سير كاتينة غير اصلى

[BASOOMVIP]

صديق ليا معاه لانسر 2007 ماشية 95000 كيلة و كان مش مغير سير الكاتينى خالص راح من كام يوم غيره بس بواحد كورى سعره حوالى 120 جنيه و غير كمان بلية الشداد بواحدة غير اصلية و الميكانيكى الى غيرهم قالو تقعد بيهم 40000 كيلو طبعاً هو استغلى السير الاصلى فلما عرفت قولتله اعتقد الاصلى الفضل فايه رايكم يسيبه و لا يغيره باصلى و لو هيسيبه يسيبه لحد 40000 الف فعلاً ؟؟؟؟؟؟؟؟؟؟؟

[speed_magnum]

الفرامل وسير الكاتينه
في اي عربيه
الاتنين دول ما ينفعش فيهم هزار
والاصلي مضمون حتى لو غالي

[Dr.lancer]

الفرامل وسير الكاتينه
في اي عربيه
الاتنين دول ما ينفعش فيهم هزار
والاصلي مضمون حتى لو غالي

فعلا دول الإثنين مافيهمش هزار. قوله يروح يغيرهم تانى و يخلى اللى اشتراهم استبن عنده و يجيب الأصلى خصوصا فى الأثنين دول.

[MITSUKERO]

هو غلطان طبعا بس ممكن يمشي بدول 20 الف

و ياريته ساب الشداد الاصلي لانه ممكن يقعد كمان مرة لو سليم

[Ahmed Amin]

سير الكاتينة بالذات مفهوش هزار لانه لو مش اصلي وخامته وحشة واتقطع الماتور هيجيب وش سلندر وهيضطر يفكه ويعالج الاجزاء اللي اتضررت. يعني هيبقي عشان يوفر كام جنيه ف السير. هيدفع كام الف ف التصليح.!!
اما لو خامته كويسة وهوا واثق فكدا وشايف كدا ممكن يغيرة علي ٢٠ الف احتياطي زي ما ذكر احد الاعضاء دا رقم كويس بس ميعملهاش تاني ويركب الاصلي دايما عشان ميبوظش الماتور.

[lanos2004]

25 الف بالكتير 30 الف ويغيرهم تانى السيور دى لو قعدت 40 الف كيلو يبقه بركه