عاوز أكشف على العفشه

[A.Gameil]

حد يعرف بتاع عفشه كويس وعنده ضمير أكشف عنده ويقولي على كل اللي في العربية من غير ما يفتح لنفسه شغل

وشكراً

[zanativich]

انت ساكن فين؟

[A.Gameil]

شكرا على سرعة الرد
أنا ساكن في المقطم وشغلي في مدينة نصر , طبعاً لو فيه حد قريب وكويس يبقي ممتاز و لو فيه حد بعيد وكويس أروح موش مشكلة بس المهم يكون أمين ويقولي على اللي في العربية بأمانه من غير ما يفتح شغل لنفسه

[M.Nasr]

ياريت لو حد يعرف عفشجى كويس يقول عليه
انا كمان عندى مشكلة فى عفشة العربية

[HeMa_LanCeR]

بما انك في المقطم اكيد عارف بنزينه التعاون
في هناك عفشجي كويس واحد صاحبي بيتعامل معاه علي طول وبصراحه لما روحت معاه مره لقيته فاهم في الشغل لأنه كان بيغير كرونه من موديل لموديل تاني يعني موضوع كان محتاج تعديل

[HeMa_LanCeR]

وعموما قولي مشكلتك ايه
وروح اسمع منه حل المشكله وتعالي بلغني وانا اقولك كلام مظبوط ولا لأ
ولو عايزني في يوم اطلع واجي معاك مافيش مشكله انا تحت امرك اناكل يوم في المعادي عند كرفور من 9 الي 3

[A.Gameil]

يا باشا كلك زوق , أنا بس موش عاوز أتعبك

المشكلة:
-------
أنا بحس بتخبيط شوية في المطباط ولما يكون الشارع فيه زلط صغير بحس إن التخبيط جاي من تحت أنا كنت كشفت قبل كده وأنا بشتري العربية وقالي إن المساعد الأمامي شمال محجر شوبة وهوا فعلا بيعمل خبطه بس في المطب الجامد لكن انا بتكلم على الزلط الصغير و بيبان أكتر و أنا ماشي على طريق سريع
المهم رحت لبتاع عفشة كنت بتعامل معاه في المنيل وتقريبأً طلع كل العفشة عاوزة تتغير
الأربع مساعدين
ذراعات علبة الدركسيون بالبارات بتاعتها
والكاوتش كله عاوز يتغير
وقاعدة القنطرة الخلفية
وكاوتس الكوبلن الشمال
فحسيت إنه بيفتح لنفسه شغل فرحت كشفت في التوكيل اللي المفترض بيطلع كل كبيره وصغيره
واللي حصل إنه لما طلعلي التقرير مكنش كاتب فيه الحاجات اللي أنا متأكد إنها عاوزه تتغير ولما رجعت للمهندس اللي كتب التقرير رجع كشف عليها تاني وقالي إنها فعلا محتاجه تتغير
بصراحه أخدت التقرير ومشيت وحسيت إني رميت فلوس الكشف على الأرض
فمحتاج واحد يأكدلي كلام مين هوا الأصح
بتاع العفشه ولا التوكيل ؟

أنا نسيت أقولك إن كان عندي رجه في الدركسيون وحدفه شمال وكان سببها إن الكاوتش عاوز يتبدل مكانه وكان فيه جنط عاوز يستعدل ولما رحت للعفشجي بتاع المنيل مقليش عليها من ضمن الحاجات واللي إكتشفها بتاع الكاوتش و لما رحت إبدل العجل علشان أعرف المشكله في الزوايا ولا الكاوتش

ممكن بس حضرتك توصفلى بنزينة التعاون في في المقطم ؟
انا اللي أعرفها في المقطم في شارع متفرع من شارع 9 - من الدخله اللي أمام كشري التحرير - دي اللي حضرتك تقصدها ؟

أنا عربيتي لانسر 2005 - و روحت كشفت في توكيل مصرية اللي في طريق قليوب
هل من مساعد ؟؟

[HeMa_LanCeR]

هي في الشارع اللي بعد بنزينه شل وانت جاي من النافور
وعموما كده اكيد بارات الدركسيون عايزه تتغير
عموما روحله وشوف هيقولك ايه

[A.Gameil]

هي في الشارع اللي بعد بنزينه شل وانت جاي من النافور
وعموما كده اكيد بارات الدركسيون عايزه تتغير
عموما روحله وشوف هيقولك ايه

طيب حضرتك تعرف إسم الراجل و لا هوا الوحيد اللي موجود في البينزينة بيكشف على العفشه

boss ya basha a7san wahed wa shater gedan wa mo7taram wa ameen esmo hamada emam . Fee share3 el ba7r 2el a3zam wa enta fee share3 el ba7r 2el a3zam fee benzynet masr ba3deha 3alatool awel yemen fee shemal

أنا شاكر لحضرتك جدا بس ممكن توصفلي الطريق من منزل الدائري علشان أنا مرحتش هناك غير مرة واحده وفاكر إن كان فيه كذا بنزينه

[abcdefghi]

ba3d matenzel men 2el da2ary emshy shwia hatla2y benzynet masr 3ala shemalak . lef wa ed3'ol men gambaha yemen fee shemal