رابطة مالكي الكريستالة..لانسر 1996 - 2000

[HeMa_LanCeR]

طبعا ده موضوع جديد بدل اللي اتقفل والذي كان بعنوان
(الي كل من يمتلك كريستاله)
فا ده موضوع جديد لأي مشاكل هذه السياره نستطيع الأفاده بها وحلها جميعا

[momo44]

احب اتشرف بانى اكون اول واحد يسال فى الموضوع الجديد
ههههه
هو السؤال شبه متكرر بس فى استفسار
الشبكة الامامية لللانسر 97 المعدلة اجيبها منين
انا لقيت الاصلية ب45 الشكل الاصلى
وممكن اعرف سعر سير الكاتينة
وانضف نوع ايه

[HeMa_LanCeR]

احب اتشرف بانى اكون اول واحد يسال فى الموضوع الجديد
ههههه
هو السؤال شبه متكرر بس فى استفسار
الشبكة الامامية لللانسر 97 المعدلة اجيبها منين
انا لقيت الاصلية ب45 الشكل الاصلى
وممكن اعرف سعر سير الكاتينة
وانضف نوع ايه

بالنسبه للشبكه هتلاقيها عند الزغل في مدينه نصر - عباس العقاد - شيخ البلد
وبالنسبه لسير الكاتينه
هات اي نوع بس يكون مطبوع عليه انه ياباني وهتلاقي انواع كتير
وخلي بالك لازم تعده كام عقله

[MoDyBeNz2008]

سؤال عن االكرستالة محيرني
هي الكرستالة في منها شكلين و لا اللي انا بشوفها موديل تاني (ماقصدش الموديل الصيني)

[HeMa_LanCeR]

سؤال عن االكرستالة محيرني
هي الكرستالة في منها شكلين و لا اللي انا بشوفها موديل تاني (ماقصدش الموديل الصيني)

اه صح
في منها شكلين
شكل موديل من 96 لحد 98
وهو الشبكه الاماميه صغيره والفانوس الخلفي الصغير اللي في الشنطه احمر فقط
والموديل الاخر من 98 حتي 2001 تقريبا
الشبكه الاماميه كبيره
والفانوس الصغير اللي في الشنطه في جزء ابيض من فوق مكمل للجزء اللي في الفانوس نفسه

[saifsaadmohamed]

الاخ upnemo
بصراحة جزاك الله كل خير
حقيقى نشيط و لا تعرف معنى اليأس
و عشقك للكريستاله عجيب و جميل فى نفس الوقت
و عايز تفيد الناس بأى طريقة
شكرا جزيلاً
و
بارك الله فيك

[saifsaadmohamed]

انا الحمد لله اشتريت النهاردة لانسر كريستاله 98 Glx
اللون زيتى
4 زجاج كهرباء
سنتر
فيها شوية حاجات
عايزة تتعمل زى البطارية ضعيفة جدا و هغيرها بكرة ان شاء الله
ثرموستات مروحة الريداتير بايظ و المروحة مش بتشتغل لما العربية تسخن - وده طبعا خطر
فيه شوية حاجات عايز اسأل على اسعارها و الاقيها فين:
1- غطاء الريداتير.
2- سيور العربية بالكامل.
3- الانذار و وحدات الرفع.

[saifsaadmohamed]

عايز اعرف اقصى سرعة فى كل غيار فتيس
بمعنى اقصى سرعة للأول كام و التانى كام و هكذا
مع عدد لفات الموتور عشان متعبش الموتور

[momo44]

بالنسبه للشبكه هتلاقيها عند الزغل في مدينه نصر - عباس العقاد - شيخ البلد
وبالنسبه لسير الكاتينه
هات اي نوع بس يكون مطبوع عليه انه ياباني وهتلاقي انواع كتير
وخلي بالك لازم تعده كام عقله

يعنى المحل جنب شيخ البلد على طول؟؟؟؟؟؟
سير الكاتينة سعره كام تقريبا
ويعنى ايه كام عقلة وهتفرق فى ايه

وهو المفروض يكون كام عقلة

[HeMa_LanCeR]

انا الحمد لله اشتريت النهاردة لانسر كريستاله 98 Glx
اللون زيتى
4 زجاج كهرباء
سنتر
فيها شوية حاجات
عايزة تتعمل زى البطارية ضعيفة جدا و هغيرها بكرة ان شاء الله
ثرموستات مروحة الريداتير بايظ و المروحة مش بتشتغل لما العربية تسخن - وده طبعا خطر
فيه شوية حاجات عايز اسأل على اسعارها و الاقيها فين:
1- غطاء الريداتير.
2- سيور العربية بالكامل.
3- الانذار و وحدات الرفع.

الف مبروك وربنا يديلك خيرها ويكفيك شرها
دي نفس لون بتاعتي
البطاريه تجيبها 55 امبير اوعي تجيب 70 وياريت لو جافه
وطبعا لازم تعمل المروحه
وبالنسبه لغطاء الرداتير لو الأصلي ممكن يوصل تمنه 40 جنيه تقريبا وهو الأفضل طبعا حتي لو هتجيبه من التوكيل اللي في الكتكات لأنه مهم جدا
سيور العربيه هتلاقيها في كل مكان بس اهم حاجه تتأكد من الصناعه اللي مكتوبه علي السير نفسه وليس العبوه وعند الأسعار دي اللي انا جبت بيها
سير كاتينه ياباني (مهم جدا لازم يتغير) 50 جنيه
سير باور + تكييف (الأتنين مع بعض في سير واحد) 25 جنيه اندونيسي
وسير الدينامو لسه محصلش نصيب وغيرته
وماتقلقش قطع غيارها متوفره جدا
واحسن حل انزل التوفيقيه
الأنذار بيبدا من 100 فيما فوق بس المعقول بيعمل 180 وده احسنهم ووحده الرفع للأزاز الأمامي فقط ب 40 جنيه ولو لل 4 يبقي 80 جنيه
واي سؤال تاني انا تحت امرك

[HeMa_LanCeR]

عايز اعرف اقصى سرعة فى كل غيار فتيس
بمعنى اقصى سرعة للأول كام و التانى كام و هكذا
مع عدد لفات الموتور عشان متعبش الموتور

انت هتسمع صوت الموتور وهتحس بيه وكمان عدد لفات الموتور هيبان انه كتير
بس هقولك علي الغيارات العاديه اللي بنقل عليها في المشي العادي
الأول 20 القصوي 40
الثاني 50 القصوي 65
الثالث 80 القصوي 100 وشويه صغيرين
الرابع 130 القصوي بجيب الخامس علشان مش بحب اقرص علي الرابع
بس انت لازم تكون حساس مع صوت الموتور لأن كل عربيه بتختلف عن التانيه حسب حاله الموتور وعمره

[HeMa_LanCeR]

يعنى المحل جنب شيخ البلد على طول؟؟؟؟؟؟
سير الكاتينة سعره كام تقريبا
ويعنى ايه كام عقلة وهتفرق فى ايه

وهو المفروض يكون كام عقلة

والله انا اتوصفلي كده بس في واحد تاني في الشارع اللي موازي لمصطفي النحاس خلف اولاد رجب روح باردوا أسأل عنده
وكان في واحد هنا عامل موضوع عن المحلات دي هدور عليه واجيبهولك بس اهم شيء تطمني وتقولي عملت ايه
كام عقله دي سير الكاتينه عباره من جواه سنون مشرشره انت المفروض تعد السنون دي وتجيب الجديد نفس العدد علشان مايكونش اكبر او اصغر
وهو بيعمل حوالي من 40 الي 60 جنيه انت وجدعنتك بس هاتوا ياباني اوعي تجيب صيني والكلام الفاضي ده السير ده بالذات روح العربيه

[kemo_nagy]

ابنيمو باشا والله منور المنتدى و انا زعلت جدا جدا جدا ان الموضوع الأولانى أتقفل وبجد الف الف شكر ليك انك عملت غيرو لأنو فعلا بنستفاد
كنت بس عايز اسأل على موضوع الأضاءة لأنى من ساعت ماشترتها أضاءتها ضعيفة و جبت لمبتين 200\260 بيض وركبت كتاوت وبردو ماتحسنش قوى ومشيت بيها شوية لحد مالقيت لمبة منهم الواطى بتعها مش شغال مش عارف دة عيب لمبة ولا كتاوت و دلوقتى انا أتخنأت و بفكر أغير الفانوسين تفتكر اجيب الأصلى ولا الأستيراد ولا التيوانى وياريت لو تعرف انواع قلهالى فى التيوانى وياريت لو أسعار كمان
اسف على الأطالة وشكرا مرة تانية

[saifsaadmohamed]

انت هتسمع صوت الموتور وهتحس بيه وكمان عدد لفات الموتور هيبان انه كتير
بس هقولك علي الغيارات العاديه اللي بنقل عليها في المشي العادي
الأول 20 القصوي 40
الثاني 50 القصوي 65
الثالث 80 القصوي 100 وشويه صغيرين
الرابع 130 القصوي بجيب الخامس علشان مش بحب اقرص علي الرابع
بس انت لازم تكون حساس مع صوت الموتور لأن كل عربيه بتختلف عن التانيه حسب حاله الموتور وعمره

يعنى اغير عند 3000 لفة / دقيقة ولا كام؟
عشان عايز احكم على الموتور اذا كان كويس ولا لا

[HeMa_LanCeR]

يعنى اغير عند 3000 لفة / دقيقة ولا كام؟
عشان عايز احكم على الموتور اذا كان كويس ولا لا

للأسف معنديش عداد لفات الموتور
فا مش هقدر اقولك تغير علي كام
استني حد هنا عنده وهو يقولك