رجالة مازدا 3 2008 شوية اسئلة

[body]

السلام عليكم ورحمة الله وبركاتة


يارجالة المازدا انا عايز اجيب مازدا 2008 كسر زيرو

بس عايز اعرف اية هيا الاماكن اللى بتعملوا فيها الصيانة

فى اى مكان بالظبط

وكمان سؤال كدة انا متأكد منة بس عايز منكم تأكيد هل لما ابيع الياريس 2008 كنت جايبها زيرو

واجيب مازدا 2008 كسر زيرو هحس بفرق انى فعلاً راكب عربية نضيفة ومحترمة وثابتة بدل اللى بتترقص وعاملة زى المراجيح عالطريق الياريس

هل هندم انى هبيع الياريس ولا قرار المازدا دة مش هندم علية

-
وعايز اعرف الكسر الزيرو الاتوماتيك الكاملة لو نضيفة اوى تعمل كام

[Fadi Ezzat]

بجد بجد بجد مش هتندم ابدل لو جبت المازدا بجد عربية تحفة
انا احيانا كنت بجيب بيها
هى عربية صاحبى
بجيب
بيها
180 عادى جدا يعنى بجد حلو جدا فى حكاية الثبات والشد وكدة

[Eng.Sameh]

يا باشا تندم ايه ، انت بعد ما تنزل من الياريس وتركب مازدا3 ، هتحس انك مكنتش راكب عربية أصلا ، منتهى الثبات والشياكة والفخامة وشد وتحكم فوق الممتاز ، وأنا عن نفسي باعتبرها افضل سيارة في فئتها ، وكتير في جميع الدول بيفضلوها عن سيارات فئتها ، بالنسبة للسعر ، يا ريت تقولي بس عاملة كام كيلو وفابريكة كلها ولا لأ واعلى فئة ولا انهي او قول كمالياتها وانا هعرف ، بالتوفيق ان شاء الله

[AmRElSiSi]

اكيد مش هتندم
عربيه ثابته جداً و لو انت كمان من عشاق الشد
بس نصيحه منى لو جبتها متركبش جنط اكبر من 16 لانه بيفرق كتير
فى التجميع و فى ان العفشه تحتاج تتربط كل اسبوع و اسئل مجرب
اما بالنسبه للسعر دلوقتى ممكن تجيب واحده v2 نضيفه فى حدود 100 الف

[mazda323]

اللى يركب مازدا عمره ما يندم لما تركب المازدا تعرف ان التويوتا الياريس لعبة جنبها مازدا قوة وثبات وتحكم و شياكة وعمرك ما هتندم على قرارك بس اتوكل على الله وافحصها والله يوفقك تامر عاشق المازدا مازدا وبس

[محمد عز]

الياريس كفئة اقل من المازدا 3 فهى تعادل المازدا 2

فتعتبر المازدا 3 احسن كاداء وكراحة وتجهيزات لاختلاف الفئة

لكن الياريس ليها مميزات مش موجوده فى المازدا 3

عربيه موفرة فى البنزين
سهولة البيع وسعر اعادة البيع اعلى من المازدا 3

استخير وتوكل على الله

ان شاء الله مش هتندم

[Ahmed Samy]

انت بتقارن بين الياريس و المازدا ؟!!! و كمان في الثبات ؟؟؟

لا لا اتطمن خالص ...مش هاتندم ولااااااا ثانية

انت بس هاتندم على الأيام اللي قضيتها في الياريس و المازدة رايحة و جاية قدامك و انت مش راكب فيها ..

المازدا عربية محترمة و جميلة وثباتها جيد جدا جدا مقارنة بالياريس ممتاز و الصالون طبعا حاجة تانة غير صالون الياريس الفاضي اللي تحس انك قاعد لوحدك .......

السعر دلوقتي المازدا الكاملة Aero تعملها جديدة 135000 مئة و خمسة و ثلاثين ألف يعني المستعملة كسر هاتلايها فهلا في حدود ال 100000 مئة ألف

وهاتلاقي كماليات و جودة هاتحس بيها



وربما يوفقك

[Fadi Ezzat]

انت بتقارن بين الياريس و المازدا ؟!!! و كمان في الثبات ؟؟؟

لا لا اتطمن خالص ...مش هاتندم ولااااااا ثانية

انت بس هاتندم على الأيام اللي قضيتها في الياريس و المازدة رايحة و جاية قدامك و انت مش راكب فيها ..

المازدا عربية محترمة و جميلة وثباتها جيد جدا جدا مقارنة بالياريس ممتاز و الصالون طبعا حاجة تانة غير صالون الياريس الفاضي اللي تحس انك قاعد لوحدك .......

السعر دلوقتي المازدا الكاملة aero تعملها جديدة 135000 مئة و خمسة و ثلاثين ألف يعني المستعملة كسر هاتلايها فهلا في حدود ال 100000 مئة ألف

وهاتلاقي كماليات و جودة هاتحس بيها



وربما يوفقك

على فكرة السعر كان 145 الف بتاع المازدا ايرو
وبقى 135
وبعدين
بقى 132

[Ahmed Samy]

على فكرة السعر كان 145 الف بتاع المازدا ايرو
وبقى 135
وبعدين
بقى 132

هيا رخصت لسببين :
أولا : انها اساسا كان غبور منزلها غالية و حتى بتوع الخليجي لما جابوها عاموا على عومه و رخصوها حاجة بسيطة .

ثانيا : ان الموديل الجديد قرب ينزل ...فالخليج فعلا بيصفي اللي عنده و تلاقي الألوان الأحمر و الأبيض بقت موجودة بعد ماكانت ولا المخدرات أيام العز و كانت بالحجز و بزيادة 5 الاف و ساعات يقوللك انسى ..ما فيش
دلوقتي الأحمر و الأبيض في كل حتة و بالكماليات الإضافية كمان


سبحان من له الدوام ..

[body]

اولاً بشكر حضراتكم جداً جداً على ردكم الجميل

بس عايز اعرف لو جبتها اعملها صيانة فين بالظبط ؟؟؟؟؟ يعنى فين التوكيل بتاعها اللى اعمل فية الصيانة ولا انتم بتعملوا صيانتكم فين ؟؟

وكمان عايز اعرف حاجة الكاملة اللى هيا اعلى فئة بفتحة سقف كسر زيرو نضيفة اوى تعمل كام
واللى من غير فتحة سقف الكاملة كسر زيرو تعمل كام

وهل aero دى اللى هيا اعلى فئة اللى بفتحة سقف

ان بصراحة محتار وهتجنن بينها وبين السوبارو ياريت ياجماعة تقولوا رايكم وتثبتونى على قرار عشان انا هاخد كلامكة دة ثقة

[Eng.Sameh]

هيا رخصت لسببين :
أولا : انها اساسا كان غبور منزلها غالية و حتى بتوع الخليجي لما جابوها عاموا على عومه و رخصوها حاجة بسيطة .

ثانيا : ان الموديل الجديد قرب ينزل ...فالخليج فعلا بيصفي اللي عنده و تلاقي الألوان الأحمر و الأبيض بقت موجودة بعد ماكانت ولا المخدرات أيام العز و كانت بالحجز و بزيادة 5 الاف و ساعات يقوللك انسى ..ما فيش
دلوقتي الأحمر و الأبيض في كل حتة و بالكماليات الإضافية كمان


سبحان من له الدوام ..

على فكرة أنا بس عاوز أوضح أن كل الماركات سعرها نزل في الخليج مش بس المازدا ، ولكن المازدا عشان التوكيل مش مركز فيها فبيقدرو ينزلو سعرها لأنهم أصلا جايبنها أرخص من الأول نظرا للأزمة ، وعلى فكرة كمان الكرولا الخليجي سعرها دلوقتي أقل بفرق مش قليل ، يعني أعلى فئة فيها ممكن تجيبها خليجي ب 135000 وكانت معروضة عليه بالسعر ده قبل أي كلام ، يعني الملخص أن كل العربيات سعرها نزل في الخليج ، لكن هنا بينزلو بمزاجهم ، وقريب قوي هتلاقو كل الماركات سعلاها نزل من 10000 ل 15000 أو أكتر ، زي ما حصل في الخليج ، بس هما بيجيبو آخر الزبون ، عشان كده يا ريت الناس اللي عاوزة تشتري ماركات تانية لسه منزلش سعرها تصبر شوية وهتشوف اسعار تانية .... وبمناسبة الألوان انا حاجز فضي وشايفه جميل فيها جدا مع الجنوط وفاميه وفتحة السقف ، فهل انتو شايفين الأبيض أحلى ولا إيه رايكم

[Ahmed Samy]

الأبيض جميل قوي بصراحة

بس طبعا دي أذواق يا باشمهندس

[Fadi Ezzat]

الأبيض جميل قوي بصراحة

بس طبعا دي أذواق يا باشمهندس

+11111111111
الابض فى الممازدا 3 تحفة

[AmRElSiSi]

انا كتت محتار زيك فى المازدا و السوبارو
بس الصراحه لما سوقت الاتنين مفكرتش و جبت المازدا

بالنسبه للالوان انا شايف ان احلى لون فيها هو النبيتى و الاحمر

[body]

انا كتت محتار زيك فى المازدا و السوبارو
بس الصراحه لما سوقت الاتنين مفكرتش و جبت المازدا

بالنسبه للالوان انا شايف ان احلى لون فيها هو النبيتى و الاحمر

طيب اية اللى خلاك ياباشا تختار المازدا اية اللى عجبك فيها عن السوبارو

وكمان السوبارو عربية فئة بذاتها