رابطة مالكي السويفت

[roaa0roaa]

مساء الخير ياباشا النهاردة بدور العربيه بسنه بنزين لقيت شبوره دخان اسود وحتت هباب فى ايدى وعندى فحص موتور قبل يوم الاتنين اكيدساقط ساقط اعمل ايه دى كربراتير ولا خراطيم فاكيوم ولا كهربا والعربيه بتاكل بنزين

[roaa0roaa]

معلش مش 150جنيه كتير والمهدى ممكن ينفع فى الحاله دى

[roaa0roaa]

ومعلش مركز المهندس ده فين فى طنطا ولو حضرتك فاضى ممكن اقابلك فى المحله وتشوف على الطبيعه ويكون لى الشرف

[mashhs]

هههههههههههههه حلوه عجبتنى جاسوس دى جديده على الربطه ههههههههههههههه
انا عندى نفس المشكله اللى انته قولت عليها بظبط وكمان لما اعدى 60 او اى سرعه قليه بمزاجها تبطل ويا ريت على كده انما بتطول فى الدواره لغايه ما البطاريه تروح فى النوم وانا من سنه كده مركب طرمبه بنزين خارجى يابانى بس جميله مش بشتكى منها خالص وفعلا انهارده قولت اجرب واشوف اخرتها ايه قولت اغير بوجيهات وفعلا غيرت البوجهات ماركه اسمها برش روسى بس بجد حكايها فعلا حسيت بفرق فى السحب جامد اخر فيصل فرحت بمالموضوع ده بس اتخنقت تانى لما حصل نفس المشكله بتاعت التبطيل دى ولاحظت اانها بتبطل اول لما العربيه تسخن شويه او اقرص عليها تقعد تعمل ذى الجمل التايه دى بقى تبقى مشكله موبينه ولا طرمبه ولا فتيس ولا ايه واعرف طريقه كل واحده اذى من غير ما اروح لحد يشتغلنى

بص بقى يا جميل انت أشبه واحد بيا في الموقف اللي انت فيه ده
أنا كانت نفس المشكلة دي بتحصل معايا لحد ما كرهتني في عيشتي وبعدين واحد ميكانيكي ابن حلال قاللي انها مشكلة طرمبة البنزين الداخلية بس ما حاولتش افحص السلك ورحت جبت واحدة خارجية ياباني المهم بعد ما ركبتها ومشيت بيها كله كان تمام لحد لما العربية تسخن الاقي المشكلة ترجع تاني رجعت للراجل اللي اشتريتها منه وسالته ع المشكلة دي فسالني الميكانيكي ركبهالي فين قلتله في الكبوت ناحية قربة الماية عشان يبقى بعيد عن سخونية الموتور فقاللي مش كفاية واداني الحل السحري - قاللي اركبها تحت المقص الشمال بعد تانك البنزين مباشرة ومن ساعتها والعربية ما شاء الله معملتش معايا المشكلة دي - الملخص ركب طرمبة البنزين مباشرة بعد تنك البنزين تحت المقص الشمال والفلتر بعدها او خليه في الكبوت عشان تفحص عمل الطرمبة من خلاله ويارب الحل ده يشتغل معاك

[mashhs]

1- بص يابرنس...التعلية اذا كان ولابد هاتعملها يبقى تتعمل من ورا وحذاري انك تلعب في العفشة اللي قدام لعدة اسباب منها...اولا قدام ده فيه الموتور وده بيتسمى مركز ثقل العربية...اي تغيير في الارتفاع بيعمل اختلال في الاتزان فورا ويخلي العربية تعوم منك جااااااااااااامد...ثانيا ان قدام فيه التوجيه...فبلاش لعب فيها
ممكن ورا تركب يايات ناشفة شوية احسن من التعليه

2- هل هي حدفه ولا رجرجة...لو رجرجة تبقى العجل عاوز يترصص...لو حدفة تبقى ظبط زوايا او الكاوتش فيه حاجة مش مظبوطة

3- موضوع الزيوت ده فيه خلاف جامد...بس انا هاقول لك على رأيي الشخصي
اول حاجة >>>عشان نبقى متفقين مفيش حاجة اسمها انك تستعمل زيت اقل من اللي بيتقال عليه 5000 كيلو تحت أي ظرف...لأنه هيتحرق منك وهيتبخر بسرعة وبيتحول بسهولة لحاجة زي الشحم بتقفل مجاري الزيت...غير انه مش متوافق مع مواصفات الموتور...
تاني حاجة >>>احنا كده بقينا محصورين في الزيوت ال 5000 وال 10000....هتختار ازاي؟؟ الاختيار ياسيدي بييجي عن طريق ان سيادتك بتشوف استهلاكك للعربية شكله ايه؟؟....هل انت بتجيب مثلا 7000 كيلو او اكتر في 6 شهور؟؟ في الحالة دي هتجيب موبيل 1 وصدقني الغالي تمنه فيه
تالت حاجة>>> حالة موتور العربية...لو الموتور كويس ومش بياكل زيت وكنت بتنطبق عالحالة رقم 2 يبقى تجيب موبيل وان...
رابع حاجة>>> المشاوير....لو مشاويرك العادية اقل من 15 كيلو...وبيتقف فالعربية في زحمة وبتشغل التكييف يبقى ده استخدام شاق والزيت ال10000 يقعد معاك 7500 كيلو فقط

وأي خدعـــــــــــــــــــة

بالنسبة لتغيير اليايات الاصلية بنوع تانى انشف منها زى بتاع المرسبدس دة العفشجى قالى انه بيكسر جسم العربيه ومرضاش يركبهالى وخلانى ارجعها واجيب الاصلية والله واعلم
اما بقى بالنسبة لموضوع الفتيس فا انا مستنى لما يجيب اخرة عشان اغيره عشان فيه نحره على الاول لما ارفع رجلى من على البنزين تسمع صوت نحره رخمه كده او لما احرق على الاول بسمع نفس الصوت وعلى العلم ان الزيت مظبوط حد بقى يعرف سعر الفتيس كام انا اسمع انه عامل من 500 ل 600 فا لوحد يعرف السعر الحقيقى ياريت يقول

اعتقد ان تعلية العربية من قدام بيبهدل الكبالن وهيا اساسا بتبوظ لوحدها عشان لما العربية بتعلى من قدام زاوية الميل بتاعت الكبلن بتزيد للاسفل فا المشرحة مش ناقصة اتلى

شكرا يا جماعة على الرد بس خلاص الفاس وقعت في الراس لإني رحت ركبت العلايات قبل ما اشوف الرد لإني كنت مسافر مباشرة بعدها بيومين يعني نفس يوم الرد - المهم العربية زي ما وصفتلكم هي أساسا كانت واطية بشكل ملحوظ من قدام يعني كل اللي انا عملته اني رجعت علو العربية لوضعها الاصلي فجبت علايات مطاطي عليها علامة مرسيدس وصناعة مصرية من عند ميدو الكنج 2 بتاع احمد حلمي وقدرا قابلت واحد كان بيشتري قطع غيار من هناك وعامل نفس الحركة دي وقاللي ان مفيش معاه مشاكل منها والعلايات اللي جبتنها بسمك 5 سم تقريبا المهم بعد ما ركبتها ما بقتش العربية بتحك في الكرتيرة مع المطبات زي الاول وحسيت انها اتعدلت من حيث الارتفاع بس الحاجة اللي مقلقاني شوية منها اني سامع وانا ماشي صوت تزييق بس مش عارف ان كان من الابواب او من العفشة بس العربية تمام في ما عدا ذلك فيا ترى تنصحوني بإيه

[sewefy]

باشا انته كلامك صح بالنسبه لموضع الطرمبه ده لان فعلا طلع العيب منها وغيرتها وبرده بتسخن وبتبرجل العربيه وتفصل وكان عندى كمان مشكله كمان الميكانيكى قالى عليها ان التنك بتاع البنزين خرطوم منه كان مسدود وفكه وعمل القصه دى بس بقى بالنسبه لتغير مكان الطرمبه خرطوم اللى جاى من التنك يطول اذلى لغايه المقص وعاوز اقول لحضرتك على حاجه كمان هوه غيرلى مكان الفلتر وخله من قدام مش من تحت العربيه والفكره دى حلوه علشان اعرف افك الفلتر من غير تعب

[elraye2]

ومعلش مركز المهندس ده فين فى طنطا ولو حضرتك فاضى ممكن اقابلك فى المحله وتشوف على الطبيعه ويكون لى الشرف

السلام عليكم ورحمه الله وبركاته
طبعا انا اتشرف بمقابله حضرتك انا راجع ان شاء الله المحله النهاردة ممكن اقابل حضرتك يوم الخميس عشان هرجع النهاردة فى السهره وممكن نظبط موضوع خراطيم الفاكيوم واحنا مع بعض اما بالنسبه لموضوع المهدى ف هوه هيخنق لحضرتك المكنه بس عشان تعدى من الفحص وترجعله تانى بعد الفحص ترجعها تانى زى الاول بعنى بنج موضعى فقط لا غير العربيه هتبقى مبرجله معاك فهتضطر ترجعها تانى زى الاول
اما بالنسبه لموضوع اكل البنزين فسببه مش شرط يكون كربيراتير ممكن يكون تكيهات تتظبط او او بلى خشن او حجات تانية كتير بس موضوع الدخنه السوداء دى هيا فى الاغلب ان دة عيب كربيراتير فعشان كدة انا بقول لحضرتك مركز المهندس اللى فى طنطا انا مش عارف مكانه بالظبط انا عارف الطريق بالشبه كدة وممكن لما نتقابل فى المحله نحدد ميعاد مع بعض نروح فيه طنطااا وان شاء الله المشكله تتحل هبعت لحضرتك رقمى فى رساله على الخاص
واسف على الاطاله

[roaa0roaa]

على العموم يا باشا رقمى0111336818 لو مش هيضايق حضرتك رن على

[elraye2]

على العموم يا باشا رقمى0111336818 لو مش هيضايق حضرتك رن على

اسف يا باشا وصلت متأخر طبعا مش هينفع ارن عليك دلوقتى عشان متضربنيش هرن على حضرتك الصبح اول لما اصحى وانا اتشرف يا باشا بمعرفت حضرتك

[elraye2]

اييييييييييييييييييييييييييييييييييييه الرابطه ليييييييييييييييييييييييه

[sewefy]

يا جماعه يا سوفتيه كونا اتكلمنا فى موضوع المواتير gti ايه الفرق بين العاديه 1300 و1300 gti وهل ليها ظبط معين او نظام معين او حجمها اكبر ولا ايه نظامها علشان نعرف ودخلت على اليواتيوب لقيتها نفس الشكل اللى عندنا بس اكتر الناس حطين لها فلتر رياضى وصوتها اقوى شويه من الماتور العادى وسالت فيها واحد ميكانيكى من الفاتيين قالى دى 16 صباب 2 كامه ومش بيظبط غير على الكمبيوتر معرفش كلامه ده صح ولاا غلط وحاجه تانى قالى عليها ان الماتور ده معمر اكتر من العادى ومش فيه المونيوم يعنى ده اللى قدرت اوصله وغير ان واحد صديقنا هنا فى الربطه قال انه ماتور جامد وقوته 101 حصان على حجم العربيه السوفت يبقى طلقه فى المشى

[mansour77]

السلام عليكم
انا بصراحه نفسى ادى جايزة للزميل exact
على مجهوده الرائع
كنت رفعتلكم مره فديو عن صوت الجير بوكس بتاعى
و قولتلولى ازود زيت فتيس وحصل
الصوت راح 3 4 ايام كده ورجع تانى و رجع الفتيس يخشن تانى
شوفت العربيه من تحت لقيت الجير بوكس و الاسكترا مرشحين زيت اعمل ايه؟؟؟ اصلحهم و لا اصبر
ثانيا وانا بركن خبطت الجاكمان جامد راح داخل لجوة و بعدها بقى بيعمل صوت زى الموتوسيكل و ال ار بى ام بقى بيعلى جامد جدا
وانا واقف كان بيبقى 800 دلوقتى 3500 !!!!!!!!!!!!
رحت لبتاع جكمانات وورانى العربيه من تحت لقيت كذا شق ف الجاكمان و فى حتت فيه متاكله قالى انه لازم كله يتغير ماعدا العلبه اللى ورا
قالى الجكمان بالجلبتين و التركيب ب 225 وصلت معاه ل 190 و ظبطت الصنايعى ب 10 جنيه
انا كده اتضحك عليا ولا ايه لو اتضحك عليا نروح كلنا نظبطله الورشه ههههههههههههه

[elraye2]

فيه عربيه سويفت حمرا متقطعه جايه استيراد من بره وورقها كله تمام معروضه عليا ب 6500 جنيه ايه نلم من بعضنا ونجيبها واللى عايز حاجة منها ياخدهااااااااااا:b4_033:

[sewefy]

فكره حلوه هوه ده الشغل تمام كل واحد يقول هوه ناقصه ايه وتعرف هتضبط اذى ونشتريها

[exact]

مارش وردياتير ووش اسبيراتير ولو الاكصدام فيه فوانيـــس شبورة وشكمان وفوانيس خلفية