مساعدة في المساعدين

[Ralliart]

أنا بقالي 130 الف كم مغيرتش مسمار في العفشة وبقالي شهر بروح القطامية ومطار امبابة وحتت متكسرة جامد وحاسس ان المساعدين ودعو خلاص وكتر خيرهم بصراحة
المشكلة اني لما سألت في التوكيل الجديد لقيت الاسعار مولعة والاربع مساعدين هيخشولهم في 3 وشوية ودا مستحيل!!
طبعاً هجيبهم من بررة بس لما سألت قالولي ان الـkyb مش بيعيش مع ان الاصلي بتاع العربية kyb مش عارف اللي في السوق مضروب ولا ايه بالظبط
اللي عايز اعرفه اجيب نوع ايه ومنين وبكام واجيب المساعد لوحده ولا اغير معاه حاجات كمان زي البطاحات؟
وكمان كنت عايز مقص امامي يمين وجلب مقصات وقاعدة موتور الجمل وقاعدة فتيس اجيب الحاجات دي منين ؟
وشكراً...........

[samirsaid1]

نفس المشكله فى الهيونداى نيو اكسنت

العربية كانت بتاخد طريق الغردقة بسرعةمن 150 الى 180 كم
وطبعا مطبات الهوا كتير وبدأت تبقى خشنة

[Ralliart]

طيب يا ريت لو وصلت لنوع كويس تعرفني

[أبو إياد]

القواعد خليك فى الاصلى
انت عندك 4 ومش هاتغير غير 3
الجمل 330ج
القنطره 330ج
الفتيس 475ج والمانيوال 510ج
والرابعه ماظنش ان ممكن يجرالها حاجه قاعده الزيت اللى بتكون راكبه فى الشاسيه ب 610ج

والمساعدين الاوريجنال امامى 2420ج
خلفى 1210ج

وال kyb على ما اتذكر امامى 750 وخلفى 550ج

المقصات التايوانى نظيفه جدا وسعرها 350ج واياك وتغيير الجلب

[Ralliart]

القواعد خليك فى الاصلى
انت عندك 4 ومش هاتغير غير 3
الجمل 330ج
القنطره 330ج
الفتيس 475ج والمانيوال 510ج
والرابعه ماظنش ان ممكن يجرالها حاجه قاعده الزيت اللى بتكون راكبه فى الشاسيه ب 610ج

والمساعدين الاوريجنال امامى 2420ج
خلفى 1210ج

وال kyb على ما اتذكر امامى 750 وخلفى 550ج

المقصات التايوانى نظيفه جدا وسعرها 350ج واياك وتغيير الجلب

ابو اياد باشا شرفت الموضوع انا عارف انك هتجيب من الآخر
كل اللي كشف على العفشة قال انها عايزة طقم جلب مقصات خلفي ومسامير ميزان كمان
لو مغيرتش الجلب عادي ولا ايه ؟
ومسامير الميزان دي اجيبها اصلي ولا لأ والمساعدين تنصحني اجيب من التوكيل ولا kyb من بررة مع العلم اني شفت الاصلية محفور عليها kyb ايه الفرق بينهم اللي عامل فرق السعر الرهيب ده ؟
وشكراً........

[Ralliart]

دي أسعار دايموند موتورز

قاعدة جمل 311 - قاعدة فتيس 497 - 2 مساعد أمامي 2178 - 2 مساعد خلفي 1104 - طقم جلب مقصات خلفي 300 - 2 مسمار ميزان 150- مقص أمامي يمين 856

[أبو إياد]

جلب ورا ؟ انا مليش تجربه فى اى حاجه فى العفشه ورا انما ورا تجيب الجلب عادى وبالنسبه لمسامير الميزان هات من المنير الاتنين عاملين 30ج مش هايفرق اصلى من مصرى
والمساعدين محدش اشتكى من التايوانى وفى نوع تانى يابانى مش متذكر اسمه ارخص من الاوريجنال

[prisoner]

هوة فى واحد فى شارع دمشق اسمه محمد جابر وده كان واخد توكيل قطع غيار وبيع سيارات وراجل ثقيل قوى كان معتمد بيع قطع غيار اصلى وعرفت من واحد قريب منه انه كان بيجيب قطع غيار بكميات كبيرة تحسبا لنقل التوكيل من مصرية والرواس لحد تانى سمعت انه مازال بيبيع قطع غيار اصلية وانا مر رحتله والحاجة فعلا اصلية لانى سالت على مساعدين للكريستالة قاللى فيه نوع يابانى والاصلى بتاع العربية ولما سالته على الاصلى كانوا عاملين فى حدود 2500 جنيه للاربع مساعدين انا بتكلم عن كريستالة انصحك تسال عنده حتى لو بالتليفون وهل مسموح لى انى احط تليفوناته والا لا تحياتى

[Ralliart]

هوة فى واحد فى شارع دمشق اسمه محمد جابر وده كان واخد توكيل قطع غيار وبيع سيارات وراجل ثقيل قوى كان معتمد بيع قطع غيار اصلى وعرفت من واحد قريب منه انه كان بيجيب قطع غيار بكميات كبيرة تحسبا لنقل التوكيل من مصرية والرواس لحد تانى سمعت انه مازال بيبيع قطع غيار اصلية وانا مر رحتله والحاجة فعلا اصلية لانى سالت على مساعدين للكريستالة قاللى فيه نوع يابانى والاصلى بتاع العربية ولما سالته على الاصلى كانوا عاملين فى حدود 2500 جنيه للاربع مساعدين انا بتكلم عن كريستالة انصحك تسال عنده حتى لو بالتليفون وهل مسموح لى انى احط تليفوناته والا لا تحياتى

شكراً لردك يا باشا
ممكن تبعت الرقم عالخاص

[Ralliart]

جلب ورا ؟ انا مليش تجربه فى اى حاجه فى العفشه ورا انما ورا تجيب الجلب عادى وبالنسبه لمسامير الميزان هات من المنير الاتنين عاملين 30ج مش هايفرق اصلى من مصرى
والمساعدين محدش اشتكى من التايوانى وفى نوع تانى يابانى مش متذكر اسمه ارخص من الاوريجنال

طيب التايواني ده بيشتغل متوسط كام كيلو ؟
انا لو جبت الاصلي وقعد معايا 130 الف تانيين يبقى لوز قوي

[IronHead]

نصيحة خليك فى الاصلى عشان فى فرق كبير فى تحمل المساعد مبينو ومبين التايوانى
وبعدين انت راكب عربية يابانى ايه اللى يخليك تقليبها تايوانى :-)

[Ralliart]

طيب ما الـkyb ياباني ومن نفس الشركة اللي بتعمل الاصلي وفرق السعر خرافي ،نفسي اعرف السبب !

[1.8Tee]

هات الكونى السبورت اللى لونة اصفر و عيش بقى :).

[prisoner]

طيب ما الـkyb ياباني ومن نفس الشركة اللي بتعمل الاصلي وفرق السعر خرافي ،نفسي اعرف السبب !

علشان اللى موجودين فى السوق مش اصلى خالص ده بيبقى صينى ومضروب

[M.Elgergawy]

هات الكونى السبورت اللى لونة اصفر و عيش بقى :).

بكام