رابطة مالكي الكريستالة..لانسر 1996 - 2000

[ibrahem_tohamy]

السلام عليكم ورحمة الله وبركاته
مطلوب معرفة افضل انواع الزيوت للفيتيس الاوتوماتيك لسيارة ميتسوبيشى لانسر كريستاله موديل 99 وما هى علامات تغييره وما المدة اللازمة لتغيير الزيت ؟ وكذلك اوناع الفلاتر وافضلها ومدة تغييرها؟

[M.topa]

السلام عاليكم و رحمة الله
بعد إذنكم محتااج اغير موتور للعربية و كنت عاوز اعرف من فين اقدر اجييب موتور ((مايڤك)) و يكوون جديد مش مستعمل 1600cc و لو حد معاه رقم عادل وجدي بتااع الحرفيين و لو حد يعرف اي حد غيره ممكن يسقطلي الموتور بس يكوون كويس نظيف في شغله و في نفس الوقت حنين في الفلووس و كماان عايز حد يكوون بيشتري المواتيير القديمة

[khalik.fakerny]

السلام عليكم ورحمه الله ..
ارجو من الساده الأعضاء المشاركه فى حل مشكله قربت تجننى
انا معايه لانسر كريستاله 98 الشكل القديم ارنبه ..ماتور 1300 كاربراتير
العربيه كانت بتعمل دخنه سوده وتستهلك بنزين كتير وتبطل وانا ماشى
روحت لميكانيكى فى المنصوره قالى العربيه مقدمه كهربا جامد وفيه مشكله فى الاسبراتير
لما فك الأسبراتير لقى فيه ودن مكسوره ولقى الشاكوش مكسور ..جابلى فارغه من عنده وقالى روح للكهربائى انقل محتويات الاسبراتير بتاعك فى الاسبراتير ده ..
روحت للكهربائى نقلهم وتمام ...للعلم الفارعه اللى نقلت الاسبراتير بتاعى فيها بتاع عربيه بطه
ركبت الاسبراتير ونضفلى الكربراتير وقالى الكاربراتير بتاعك كويس جدا ولسه جديد
خدت منه العربيه ماشاء الله السحب محترم وبطلت دخنه وبقى استهلاك البنزين محترم 550 كيلو فى التفويله على الطرق المفتوحه بسرعه 110
لحد هنا كله تمام
المصيبه بقى
بعد ما امشى بالعربيه 150 - 200 كيلو العربيه تبطل منى
تنتش مره واحده بس واجى ادوس بنزين مفيش استجابه ومش سامع صوتها دايره
يدوب افك الغيار القيها نورت لمبات الطبلوه انها مبطله
احاول ادور متدورش ...مع العلم انها فى الحاله الطبيعيه بتدور من اول تكه
اقفل الكونتاك واسيبها شويه تبرد وادور تدور وتبقى تمام وامشى شويه وتبطل تانى وهكذا
فى اول مره تبطيل بيبقى بعد مسافه كويسه زى ما قولت 100 كيلو 150 كيلو ..لما تبطل بقى اول مره متبقاش ملزمه بمسافه كل شويه تبطل ...تمشى سريع تبطل ..تمشى بطىء تبطل ..اوقات تتجنن ويدوب متمشيش نص كيلو على سرعه 60 تبطل
فى الوقت ده اغير بوجيهات تتظبط نوعا ما
يعنى تبطل كل 20 كيلو كل 50 كيلو
الكهربائى قالى دى مشكله موبينه
الموبينه بتسخن وتفصل
غيرت الموبينه بموبينه صينى ...اللى لقتها ...نفس المشكله ..العربيه بتبطل لما امشى بسرعه لمده تزيد عن نص ساعه
روحت لميكانيكى تانى ..قالى دا عيب فى الموديل ده ولازم تغير الاسبراتير من بابه
دلوقت انا فى حيره ..خايف اغير اسبراتير والمشكله متتحلش
افيدونى
للعلم
-انا غيرت كل الفلاتر بنزين زيت هوا قولت جايز فلاتر
-العربيه اوقات كتير ابقى جاى من مشوار وعايز ابطلها القيها تقعد تندع كدا مش عايزه تبطل لازم افتح الكونتاك تانى واقفله
داخل البلد مبيظهرش معايه عيب التبطيل دا نهائيا
وشكرا لصبركم ومنتظر اهل الخبره ...اغير اسبراتير ولا اعمل ايه ؟؟؟؟؟؟؟؟؟؟؟؟؟؟؟؟؟

وجزاكم الله خيرا مقدما

[المقترب]

السلام عليكم ورحمه الله ..
ارجو من الساده الأعضاء المشاركه فى حل مشكله قربت تجننى
انا معايه لانسر كريستاله 98 الشكل القديم ارنبه ..ماتور 1300 كاربراتير
العربيه كانت بتعمل دخنه سوده وتستهلك بنزين كتير وتبطل وانا ماشى
روحت لميكانيكى فى المنصوره قالى العربيه مقدمه كهربا جامد وفيه مشكله فى الاسبراتير
لما فك الأسبراتير لقى فيه ودن مكسوره ولقى الشاكوش مكسور ..جابلى فارغه من عنده وقالى روح للكهربائى انقل محتويات الاسبراتير بتاعك فى الاسبراتير ده ..
روحت للكهربائى نقلهم وتمام ...للعلم الفارعه اللى نقلت الاسبراتير بتاعى فيها بتاع عربيه بطه
ركبت الاسبراتير ونضفلى الكربراتير وقالى الكاربراتير بتاعك كويس جدا ولسه جديد
خدت منه العربيه ماشاء الله السحب محترم وبطلت دخنه وبقى استهلاك البنزين محترم 550 كيلو فى التفويله على الطرق المفتوحه بسرعه 110
لحد هنا كله تمام
المصيبه بقى
بعد ما امشى بالعربيه 150 - 200 كيلو العربيه تبطل منى
تنتش مره واحده بس واجى ادوس بنزين مفيش استجابه ومش سامع صوتها دايره
يدوب افك الغيار القيها نورت لمبات الطبلوه انها مبطله
احاول ادور متدورش ...مع العلم انها فى الحاله الطبيعيه بتدور من اول تكه
اقفل الكونتاك واسيبها شويه تبرد وادور تدور وتبقى تمام وامشى شويه وتبطل تانى وهكذا
فى اول مره تبطيل بيبقى بعد مسافه كويسه زى ما قولت 100 كيلو 150 كيلو ..لما تبطل بقى اول مره متبقاش ملزمه بمسافه كل شويه تبطل ...تمشى سريع تبطل ..تمشى بطىء تبطل ..اوقات تتجنن ويدوب متمشيش نص كيلو على سرعه 60 تبطل
فى الوقت ده اغير بوجيهات تتظبط نوعا ما
يعنى تبطل كل 20 كيلو كل 50 كيلو
الكهربائى قالى دى مشكله موبينه
الموبينه بتسخن وتفصل
غيرت الموبينه بموبينه صينى ...اللى لقتها ...نفس المشكله ..العربيه بتبطل لما امشى بسرعه لمده تزيد عن نص ساعه
روحت لميكانيكى تانى ..قالى دا عيب فى الموديل ده ولازم تغير الاسبراتير من بابه
دلوقت انا فى حيره ..خايف اغير اسبراتير والمشكله متتحلش
افيدونى
للعلم
-انا غيرت كل الفلاتر بنزين زيت هوا قولت جايز فلاتر
-العربيه اوقات كتير ابقى جاى من مشوار وعايز ابطلها القيها تقعد تندع كدا مش عايزه تبطل لازم افتح الكونتاك تانى واقفله
داخل البلد مبيظهرش معايه عيب التبطيل دا نهائيا
وشكرا لصبركم ومنتظر اهل الخبره ...اغير اسبراتير ولا اعمل ايه ؟؟؟؟؟؟؟؟؟؟؟؟؟؟؟؟؟

وجزاكم الله خيرا مقدما

السلام عليكم..
بالظبط ده اللى حصل معايا والسبب هو الاسبراتير لكن الميكانيكى غير شاكوش اسبراتير وقطعه تانيه جواه متهيألى موبينه لكن اصليه استعمال خارج والعربيه اتظبطط لكنه قالى ده شغل مؤقت لحد منغير اسبراتير كامل
الموضوع ده مهم لانه ممكن يحصل وانت مسافر مشوار بعيد ومعاك حد ولا حاجه ، نصيحتى غير الاسبراتير افضل ويكون يابانى طبعا ، ده على قدر معرفتى وربنا معاك.

[ahmed.algenius]

كنت عايز اسأل عن افضل نوع سماعات تكون سعرها كويس للانسر كريستالة 99 واشتريها منين واسعارها ايه الان

[eslam eldash]

السلام عليكم
مشكلتى ان العدادات بتفصل كلها وتشتغل تانى ممكن حد يفيدنى

[remo.82]

شباب انا معايا كرستاله 98 اوتوماتيك وانا راجع بيتي من اسبوعين اتفاجات انها في الزحمه وانا علي d انها بتتهز جامد والاربي ام بينزل لشرتطتين مع ان الطبيعي بتاعه 3 شرط
المهم رحت لميكانكيي ونضفت الكاربيتير ومفيش فايده غيرت كراسي الفتيس ومفيش حاجه اتغيرت
المفروض ان الطبيعي بتاعها ان لما ااقف في ز9مة علي d الفتيس بيفص والاقي الاربي مظبوط علي 3 شرط دلوقت مش عارف ايه ياريت حد يساعدني

[Magdy wadie]

عندي مشكلة رخمة مضايقاني قوي ... ربنا أكرمني بلانسر 1998 من حوالي ثلاثة أسابيع ولما اشتريتها كان المالك السابق بيحط فيها 80 والسلانسيه كان عالي وكان صوت الكهربا بيبان مع دوسة البنزين .. فبدأت احط 92 فراح صوت الكهربا مع دوسة البنزين ... وبعدين لاحظت ان العربية بتاكل بنزين فرحت للميكانيكي حل الكاربراتير وخلاني أجيب أنبوبة اسبراي إبرو بتاعة تنظيف الكربراتير ولما جه يجمع الكربراتير تاني لقى قطعة كده سألته على اسمها بعد كده قالي اسمها الكباس الكاوتش بتاعها متمدد وبايش على حد قوله يعني واسع عن مقاسه ولما يحاول يدخله مكانه تاني يحشر ... فقعد يدور في درج الخرده بتاعه مالقاش زيه فقام داخل المكتب بتاعه وطلع بكاربراتير أخو الكربراتير بتاعها وفك منه الكباس بتاعه وركبه عندي وكانت الكاوتشه بتاعته ناشفه وماسكة على مكانها .. وأخذ البايظ ركبه في الكاربراتير بتاعه ... ووطى السلانسيه ونظف البوجيهات ... استهلاك البنزين اتحسن جدا بقى حوالي 200 في الصفيحة على الطريق --- نيجي بقه للمشكلة ... فيه رعشه رخمة على الأيدل وفي الريفرس وعلى فكرة العربية أوتو - رعشه رخمة كده تنرفز ... رجعت للميكانيكي قالي عادي هو الهيدروماتيك كده لأنك بتكتم الفتيس فبيرعش ... رحت للعفشجي قالي بدايات كراسي وما تعملهاش دلوقت .. فأنا شاكك إن الرعشة دي لأن السلانسيه واطي فالموتور بيرعش مع الأيدل ومع الريفرس علشان البنزين اللي واصله مش كفايه خصوصا إنها بطلت كام مرة كده مع كبسة الفرامل ... إيه رأي حضراتكم؟

[remo.82]

الار بي ام علي كام فى الأيدل وال d

[edwardo_1986]

سؤال لأهل الخبرة .. هو فتيس الاتوماتيك للكريستاله ليه فلتر ولا لأ ؟ ولو ليه فلتر ده بيبقي داخلي ولا خارجي ؟ واشتريه اصلي منين ؟

[remo.82]

سؤال لأهل الخبرة .. هو فتيس الاتوماتيك للكريستاله ليه فلتر ولا لأ ؟ ولو ليه فلتر ده بيبقي داخلي ولا خارجي ؟ واشتريه اصلي منين ؟

خارجي غيرته مع زيت العربيه

[memofree]

IMG-20180510-WA0059.jpg

خارجي غيرته مع زيت العربيه

السلام عليكم
هو فتيس الاتوماتيك بتاع الكريستالة 99 بيأخد كام لتر .ف الكتالوج بيقول 7.8 لتر

[ياسر بك]

السلام عليكم ورحمه الله
أنا اشتريت كريستاله مو 2000 عاوز اخنفسها اعملها ايه بصراحه مش عارف اروشها ازاى من غير ما تبقى اوفر

[Ghad]

السلام عليكم ورحمة الله وبركاته
عندى عربية لانسر كريستالة 99 مانيوال 1300 سي سي وكنت حاطط 31 لتر بنزين العربية مشيت بيهم 200 كيلو بس
دة كدة عيب تاكيهات ولا كهرباء ولا كاربيراتير؟
مع العلم ان مفيش دخان اسود من الشكمان لكن البوجيهات مهببة
ولسيادتكم جزيل الشكر