رابطة مالكي السويفت

[exact]

تقربيا شايف مشكله التكيف دى عند كل السوفتيه وانا منهم مع ان فيه عربيات نفس السوفيت وتكيفها حكايه بجد منها ستروين ax الصغيره دى منها ماتور 1100 و 1400 والتكيف بجد ملوهش حل خالص انا فكرت اول الصيف اعمل التكيف ظهر بعدد العيوب منها ان التكيف بيفصل كل شويه ويقلب هواء سخن والتانى لما اكون طالع مطلع او ماشى مشوار طويل الاقى الحراره بقى فى السماء والحاجه التالته انه حتى مع اخر سرعه فى التكيف مش حل يادوبك بينسم كده مش تكيف قوى مع ان العربيه كمان موصفات خليجى بس بردو ارجع واقول مفيش مشكله ملهاش حل اكيد ليه حل بس ايه هوه مش عارف

فيه خازوق فالسويفت اسمه الردياتير

العربيات كلها رادياتير عريض في صدر العربية الهوا يطس فيه يبرد العربية...ده غير انه اما مروحة التكييف بتشتغل بتسحب هوا عالردياتير كمان

الخازوق التاني ان مروحة الردياتير مش بتشتغل مع المكيف وبتستنى لما العربية تسخن وبشتغل وبالتالي مش بتسيطر عالسخونة بسهولة...ودي حلها كتاوت ياخد اللقطه اول اما الكباس يشتغل يشغل مروحة الردياتير سواء العربية سخنة او لأ عن طريق انه يقفل سلكين الترموستات في بعض(والحل ده انا شخصيا عامله وحسن الوضع كتير) وعملت حاجة كمان ان الطريق اما ييجي يقف باشغل المروحة يدوي من زرار انا مركبه

الخازوق التالت...مفتاح التحكم فالحرارة...ومشكلته انه مش بيحكم غلق الجزء الساخن من التكييف...فتلاحظ ساعات ان الكباس شغال...ومع ذلك فيه صهد فظيع طالع مع رطوبة... وده حله وانا ناوي اعمله اني الغى السخان خالص...فمفيش ميه سخنه تعدي

وقلنا قبل كده ان فيه حساس جنب حساس عداد الحرارة عشان يفصل المكيف اما تسخن...ممكن تلغيه بس على مسئوليتك...وفيه حساس متوصل بسلم تحت دواسة البنزين عشان اما تقرص عالعربية يفصل المكيف لحماية الكباس من الدوران السريع ولتوفير العزم...ده ممكن تلغيه..

ممكن حركة تانيه بس عاوزة دعبسه....انك تخلي مروحة السربنتينة نتفصلش خالص طول مالمكيف شغال...دي هتخللي الفريون يتبرد اثناء مالمكيف فاصل...بس لازالت طريقتها قيد البحث بالنسبة لي

اهم حاجة في شحن وصيانة المكيف هو تقفيل الدورة كويس جدا جدا جدا....وعمل فاكيوم حتى -76 عالعداد مش بالفهلوة والفكاكة

[sewefy]

كلامك 100\100 فعلا اللى انتى قولته كله بيحصل فعلا

[elraye2]

يعنى ايه عمل فاكيوم حتى -76

[exact]

يعنى ايه عمل فاكيوم حتى -76

شايف شكل العداد ده؟؟


المؤشر واقف على 0...اما سيادتك بتنفخ المؤشر يمشي مع عقارب الساعة
اما بتشفط او تعمل فاكيوم بيمشي عكس عقارب الساعة فالجزء المتدرج بالأخضر ده...هيفضل يفرغ لحد اما العداد ييجي فالتدريج الاخضر على 76 والجزء الاخضر ده بالسالب

[roaa0roaa]

دكتور مصطفى انا قفلت خرطومين فاكيوم ببعض العربيه ظبطت خالص وبقت حلوه فى الطلعه والدخنه راحت واحد اللى واخد من تحت خالص واعتقد ده كان بيتحط فى العمه والتانى اللى كان رايح لوحده التقديم الاتماتيك اللى فى الاسبيراتير

[roaa0roaa]

يا رب تظبط بقى

[ayman_hosamy]

السلام عليكم ورحمة الله وبركاته

انا شوفت العدسة يا د.مصطفى والوضع زى ما حضرتك قولت بالظبط ......فعلا حسيت ان فيه ماء بيجرى وعند اطفاء التكييف حدث فوران لمدة ثانيه ثم حدث روقان

وتم غسل السربنتينة بالخل والماء ذى ما حضرتك قولتلى والبرودة نوعا ما تحسنت بس برضة الواحد بيركب عربيات بيلاقى تكييفها فعلا فريزر
ليه السويفت مش كده؟

نفسى التكييف يتحسن؟

[exact]

انا شوفت العدسة يا د.مصطفى والوضع زى ما حضرتك قولت بالظبط ......فعلا حسيت ان فيه ماء بيجرى وعند اطفاء التكييف حدث فوران لمدة ثانيه ثم حدث روقان

وتم غسل السربنتينة بالخل والماء ذى ما حضرتك قولتلى والبرودة نوعا ما تحسنت بس برضة الواحد بيركب عربيات بيلاقى تكييفها فعلا فريزر
ليه السويفت مش كده؟

نفسى التكييف يتحسن؟

جرب التالي...سخن العربية كويس...اتحرك بيها عالطريق والتكييف مطفي...واول ما تحس ان الموتور سخن افتح الزرار اللي بيجيب هوا من بره والمكيف مطفي..شوف هتلاقي صهد زايد عن الجو ولا لأ....
هل المكيف وقت الحر الكومبريسور شغال والفتحات جايبة صهد

لو الاجابة عالسؤالين بنعم يبقى سيادتك عندك مشكلة زي حالاتي فالسخان...وهتضطر تلغي الجزء السخن من المكيف...وده اللي هاعمله بكرة ان شاء الله

ترقبوا في خلال ساعات....
أول ثمار التعاون في المنتدى بيني وبين الزميل المحترم أ أحمد رفعت ألا وهي الكتالوج

[exact]

دكتور مصطفى انا قفلت خرطومين فاكيوم ببعض العربيه ظبطت خالص وبقت حلوه فى الطلعه والدخنه راحت واحد اللى واخد من تحت خالص واعتقد ده كان بيتحط فى العمه والتانى اللى كان رايح لوحده التقديم الاتماتيك اللى فى الاسبيراتير

يعني انت فكريت الخرطومين من مكانهم ووصلتهم في بعض؟؟

[elraye2]

غسلت الثلاجه بتاع المكيف النهرده كان فيها طين بس محستش بفرق غير فى ان الريحه بتاعت التكييف بقت كويسه
التكييف وهوه شغال العدسه بتبقى فيها حاجات بيضه كده وفيها هواء
كده عايز يتشحن
وشكلى كده هبيع قريب وهنضم لرابطه ال لانسر بس طبعا عمرى ما هنسى اصلى

[exact]

الحمد لله وحده

تم رفع كتالوج المالك اليوم فجرا

والصراحة طلع عيني في سحبه سكانر لما ايديا وقفت

اللي طالبه حاجة واحدة...الدعاء للأستاذ أحمد رفعت (hemeda14) [لأنه صاحب الكتالوج...وعشان تعب جدا على ما صوره وعلى ما عرف ييجي يديهولي]... أو للعبد لله بأي دعوة تدعيها لنفسك من قلبك

وأتوجه بالشكر والتقدير والعرفان للزميل المحترم العزيز جدا أ. أحمد (hemeda14) على مجهوده ويعجز لساني عن شكرك فعلا...الا اني هاقول لك جزاكم الله كل خير عما قدمتموه...لأن حقيقي لو حد تاني كان هيكبر دماغه


لينك التحميل
Exact.Swift.User.Manual.rar

باسوورد فك الضغط nilemotors.net

هو الحمد لله الكتالوج أنا فاهم معظمه من فتره كبيرة...فاللي عاوز أي حاجة يسأل

وآخر دعواهم أن الحمد لله رب العالميــــــــــــــن

[exact]

غسلت الثلاجه بتاع المكيف النهرده كان فيها طين بس محستش بفرق غير فى ان الريحه بتاعت التكييف بقت كويسه
التكييف وهوه شغال العدسه بتبقى فيها حاجات بيضه كده وفيها هواء
كده عايز يتشحن
وشكلى كده هبيع قريب وهنضم لرابطه ال لانسر بس طبعا عمرى ما هنسى اصلى

انت بكلامك محسسني ان اللي بتقول عليه ده مش بيحصل للمرسيدس
وياسيدي انضم براحتك ومتقطعش بينا
وعلى فكرة انا بافكر لو نويت -ده لو- يا لانسر يا فيرنا

بس كويس انك غسلت التلاجة...انا كنت غسلتها بخرطوم المغسلة وقعدت ييجي ربع ساعة تنزل طين...واما نضفت فرقت اكتر من 50 %

المكيف بيعوز صبر

مكيفك فيه حاجة من 2 يا اما شحنت وماتعملش فاكيوم كويس
يا اما عاوز تزود شحن وده سهل جدا جدا...ارجع للموضوع بتاع اشحن تكييف عربيتك بايدك وانت هتلاقي كل حاجة

[roaa0roaa]

يا باشا انا فكيت الخرطومين من الكربراتير ووصلت الماسورتين اللى خارجين من الكربراتبر بخرطوم واحد واعتقد ان مكان الماسورتين واحده خارجه من مجمع السحب واعتقد بيوصل خرطوم منها للعمة والماسوره التانيه خارجه من تحت العمة واهى محاوله وخلاص على بال ماارجع المحله اصل انا بصيف فى اسكندريه دلوقتى عقبلكم جميعا

[roaa0roaa]

د.مصطفى العربية عندى شاريها كان راكب فيها تكييف بس ناقص الكمبريسور وانا مش ناوى اشغله خالص اللى عايز حاجه من التكييف اناتحت امره هديه منى

[roaa0roaa]

لانه ما لوش لازمه عندى