صدمة المازدا 3

[amoor_mod]

انا نازل اتفرج على عربية مازدا 3 2008
قولت اخد فكرة من المنتدى الجميل ده
وإذ فجأة وانا بقلب فى المواضيع حسيت انى هلبس العربية ناس كتير بتتكلم عن كبالن وبطاحات وعفشة وطنابير وعلبة دريكسيون واسعار قطع غيار ودينامو وسيور بتتقطع
والغريبة ان كل ده بيحصل عند 70 الف وال80 الف حسب ما فهمت من كلام الناس
يعنى انا مجمع فلوسها بالعافية وانزل اشتريها وبعد شهر البسلى بتاع 5 الاف جنيه عشان اغير الحاجات دى
انتو قلقتونى من العربية بشكل كبير
يا ريت يا جماعة تفيدونى بالصح .. انتو اهل الخبرة ومعاكم العربية ومجربينها
انا بتفرج على عربية ايرو 2008 عاملة 60 الف كيلو
اشتريها ولا لا
ويا ريت لو العربية هتتعبنى قولولى بدل ما ذنبى يبقى فى رقبتكم
وقولولى بردو اكشف عليها فين عشان معرفش اى حاجة فى المازدا
ومتشكر ليكم جدا ويا رب ملبسش حاجة تتعبنى
شكرا يا مازدااااااوية

[blazer]

العربيه مع واحد صاحبى كان مع اوبترا واشترا واحده ايرو
العربيه كويسة وفرق كبير طبعا عن الاوبترا
بس مصاريفها عالية جدا مقارنة بلأوبترا
واعمل حسابك ان اى عربيه مستعمله مهما كانت حالتها هتصرف معاك ال 5 الاف اول ما تشتريها

انت معاك رينج كام فلوس للعربية

[mando_07]

العربية ممتازة هي اه مصاريف التشغيل بتاعتها أكتر شوية من العربيات اللي في الفئة بتاعتها زي اللانسر و اللانترا أنت أهم حاجة بس تشوف حاجة تكون حالتها كويسة وتكشف على العفشة كويس جداً

[medokassem]

انا نازل اتفرج على عربية مازدا 3 2008
قولت اخد فكرة من المنتدى الجميل ده
وإذ فجأة وانا بقلب فى المواضيع حسيت انى هلبس العربية ناس كتير بتتكلم عن كبالن وبطاحات وعفشة وطنابير وعلبة دريكسيون واسعار قطع غيار ودينامو وسيور بتتقطع
والغريبة ان كل ده بيحصل عند 70 الف وال80 الف حسب ما فهمت من كلام الناس
يعنى انا مجمع فلوسها بالعافية وانزل اشتريها وبعد شهر البسلى بتاع 5 الاف جنيه عشان اغير الحاجات دى
انتو قلقتونى من العربية بشكل كبير
يا ريت يا جماعة تفيدونى بالصح .. انتو اهل الخبرة ومعاكم العربية ومجربينها
انا بتفرج على عربية ايرو 2008 عاملة 60 الف كيلو
اشتريها ولا لا
ويا ريت لو العربية هتتعبنى قولولى بدل ما ذنبى يبقى فى رقبتكم
وقولولى بردو اكشف عليها فين عشان معرفش اى حاجة فى المازدا
ومتشكر ليكم جدا ويا رب ملبسش حاجة تتعبنى
شكرا يا مازدااااااوية

شوف ياباشا لو العربية متصينة ومتحافظ عليها وحالتها زيرو حط في بطنك بطيخة صيفي واشتريها المازدا انتا لو ركبتها هتعرف ان حلال كل مليم ادفع فيها هتحس انها بدل ماتجيب بتمنها مستعمل النترا او سيراتو لا انتا تجيب المازدا هتاخد القيمة مقابل السعر وصدقني انا طول عمري بسوق كوري واقسم بالله من ساعة مجبت المازدا ومش عارف انزل منهااقسم بالله انا اخر مرة واخد سيراتو بتاعت واحد صاحبي مش قادر ازود عن ال٧٠ حاسس ان العربية عايزة تحضن حاجة انا قولت يانهار ابيض بقي دي السيراتو اللي قبل ماشتري المازدا كنت بجيب بيها ١٧٠بجد حسيت ان حياتي كانت سهل انها في لحظة تضيع اه الاعمار بيد الله وممكن انتا لوراكب بي ام موديل السنه تموت في ااقل حادث تافه بس هقولك علي حاجة خد بالاسباب تبقي راكب عربية محترمة ووسائل امان محترمة وهاندلنج وثبات محترم والباقي بتاع ربنا خد بالاسباب مش معني كده ان العربيات التانية وحشة بس كله حسب استعماله لكن صدقني المازدا بتاعت بهدلة وتستحمل مبتقولش لااااااااااااا انا واحد صاحبي ماشي بقالو ٣ شهور بمساعد ضارب وشايل تيش الامامي اللي علي اليمين والكوبلن حطيناله صليبة الانوس وحفرنا في راس الكوبلن عشان تدخل وماشي بطرمبة الانوس والعربية لسا بيحري بيها لحد ١٦٠ وعامله ١٢٢ الف كيلو وكارفها
مش معني كده ان العربية كاملة لا مفيش عربية كاملة الكمال لله لكن العربية للامانه لو انتا من النوع المحافظ مش هتصرف مليم لحد ١٧٠ الف غير كده الكبالن لو انتا من النوع اللي رجليه طارشة علي العربية والمكنه وفرك وتخميس وشد وحرق الكوبلن معاك ٨٠ الف علبة الدركسيون بتخرب من النقر والطريق اللي مليان مدقات بس مش هيا اللي بتتغير لا في حاجة اسمها بارات داخلي وخارجي هيا اللي بتتغير انا علبة الدركسيون عندي قعدت ٢٣٠ الف كيلو انا اللي غيرتها نضافة
اما السير اللي اتقطع انتا اكيد تقصد اللي انا كتبته في موضوع هنا وده بسبب السير اللي انا غيرته بواحد وحش اوي مضروب يعنيلكن بتاع العربية المفروض يتغير عل ٨٠ الف انا واحد صاحبي ماشي عليه ١٢٢ الف ومقلش لا ربنا يباركله في عربيته
البطاحات انا عندي غيرتها عل ٢٣٠ الف كيلو يعني حلال عليها اوي كده في الطرق دي
وتمنها لا يتعدي ال٧٠٠ الاصلي
اما بالنسبة للطنابير اه العربية بتاكل طنابيير بس مش معني كده ان كل شهر تغيرلها طنابير لا لو استعمالك حشن قول كل ٣ سنين لو اصلي ب ١١٠٠ الاصلي
قطع غيار ايه اللي غالية ياباشا زمان التيل كان ب١٠٠٠ جنيه دلوقتي بقي ٥٥٠
الاصلي وايه رايك بقا انا مركب تيل عندي ب ١٤٠ وزي الفل طب ايه رايك انا جايب فانوس خلفي ماركة ديبو تايواني ب٢٤٠ جنيه
علي فكرة قطع الغيار كده بالنسبة للعربات المستعملة اللي في تمنها زي الالنترا والسيراتو اه المازدا اغلي لكن بالنسبة للعربيات اللي في فئتها زي الاوكتافيا والجيتا الاولد شيب والكورولا المازدا مميزة ومش اغلي منهم
ياباشا متبصش انك هتشتري عربية ب٩٠ الف مستعملة لا بصلها انها اتدفع فيهازيرو ١٥٥ الف
هقولك علي حاجة اسال اي حد ركب بي ام ومازدا عارف هيقولك عليه ايه
بي ام الصغيرة
عيبها انك لما تيجي تنزل منها مش هتعرف تركب غير الالماني العالي
روح كشف عليها في سمارت كار حافظينها اكتر من التوكيل وخليه يفليهالك


سمارت كار

151 كورنيش النيل, المعادى, القاهرة

التليفون:
02-25243006 , 0111-6663662, 02-27030025 , 0111-0102091
اي استفسار انا في الخدمة

[Thebutcherr]

يعنى نطلع احنا من المنتدى يا عم ميدو و نسيبهولك بقى ولا ايه؟

[medokassem]

يعنى نطلع احنا من المنتدى يا عم ميدو و نسيبهولك بقى ولا ايه؟

يانهار ابيض ياباشا الواحد ميجيش جنبكم حاجة ده انا لسه بتعلم منكم يا كبيييييير ^_^

[haythamabo]

والله انا شايف فى حاجات فى الاوروبى ارخص كتير وحتى قطع غيارها ارخص من الماذدا ممكنم تاخد فكرة عنها

[sprinter]

والله طول عمرى اقول على المازدا انها بي ام بنص التمن و فعلا بعد اما ركبت المازدا حمدت ربنا انى اخترتها ومجبتش سيراتو ولا النترا

[panuccistorex]

انا معايا مازدا 3 2009 مانيوال و عايزا اقلك مبهدل العربيه عملت 130,000 كيلو و مغيرتش غير قواعد الماتور و كوبلن و في حاجات بتتغير زي مسمار الميزان و التيش بتتغير فكل العربيات بسبب لطرق المكسرة و اسعار قطع الغيار نزلت فالسعر ومتوفره في اماكن كتيير

[medokassem]

انا معايا مازدا 3 2009 مانيوال و عايزا اقلك مبهدل العربيه عملت 130,000 كيلو و مغيرتش غير قواعد الماتور و كوبلن و في حاجات بتتغير زي مسمار الميزان و التيش بتتغير فكل العربيات بسبب لطرق المكسرة و اسعار قطع الغيار نزلت فالسعر ومتوفره في اماكن كتيير

انتا اكيد عمرو ^_^