوية اللي هوه اساسا مش بيعوز يتغير الا كل زمن


بخصوص الصورة...هم عندك صورتين...لو احنا خدنا اليمين اللي فيه البودي

هتلاقي اليمين معمول بحروف كابيتال والشمال حروف سمول
فمثلا A هتلاقيها موجودة عالبوز من الناحية اليمين و ال a موجودة عالبوز الشمال هتنزل للجدول هتلاقي المسافة من A-a 1242 mm والنقط a و A محددهم بفتحة 6 مم هتلاقيها موجودة (اللي هي غالبا المربوط فيها صدادات الكبوت) وهكذا

الكبالن جديدة يابانى عاملة 1100 جنيه بعد الخصم (2 كوبلن داخلى عاملين 500 جنيه و 2 كوبلن خارجى عاملين 600 جنيه) ........الكبالن صليبة بالبلى بتاعهم.
الاكسات مافيش منها جديد جبتها استيراد ال2 ب120 جنيه
اما فك وتركيب الكبالن 30 جنيه

يعنى القصة كلها 1250جنيه فى الايام اللذيذة دى لما كرهت العربية

اااااااااه ه ه ه ه كده فهمت الصورة شكرا لك جدا

[sewefy]

عاوز مشورت حضرتكم فى الموضوع اللى محيرانى عندى العربيه فى الشمس والحر واجرى بعد 80 مياه الرادتير تتبخر والعربيه حرارتها تعلى على العكس لو مسافر اسكندريه فى البرد او بليل متتبخرش منها نقطه ولو فى عز الزحمه والحر بردو عادى متسخنش لاكن مع الجرى العربيه بتسخن جامد اوى مش فاهما خالص وغيرت زور الرادتير ومفيش ميه بتسرب منه ده ممكن يكون عيب ايه راداتير عاوز يتغير ولا عيب طرمبة ميه ولا ماتور ولا ايه ولو هغير الرادتير اجيبه نحاس ولاه الموانيوم واللى فيها نحاس حد يدلنى