صنايعيه خبره فى المازدا.

[tarabily]

الساده الكرام . مساء الفل

نظرا لانضمامى الجديد لملاك المازدا وقلة خبرتى وخبرة كتير من الميكانيكية فى هذه السيارة جاتلى فكره قلت اعرضها عليكم للمصلحه العامه وهى عرض التجربه الشخصية لملاك المازدا مع الميكانيكيه الخبره بانواعهم ( ميكانيكى / عفشجى / وكهربائى ) .

يعنى اللى يعرف حد فاهم كويس فى اى من التخصصات دى يقول كانت مشكلته إيه وإتعامل مع مين وياريت يكتب اسم الميكانيكى ومكانه وتليفونه لو امكن .

وياريت برده اللى جرب حد ماطلعش تمام يعرفنا.

تحياتى / احمد.

[Magdyahassan]

متابع

[tarabily]

وانا كمااااان

[WalidAdel]

بص هو انا الحمد لله اتعاملت مع اتنين لحد دلوقتي في العربيه و ماشاء الله كل واحد ليه شغله فيها
بمعني لو مشكله في حساسات و سحب او حاجه في المكنه عموما عليك وعلي مركز العاليمه في الحرفيين ... ناس فهمه اوي اوي اوي في العربيه
كان عندي مشكله في سحب العربيه علي سرعات بعد قطع مسافه بها بمعني وانا علي طريق الاسكندريه الصحراوي و بجري لو كملت للماستر يبقي فل اوي كده تسيب العربيه تبرد (20 دقيقه مثلا) ترجع تكمل طريقك تلاقيها زي الفل تبتدي نفس النظام كده قبل البوابات بشويه و هكذا ... شوفت انهارده يوم اسود مع العربيه و ماشي في الصحراوي علي 80 و كلام كده
روحت لواحد قالي ده طلمبه بنزين و حوارات و غير و بعدين نشوف و هيا ب الف جنيه تقريبا محسسني انها عادي الالو جنيه دي تدفع كده من ماتتحلش .... روحتلهم حطوا العربيه علي جهاز (للياباني فقط) مش حاجه يونيفرسال تمشي علي كله لاقي ان الأير ماس و حاجه تانيه مسجل ايرور - طلع ان في بلف كده بيسحب هوا للأيرماس طلع بينفس و مش بيسحب هوا كويسه فبيدي الايرور ده و بيخالي العربيه تبرجل دفعت في الحوار ده 200 جنيه وانا مبسوط مع ان تبص علي البلف ده هاتكسل تشوطه برجلك (بس الفاهم بقي عرف العيب فين في خمس دقايق)

[romar]

السلام عليكم...
إزيكم يا رجالة وحشتوني... إيه أخبار العربية المازدا معاكم؟
أنا كنت بس عايز أسأل على العالمية بتاع الحرفيين فين بالظبط... عندي صيانة 10 آلاف كيلو وكنت بفكر أروح لهم... وياريت لو حد يعرف برضه مكان تاني كويس يقول لي... بس طبعا مش غبور... لأني معنديش استعداد أسيب العربية يتعمل لها صيانة من غير مابقى واقف جنبها...

دي خريطة الحرفيين.... بعد إذنكوا ياريت حد يشاور لي على العالمية فين بالظبط..... وألف شكر وتقدير ليكم
Wikimapia - Let's describe the whole world!

[WalidAdel]

هو انا شاورتلك عليه "مركز العالميه لصيانة الياباني"
بس هو متعلم عليه يعني

[romar]

جزاك الله خيرا....
بص هو Wikimapia بتاخد وقت لغاية مالناس تشوف الأماكن اللي عملها أعضاء آخرون... ياريت بعد إذن حضرتك لو توسطن المكان في نص الخريطة بالظبط (عند علامة الزائد اللي في السنتر) وبعدين تاخد الـ address من على الـ Browser بتاعك وتبعتهولي.. كدة أنا حعرف أشوف المكان أسرع.... شكرا جدا على تعبك معايا

[tarabily]

هو المركز ده فى الحرفيين اللى فى جسر السويس ؟

[WalidAdel]

هو المركز ده فى الحرفيين اللى فى جسر السويس ؟

اه فعلا هو المركز اللي في جسر السويس

اهو ياباشا
Wikimapia - Let's describe the whole world!

[romar]

ألف شكر يا باشا :)

[tarabily]

اه فعلا هو المركز اللي في جسر السويس

اهو ياباشا
wikimapia - let's describe the whole world!

الف شكر ياوليد بيه.

واضح من مشاركة الأعضاء ان العربيات دى مش نتعطل . او بتعطل وماحدش عنده خبره فيها.