بحول الكلاسيك لسوبر أكشن ...

[Dawns_Mist]

عربيتي 1600 موديل 2005 أوتو كلاسيك ...
عملت فرش جلد ، عتب ، فوجات ، مرايات ضم كهربا ( مش هعمل فتحة سقف علشان مش بحب شكل العربية اللي فيها فتحة سقف أصلا ، و كمان السبويلر الأصلي مش هركبه و بدور على سبويلر أحلى ) و كمان ركبت جنوط 17 محترمة ........ أكيد لما أخلص العربية خالص هعمل موضوع و أنزل الصور و التكاليف كلها بإذن الله لكن لسه فيه شوية حاجات مهمة عايز أخلصها الأول ..

عايز أركب abs , ebd بس يكون محترم ..
حد عنده فكره يركب فين و بكام ... و هل حد مجرب قبل كده يساعدني ؟؟

[Dawns_Mist]

و كمان عايز أركب DVD بكاميرا خلفية ... و يكون طقم كامل في الكراسي و في التابلوه .. يعني 3 شاشات + كاميرا + gps طبعا .... حد عمله قبل كده في البومة يقولي أفضل أنواع و بكام و منين ؟؟؟

[A7MED_PHARMA]

فين الصور ياجميل؟؟؟؟؟؟؟؟؟؟؟؟؟؟؟؟؟؟؟

[Dawns_Mist]

فين الصور ياجميل؟؟؟؟؟؟؟؟؟؟؟؟؟؟؟؟؟؟؟

والله العربية بايته عند الصنايعيه النهارده ... اوعدك اول ماخلصها كلها هعمل موضوع جديد فيه كل الصور من جوه و من بره يا دكتور ..
بس على فكرة انا مش من هواة اللعب في العربيات ولا من هواة تغير الشكل و كده ... فانت مش هتحس باي فرق كبير للدرجة لما تشوفها بعد الصور ...
الفكرة كلها اني كنت محتار بين اني ابيع العربية دي و اجيب حاجة عالية شوية ولا اخليها معايا ... و لما قررت اخليها قولت يبقى احاول اخليها مناسبة اكتر .. فرش جلد علشان يكون مريح في السفر ، جنوط عريضة 225 علشان تزودها ثبات ، مرايات ضم ووحدات رفع و فوجات شيء من الرفاهية و ياريت لو كاميرا و دي في دي ..... اللي هو ماقصدش اعمل منها طيارة لاني اصلا مش بهتم بالشكل الخارجي قد مابهتم بالاداء و الراحة ...
علشان كده بدور على انظمة فرامل محترمة ، و بعدها هندخل في معالجة العوادم والحقن و الفلتر الرياضي علشان اداء الموتور ... الفكرة اني خلاص مدام مش هبيع اعمل عربية تقعد معايا كمان 4 سنين مثلا و انا مش حاسس ان فيه فرق كبير بينها و بين الجديد ..
و دعواتكم معايا يا شباب ...

[Dawns_Mist]

هل لو اشتريت الـ abs من أي حد بتاع استيراد ( استعمال خارج ) هيكون سهل تركيبة ولا هيبقى متعب و مكلف ؟؟

[M!SHO]

موضوع ال abs ده صعب بس ممكن تنزل الحرفين وتشتريه استيراد

بس الأول تشوف حد عمل الحوار ده قبل كده

فى انتظار التفاصيل بس ايه حوار المرايا الضم ده...غيرت المرايا أكيد ؟؟!