مدة استهلاك تيل البومة الاتوماتيك

[momo_h]

يا جماعة تيل الفرامل الامامي عندي في العربية ( بومة اوتوماتيك ) اخره معايا 12 الف كيلو و يجيب اخر
والموضوع ده محيرني انا حاسس انه بيقعد معايا قليل جدا المفروض على الأقل يكمل 20 الف كيلو
فيا ريت كل واحد من الاعضاء معاه بومة اوتوماتيك يقول التيل الامامي بيقعد معاه اد ايه
و كمان لو حد عنده نصائح بالنسبة لاسلوب السواقة ممكن تقلل من سرعة استهلاك التيل يفيدنا بيها لأن الموضوع ده مشكلة كبيرة جدا
وفي انتظار ردودكم و ارائكم

[monamize4]

طريقة سواقتك بتحدد التيل هيعد اد ايه

و طبعا 12 الف كيلو دا رقم قليل شوية

بس انا اسمع من ملاك البومة ان التيل الاصلى بيخلص اصلا بسرعة

[Dr . Mohamed]

20 الف فقط و غيرته و كان التيل الفابركية كمان

[saddam]

صديقي المواطن
مبدئيا 12 ألف في عربية.أوتوماتيك غير سيء بالمرة أي نعم هناك عربيات بتوصل 25 و30 ألف بالتيل لكن ده بسبب نوع القيادة ونوع التيل نفسه وكمان حالة الطنبورة والبستم وعامة إنت تجيب كذا نوع وتجرب حتى توصل لتوع يطول معاك وتشكر ربنا قسما بالله وبأمة محمد كلها كان عندي عربية أولدزموبيل أمريكاني كندي أحيانا كنت بغير التيل الصبح بيخلص بالليل أو كنت بغيره كل أسبوع وكل شهر وكل شهرين وأكبر تيل في حياتها اﻷصلي بتاعها آخره 5 أو 8 آلاف كيلو وكنت بجيبه ب 100 دولار بعد كده كله ملي لغاية موصلنا مرحلة كتت بملاها بتيل لواري نقل ثقيل كان بيقعد 6 آلاف بس طبعا بغير طنابير كل سنة أو سنتين تقريبا فإحمد ربك 12 ألف دي أحيانا الواحد بيقعد سنة أو سنتين مش بيعملهم
ودمتم للنضال

[hmostafaahm]

انا كان معايا البومة موديل 2007 وفضلت معايا 3 سنين عملت فيهم تقريبا 50 ألف كيلو والتيل وخصوصا الأودام كان بيتغير على مدى من 10 إلى 12 ألف كيلو للاسف فواضح ان ده طبيعى وحاليا معايا كورولا 2010 وبرده التيل بيتغير على مدى من 10 إلى 15 ألف كيلو بس ده التيل الورانى اللى اودام بيقعد لحد 20 ألف كيلو، ونصيحة ليك لو التيل صفر منك روح غيره علطول لان ثمن التيل تقريبا ربع ثمن الطنابير يعنى تغير التيل احسن وأأمن

[hmostafaahm]

بالمناسبة كمان خامات التيل المصنوع بدءاًُ من 2010 اتغيرت لأن مادة الأسبستوس اصبحت مادة مجرمة دولياً فى إطار جهود المحافظة على البيئة وعلشان كده خامات التيل اتغيرت وده خلى فى العموم متوسط عمر التيل اصبح اقل من قبل ذلك

[mohamedxsayed]

الحقيقه المره
البوما ملهاش تيل فرامل عدل أساسا والمشكله دى مع ناس كتير ان حتى تيل التوكيل بيصفر
تيل الوما = بطيخه حتى لو توكيــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــل
بجد انا تعبان من المشكله ديه وعاوز اجيب تيل
تيل التوكيل سعره بيدا من 350 مرورا بالمحلات حتى تصل للمزع ب520 حتى تصل للتوكيل ب600 ونفس التيل
سبحــــــــــــــــــــان الله

[MITSUKERO]

يا جدعان البومة ليها 3 انواع تيل اصلي في التوكيل

اللي بيخلص بسرعة ده لونه اخضر تقريبا

استني حد من اللي معاه بومة هيقولك علي كود التيل الاصلي اللي بيعيش من 20 الي 30 الف كيلو

و بكررها التوكيل منزل 3 انواع و ده بعد الشكوي من الناس من انه بيخلص بسرعة

[D . a .\ AYMAN]

طيب هل ممكن حد من اللى جرب كذا نوع من أنواع التيل بتاع البوما يقولنا أنه نوع هو الأفضل من اللى موجود في السوق

عشان أخويا كان مركب fbk من حوالي 5000 كيلو ودلوقتي ببص عليه لاقيته خلص .. !!!!!!!

ما كملش 6000 تصدقوا !!!!!!!

[MITSUKERO]

فيه تيل كوري اسمه فريكسا شغال حلو برضة و بيقعد فترة معقولة

[mohamedxsayed]

يا جدعان البومة ليها 3 انواع تيل اصلي في التوكيل

اللي بيخلص بسرعة ده لونه اخضر تقريبا

استني حد من اللي معاه بومة هيقولك علي كود التيل الاصلي اللي بيعيش من 20 الي 30 الف كيلو

و بكررها التوكيل منزل 3 انواع و ده بعد الشكوي من الناس من انه بيخلص بسرعة

هو مش لاقى غيره التيل الزباله الاخضر ده اساسا بيصفر من ساعه ما اشترتيه مشيت عليه 3000 كيلو والموزع بيقولى سيبه يطبع

[Mikha]

شيئ خارج الموضوع شوية
انا عندي استفسار بخصوص لانسر بومة 2014 1600cc automatic .. انا كنت في التوكيل امبارح وفهمت منهم ان العفشة هي هي 1300 cc .. وكذا حد اكدلي المعلومة دي..
أرجو الإفادة وشكراً.

[mohamedxsayed]

شيئ خارج الموضوع شوية
انا عندي استفسار بخصوص لانسر بومة 2014 1600cc automatic .. انا كنت في التوكيل امبارح وفهمت منهم ان العفشة هي هي 1300 cc .. وكذا حد اكدلي المعلومة دي..
أرجو الإفادة وشكراً.

انا سمعت الكلام ده برضه . ( فكر فى البيجو 301 ) البومه قدمت على انك تجبها زيرو بقالها حوالى 8 سنين اهه العربيه استهلكت فكريا بالنسبه للناس وانت ودماغك فى الاخر .

[limo]

انا قبل كده كنت بغير التيل الاخضر الاصلى من 20 الف كم الى 25 الف كم وكنت بسافر كتير يعنى نقول منهم 10 الاف كم سفر
حاليا سواقى كلها داخل البلد مفيش سفر واخر مره غيرت تيل اصلى برضو فى التوكيل بس لونه رمادى اعد معايا لحد دلوقتى حوالى 14 الف كم وشغال كويس جدا ومش بيصفر وسمكه لسه كويس
مع العلم برضو ان رجلى مش تقيله على الفرامل

[momo_h]

يعني نجيب التيل الأصلي من التوكيل ابو 600 جنية ، و لا نجيب نوع ايه بالظبط ؟
وهل لو ركبنا تيل مش اصلي الموضوع ده يأثر على الطنابير و لا عادي
لان الطنابير غالية جدا و الواحد معندوش استعداد يغامر بالطنابير