رابطة مالكي السويفت

[exact]

حط له شنبر من عند اي بتاع كاوتش وخلاص...أنا عامل كده وابقى انفخه على 40 وبص عليه كل اسبوعين...هيعمل له حوالي 15 او 20 جنيه بالكتير...وربنا ما يحوجك ليه
لو عاوز تجيب كاوتش جديد تعمل التالي
سيادتك عندك الاستبن بايظ...هتدور على أسوأ فردة كاوتش فاللي راكبين وغيرها مع فردة الاستبن...وحط الجوز الجديد قدام...هيتبقى عندك 3...تستنضف 2 منهم ركبهم ورا...والتالتة ارفعها استبن
انصحك وبشدة عن تجربة قيادة ببريدجستون بي 250 والمقاس 175-70-13
الفردة عاملة 310 اندونيسي
هتركبهم وتسجل قراءة العداد وكل 10000 كيلو هتبدل وتجيب الشمال واليمين مكان بعض ومتبدلش قدام مع ورا خالص

[sewefy]

السلام عليكم يا اهل الربطه المحترمين كونت بفكر اجيب ماتور gti على اخر السنه دى اعمل ايه علشان اجيب من مكان مضمون ومن حد يقدر او عنده جهاز الكبس بتاع الماتور وهل شكل الماتور ده يختلف عن اللى فى العربيات السويفت وعلى حد علمى ان العربيه الاسبرنت بلاقى مكتوب عليها gti وشكله تقربيا نفس الشكل طيب الواحد يفرق بنهم اذى وهل الماتور بيجى بكل حاجه معاه ذى الكرابراتير والاسبراتير ومشتملاته اللى عنده فكره عند الموضوع ده يا ريت يفدنا وسعره كام تحديدا

[exact]

السلام عليكم يا اهل الربطه المحترمين كونت بفكر اجيب ماتور gti على اخر السنه دى اعمل ايه علشان اجيب من مكان مضمون ومن حد يقدر او عنده جهاز الكبس بتاع الماتور وهل شكل الماتور ده يختلف عن اللى فى العربيات السويفت وعلى حد علمى ان العربيه الاسبرنت بلاقى مكتوب عليها gti وشكله تقربيا نفس الشكل طيب الواحد يفرق بنهم اذى وهل الماتور بيجى بكل حاجه معاه ذى الكرابراتير والاسبراتير ومشتملاته اللى عنده فكره عند الموضوع ده يا ريت يفدنا وسعره كام تحديدا

دي صورته

[roaa0roaa]

احلى مساء على جميع السوفتيه ممكن سؤال لاصحاب الخبره كيف احمى الموتور من الصدا احط ميه نوعها ايه وسؤال تانى الميكانيكى قفل البوابه التانيه بالكربراتير بالارنديد وقفلها بسوسته جامده وقالى والله كله بيعمل كده فهل ده يقلل سحب العربيه لانى حاسس ان العربيه سحبها قل ويعمل دخنه سودا من ورا ولو ده غلط اروح فين انامن المحله واسف علىالاطاله

[ayman_hosamy]

السلام عليكم ورحمة الله وبركاته

السلام عليكم ورحمة الله وبركاته



انا عندى مشكلة فى تكييف العربية





لما بيكون الجو حر يعنى شهرى 7 & 8 واشغل التكييف بحس انه ضعيف وبحس ان الهواء خارج سخن خصوصا لما بتكون العربية مركونة فى مكان شمس.

لكن لما بيكون درجة حرارة الجو فى شهر 6 مثلا والجو نوعا ما مش حر اوى واشغل التكييف بحس انه قوى جدا واحيانا بسقع والله وانا سايق

علما ان تكييف العربية فابريكة ولم اشحنه ابدا ورحت لبتاع التكييف قاللى التكييف محتاج شحن لكن افضل خليه فابريكة لان الشحن مش ناقص كتير

وكهربائى العربية قاللى ده محتاج شحن اكيد ولازم تشحنه فورا.



مش عارف المشكلة اللى عندى دى مشكلة شحن فعلا؟واذا كان كده اشحن ولا اسيبه فابريكه؟

وهل عندى مشكله اخرى غير الشحن؟



اخر سؤال واسف للاطالة هل سحب العربية لما يقل اوى والتكييف شغال ده عادى؟

[exact]

السلام عليكم ورحمة الله وبركاته



انا عندى مشكلة فى تكييف العربية





لما بيكون الجو حر يعنى شهرى 7 & 8 واشغل التكييف بحس انه ضعيف وبحس ان الهواء خارج سخن خصوصا لما بتكون العربية مركونة فى مكان شمس.

لكن لما بيكون درجة حرارة الجو فى شهر 6 مثلا والجو نوعا ما مش حر اوى واشغل التكييف بحس انه قوى جدا واحيانا بسقع والله وانا سايق

علما ان تكييف العربية فابريكة ولم اشحنه ابدا ورحت لبتاع التكييف قاللى التكييف محتاج شحن لكن افضل خليه فابريكة لان الشحن مش ناقص كتير

وكهربائى العربية قاللى ده محتاج شحن اكيد ولازم تشحنه فورا.



مش عارف المشكلة اللى عندى دى مشكلة شحن فعلا؟واذا كان كده اشحن ولا اسيبه فابريكه؟

وهل عندى مشكله اخرى غير الشحن؟



اخر سؤال واسف للاطالة هل سحب العربية لما يقل اوى والتكييف شغال ده عادى؟

دي مشكلة لها كذا بعد
اولا مفيش حاجة اسمها سيب المكيف بايظ عشان يبقى فابريكة....لا مؤاخذة فلتذهب الفابريكة الى الجحيم لو هتتسبب اني اتحرق فالحر الحر ده...واللي هيشتري العربية هيبص المكيف شغال وللا لأ...حتى لو عامل فيه ايه بالذي...كله بيهمه التسقيع وخلاص مش هيقول ده مكيف فبريكة بايظ فانا هاشتريه...انما هيبص مكيف بارد محترم

وحضرتك ممكن تعرف مستوى الشحن بتاع التكييف بسهولة...هتعمل ايه؟؟
هتقف في حته ضل وتشغل المكيف وانت فاتح الكبوت....هتلاقي جنب الكلاكس حاجة كده عاملة زي البرطمان الالمونيوم فيه ماسورة داخلة وواحده خارجة...ده فلتر الفريون بتاع التكييف...هتلاقي فيه من فوق كده حتة ازاز هتنضفها وتبص جواها (دي اسمها العدسه) والمكيف شغال لمدة تزيد عن دقيقتين على اعلى سرعة مروحة واعلى قوة تبريد ...لو الفريون كويس هتلاقي التالي...تحس ان فيه سائل كده بيجري جوه العدسة...وفيه فقاقيع صغيرة بتجري قدامك...وانت واقف مكانك خللي حد يطفى زرار المكيف وعينك عالعدسه...الطبيعي انك تلاقيه فارت او عكرت للحظة وبعدين تروق خالص....كده حضرتك تكييفك زي الفل

حاجة تانية....ممكن بإيدك بعد اما المكيف يشتغل 5 دقايق...هتجس المواسير بايدك وحس هل فيه فرق حرارة...لازم تبقى فيه واحدة سقعة وواحدة دافية

موضوع انه بيبقى سئ فالحر ده انا اكتشفت سببه عندي بالصدفة وناوي اعالجه....

اولا...السربنتينة الخارجية بتاع المكيف لازم تكون نضيفة جدا جدا جدا وماعليهاش تراب....مفيش مشكلة لو مرة كل اسبوع وانت خارج وهتشغل المكيف....اغسلها بجركن ميه من ناحية الموتور والعربية باردة وبعد كده دور ولو متوسخة جامد ممكن تديها ازازة خل لمدة ربع ساعة وتغسله بالمية ومش هتصدق اللي هينزل من عليها

ثانيا...مروحة السربنتينة ممكن تكون ضعيفة...فمش بتبقى ملاحقة تبرد الفريون فبيدخل التلاجة سخن...المروحة دي بتفصل اما الكومبريسور يطفى...حلها...هادور على طريقة ما تخليها شغالة مع كارتة المكيف باستمرار حتى لو الكباس مطفي

ثالثا...الخازوق الكبير وده اللي غالبا عندك زي ما هو عندي...فيه ميكانيزم ما...اما العربية بتسخن قوي...بتفتح سخان الدفايه عشان الموتور يفقد حرارة بسيطة عن طريقه وبالتالي بتلاقي المكيف صهد مرة واحده...وده حله انك تستغنى عن الجزء الساخن من المكيف وتخللي بتاع الردياتير يلغيه وتشغله بارد فالصيف وخلاص وابقى اقفل الشباك فالشتا...وده للصالح العام لأنه بيخلي مية الردياتير تتملى صدأ...وكده كده انا شغلته بسيط الشتا اللي فات وجاب لي دور برد قاتل

رابعا...ريفليكس الحماية...موجود في العربية في كوع الترموستات بجوار حساس الحرارة بتاع العداد...حساس آخر للحرارة وظيفته ان لو حرارة العربية عليت بيدي أمر لوحدة التكييف انها تفصل عشان تخف الحمل عن الموتور...وده الصراحة لا انصح اطلاقا باللعب فيه لأنه مفيد فعلا وبينبهك لسخونة الموتور الزائدة...وده الحل الوحيد ليه حاجتين...انك تشيل ترموستات الكوعة...وانك تعمل زرار تشغل المروحة منه يدوي قبل ما تطلع المشوار عشان الحرارة متخرجش عن السيطرة

خامسا...تلاجة المكيف اللي تحت التابلوه...ودي مكانها فوق رجل اللي راكب عاليمين ناحية الوسط...دي لو فكيت دورة التكييف لازم تخللي الصنايعي يطلعها وتغسلها كويس جدا جدا جدا...عشان دي بتتملى فطريات وبتخللي الريحة زفت ومكمكمة...ويسلك لك خرطوم التصريف بتاع التلاجة عشان ميرميش ميه جوه الصالون

لو بتحب شغل الايد ممكن تدخل التوبيك ده هنا انا كنت عامله الصيف اللي فات فالسويفت عندي وأي استفسار أخوك موجود في خدمتك
وفي انتظار ردك

[ayman_hosamy]

السلام عليكم ورحمة الله وبركاته

دي مشكلة لها كذا بعد
اولا مفيش حاجة اسمها سيب المكيف بايظ عشان يبقى فابريكة....لا مؤاخذة فلتذهب الفابريكة الى الجحيم لو هتتسبب اني اتحرق فالحر الحر ده...واللي هيشتري العربية هيبص المكيف شغال وللا لأ...حتى لو عامل فيه ايه بالذي...كله بيهمه التسقيع وخلاص مش هيقول ده مكيف فبريكة بايظ فانا هاشتريه...انما هيبص مكيف بارد محترم

وحضرتك ممكن تعرف مستوى الشحن بتاع التكييف بسهولة...هتعمل ايه؟؟
هتقف في حته ضل وتشغل المكيف وانت فاتح الكبوت....هتلاقي جنب الكلاكس حاجة كده عاملة زي البرطمان الالمونيوم فيه ماسورة داخلة وواحده خارجة...ده فلتر الفريون بتاع التكييف...هتلاقي فيه من فوق كده حتة ازاز هتنضفها وتبص جواها (دي اسمها العدسه) والمكيف شغال لمدة تزيد عن دقيقتين على اعلى سرعة مروحة واعلى قوة تبريد ...لو الفريون كويس هتلاقي التالي...تحس ان فيه سائل كده بيجري جوه العدسة...وفيه فقاقيع صغيرة بتجري قدامك...وانت واقف مكانك خللي حد يطفى زرار المكيف وعينك عالعدسه...الطبيعي انك تلاقيه فارت او عكرت للحظة وبعدين تروق خالص....كده حضرتك تكييفك زي الفل

حاجة تانية....ممكن بإيدك بعد اما المكيف يشتغل 5 دقايق...هتجس المواسير بايدك وحس هل فيه فرق حرارة...لازم تبقى فيه واحدة سقعة وواحدة دافية

موضوع انه بيبقى سئ فالحر ده انا اكتشفت سببه عندي بالصدفة وناوي اعالجه....

اولا...السربنتينة الخارجية بتاع المكيف لازم تكون نضيفة جدا جدا جدا وماعليهاش تراب....مفيش مشكلة لو مرة كل اسبوع وانت خارج وهتشغل المكيف....اغسلها بجركن ميه من ناحية الموتور والعربية باردة وبعد كده دور ولو متوسخة جامد ممكن تديها ازازة خل لمدة ربع ساعة وتغسله بالمية ومش هتصدق اللي هينزل من عليها

ثانيا...مروحة السربنتينة ممكن تكون ضعيفة...فمش بتبقى ملاحقة تبرد الفريون فبيدخل التلاجة سخن...المروحة دي بتفصل اما الكومبريسور يطفى...حلها...هادور على طريقة ما تخليها شغالة مع كارتة المكيف باستمرار حتى لو الكباس مطفي

ثالثا...الخازوق الكبير وده اللي غالبا عندك زي ما هو عندي...فيه ميكانيزم ما...اما العربية بتسخن قوي...بتفتح سخان الدفايه عشان الموتور يفقد حرارة بسيطة عن طريقه وبالتالي بتلاقي المكيف صهد مرة واحده...وده حله انك تستغنى عن الجزء الساخن من المكيف وتخللي بتاع الردياتير يلغيه وتشغله بارد فالصيف وخلاص وابقى اقفل الشباك فالشتا...وده للصالح العام لأنه بيخلي مية الردياتير تتملى صدأ...وكده كده انا شغلته بسيط الشتا اللي فات وجاب لي دور برد قاتل

رابعا...ريفليكس الحماية...موجود في العربية في كوع الترموستات بجوار حساس الحرارة بتاع العداد...حساس آخر للحرارة وظيفته ان لو حرارة العربية عليت بيدي أمر لوحدة التكييف انها تفصل عشان تخف الحمل عن الموتور...وده الصراحة لا انصح اطلاقا باللعب فيه لأنه مفيد فعلا وبينبهك لسخونة الموتور الزائدة...وده الحل الوحيد ليه حاجتين...انك تشيل ترموستات الكوعة...وانك تعمل زرار تشغل المروحة منه يدوي قبل ما تطلع المشوار عشان الحرارة متخرجش عن السيطرة

خامسا...تلاجة المكيف اللي تحت التابلوه...ودي مكانها فوق رجل اللي راكب عاليمين ناحية الوسط...دي لو فكيت دورة التكييف لازم تخللي الصنايعي يطلعها وتغسلها كويس جدا جدا جدا...عشان دي بتتملى فطريات وبتخللي الريحة زفت ومكمكمة...ويسلك لك خرطوم التصريف بتاع التلاجة عشان ميرميش ميه جوه الصالون

لو بتحب شغل الايد ممكن تدخل التوبيك ده هنا انا كنت عامله الصيف اللي فات فالسويفت عندي وأي استفسار أخوك موجود في خدمتك
وفي انتظار ردك

انت والله موسوعة وربنا يباركلك على المعلومات القيمة جدا دى
ولازم العربية دى يتغير اسمها من سوزوكى سويفت ل سوزوكى exact


هعمل النصايح دى وارد عليك باذن الله

[roaa0roaa]

الف شكر للجميع على عدم الرد.

[exact]

الف شكر للجميع على عدم الرد.

العفو ياسيدي واي خدمة

هو اللي انت قلته ده محتاج رد...يعني همه عملوا الفتحة التانية دي ألاطة مثلا

دي فتحة ال Hard Acceleration يعني التسارع على المطالع او في حالة ان العربية محملة

وانت رديت على نفسك...العربية بتدخن وعاملة عمايل سودة...نقول ايه تاني

هد اللي اتعمل ده....وبلاش تشد علينا كده ياعمي

[roaa0roaa]

معلش اعزرنى يا د.مصطفى انا زهقت من اختراعات الميكانيكيه طب اروح عند مين انا من المحله جنبك

[roaa0roaa]

والمشكله ان الموتور جديد خايف يبوظ زى القديم بسبب واحد ما بيفهمش

[exact]

بص ياريس
الكربيراتير ده واحد من 2....يا اما مركز خدمة المهدي عند الحاج نبيل...وده قصاد العيادة الشعبية عالشون هيظبطهولك تنضيف وتظبيط...وجرب العربية شويتين لو معجبتكش تروح لمركز حمدي وده في شكري القوتلى في شارع جانبي جنب الصياد...اسال على مركز حمدي للترصيص...هم عندهم ورشة ميكانيكا فيها جهاز كمبيوتر لتحليل العادم وظبط نسب الحريق للبنزين...واما توصل اسال على عم حسني...وقول له انك من طرف دكتور مصطفى بتاع سمنود اللي معاه السويفت الزيتي (وابقى قول للمهدي برضه كده)...وخليه يظبط لك الكربيراتير هوا وبنزين...واكد عليه انه يظبط الكهربا بالكشاف مش بايده...ويقيس لك شحن البطارية....الفحص ده ب 25 جنيه وانا لسه عامله الاحد الماضي عشان العربية كانت بتاكل وتشرب بنزين...وهو حسنه الى حد كبير بس يستحسن انك تروح له بعد صلاة الضهر على طول...واللي يقرب للكربيراتير بعد كده تقطع له ايده عشان الظبطه بفلوس

[roaa0roaa]

والله يا باشا انت بتحرجنا بذوقك ومعلوماتك الغزيره انا كده كده كنت هروح عند حمدى ارصص واظبط زوايا واخليه يبصل على الموتور والكربراتيرواسف مره تانيه على اسلوبى على فكره انا مهندس ميكانيكا قوى فى شركه غزل المحله بس انت ماشاء الله هندسيا

[elraye2]

انا بفكر ابيع العربيه اساسا بسبب التكييف
انا جبت جااااااااااااااااااز منه

[sewefy]

تقربيا شايف مشكله التكيف دى عند كل السوفتيه وانا منهم مع ان فيه عربيات نفس السوفيت وتكيفها حكايه بجد منها ستروين ax الصغيره دى منها ماتور 1100 و 1400 والتكيف بجد ملوهش حل خالص انا فكرت اول الصيف اعمل التكيف ظهر بعدد العيوب منها ان التكيف بيفصل كل شويه ويقلب هواء سخن والتانى لما اكون طالع مطلع او ماشى مشوار طويل الاقى الحراره بقى فى السماء والحاجه التالته انه حتى مع اخر سرعه فى التكيف مش حل يادوبك بينسم كده مش تكيف قوى مع ان العربيه كمان موصفات خليجى بس بردو ارجع واقول مفيش مشكله ملهاش حل اكيد ليه حل بس ايه هوه مش عارف