محتاج مساعده من المهندس طارق ضرورى

[zikoziko]

انا عندى لانسر 2005 اتوماتيك بعد ما بمشى شويه بالعربيه فى لمبه برتقالى فى التابلوه بتولع وبعد شويه تطفى تانى وهكذا كل شويه بس انا مش فاهم معنى كده ايه لو ممكن حضرتك تشرحلى هى ايه دى وهل فى مشكله فى العربيه لانى مش فاهم هى دى ايه بالضبط ولسيادتك جزيل الشكر.

[lovelorn]

بعد اذن مهندس طارق حجاوب لغاية ما يأكدلك المعلومة ..

التابلوه فى لمبتين برتقالى :

- على اليمين ودى بتاعت فرامل ال ABS
- على الشمال ودى بتاعت Check engine

ولو فى واحدة منهم بتعلق أعتقد انك لازم تروح التوكيل عشان يكشفوا عليها بالكمبيوتر ويحددوا العيب فين , وثمن الكشف 160 جنية + 10% ضريبة .

[مصراوي جدا]

بعد اذن مهندس طارق حجاوب لغاية ما يأكدلك المعلومة ..

التابلوه فى لمبتين برتقالى :

- على اليمين ودى بتاعت فرامل ال ABS
- على الشمال ودى بتاعت Check engine

ولو فى واحدة منهم بتعلق أعتقد انك لازم تروح التوكيل عشان يكشفوا عليها بالكمبيوتر ويحددوا العيب فين , وثمن الكشف 160 جنية + 10% ضريبة .

ما شاء الله
تمام كده يا باشا

[zikoziko]

شكرا ياباشا على اهتمامك وردك السريع .
بس هى مش لمبه Absهى لمبه برتقالى فى وسط تابلوه العدادت انا مش عارف هى بتاعه ايه بالضبط.

[lovelorn]

يا باشا مفيش لمبات غير دول

ودى صورة اللمبة التانية .. ولو دى اللى منورة حاول تروح تكشف فى أقرب وقت عشان متأثرش على الموتور فى حاجة

لو انتا عندك لمبة غير دى يا ريت تصورها وترفعها هنا

[lovelorn]

ودى صورة بس مش بتاعت الانسر .. انا رفعتها عشات تتأكد ان بتاعت الانسر هى check engine

[lovelorn]

ودى بتاعت ال ABS

[zikoziko]

متشكر جدا يا باشا فعلا هى دى اللمبه بس هى بتنور بعد ما امشى بالعربيه شويه وبعدين تطفى انا قلقان ممكن تكون ايه وهتتكلف كام لو فى مشكله حد يطمنى ارجوكم.

[zikoziko]

حد يرد عليا يا جماعه انا قلقان بجد.

[zikoziko]

فين الردود يا جماعه قبل ما اروح التوكيل اتصدم

[lovelorn]

بصراحة انا مش فاكر اللمبة دى مسئولة عن ايه بالضبط وليه بتنور بس ممكن تشوف دليل الأستخدام حتلاقى مكتوب فيه

بص ريح دماغك وروح أكشف بسرعة عشان حتى لو حد أكدلك اللمبة دى منورة ليه فا انتا لازم تكشف عشان تصلح العيب اللى مخليها تنور

وعلى فكرة المفروض لما تيجى تدور العربية متدورش غير لما اللمبة دى تطفى عشان بوابات الأنجكشن تكون فتحت .. فا ممكن يكون العيب فى الأنجكشن ( ممكن ها مش أكيد )

[zikoziko]

متشكرجدا يا باشا على الاهتمام بس لو حد راح الرواس اللى فى العجوزه ممكن يقولى كويس ولا لأ

[zikoziko]

اخيرا رحت التوكيل وطلعت المشكله بسيطه والحمد لله والمهنس سألنى انت بتحط بنزين ايه فرديت انا بحط بنزين 92 شل
فقالى انى المشكله دى مشكله بنزين حط بنزين 92 موبيل ومتحطش شل تانى فدى هو اللى كان بيخلى اللمبه تنور وتطفى.

[lovelorn]

مبروك يا باشا

شكل المحطة بيغش فى البنزين

بالشكل ده كل منتجات شل بقت رايحة فى داهية ماعدا زيت هيليكس الترا .. والله أعلم ايه نظامه لما غيروا علبته