ستائر للانسر

[إسلام شاهين]

يا جماعه أنا النهارده بالصدفة معدي من جنب سبير كار اللي عند الدخلية قلت أخش أسلم ( معرفة من زمان ) المهم سألته على ستاير جراره قالي موجوده أسود وبيج وبترولي المهم قلتله يركبوا عندي قالي بيركبوا في أي عربية المهم قلتله ركب .

ركبلي الزجاج اللي ورا الإثنين بصراحه شكلهم تحفة ب 60 جنيه ولو كنت عملت اللي ورا كانت حوالي 125 بس أنا بصراحه معلملتش اللي ورا علشان عندي ستاره سودا اللي هي حته واحده اللي بتترفع من تحت لفوق مش على الجناب ؟.

التركيب ما خدش ربع ساعه عبارة عن مجريتين فوق وتحت على كل زجاج بيتلزقوا ( اللزق فيها ) وبعدين تركب الستاره عادي خالص ( جرار ) شكلهم أكثر من رائع والمهم إنك لو داخل على لجنة تقدر تسحبهم لورا عادي خالص الشكل العام جميل جدا وكان نفسي أصورهالكوا بس إن شاء الله الصبح علشان تبان

[boody2]

Re: ستائر للانسر

يا جماعه أنا النهارده بالصدفة معدي من جنب سبير كار اللي عند الدخلية قلت أخش أسلم ( معرفة من زمان ) المهم سألته على ستاير جراره قالي موجوده أسود وبيج وبترولي المهم قلتله يركبوا عندي قالي بيركبوا في أي عربية المهم قلتله ركب .

ركبلي الزجاج اللي ورا الإثنين بصراحه شكلهم تحفة ب 60 جنيه ولو كنت عملت اللي ورا كانت حوالي 125 بس أنا بصراحه معلملتش اللي ورا علشان عندي ستاره سودا اللي هي حته واحده اللي بتترفع من تحت لفوق مش على الجناب ؟.

التركيب ما خدش ربع ساعه عبارة عن مجريتين فوق وتحت على كل زجاج بيتلزقوا ( اللزق فيها ) وبعدين تركب الستاره عادي خالص ( جرار ) شكلهم أكثر من رائع والمهم إنك لو داخل على لجنة تقدر تسحبهم لورا عادي خالص الشكل العام جميل جدا وكان نفسي أصورهالكوا بس إن شاء الله الصبح علشان تبان

مبروك اولا

و بعدين هما علي ازجاج الجانبي و لا الخلفي ؟

[eng_amrazek]

الف مبروك يا باشا
ياريت تصورهم علشان نشوفهم احسن

[Eng.Salah Mahdy Salama]

فكرة جميلة يا إسلام دة أحسن تة من التفييم اللي كنت بفكر فية
المهم دة اكيد مش بيلعب في بيبان العربية و لا يخرم فيها حاجة؟؟؟؟
و هل نفس الطريقة بتتعمل مع الزجاج الخلفي و لا هيطر يخرم ؟؟
و ياريت تصورها؟؟؟

[Powert]

طب لو حبيت افتح الازاز هفتحة ازاي وهو ملزوق علية

[Eng.Salah Mahdy Salama]

طب لو حبيت افتح الازاز هفتحة ازاي وهو ملزوق علية

إسلام بيقول انة ملزوق على الباب نفسة مش الزجاج

[hmostafaahm]

الف مبروك يا اسلام على فكرة انا سالت عليهم من أسبوع بالظبط وقالى هيجوا كمان يومين انا بصراحة بفكر اركب الستائر الجرار دى على الزجاج الأمامى وطبعا هيكونوا مفتوحين علطول بس علشان لو جيت اركن فى حتة شمس اقفل الستائر الجرار دى علشان تحمى التابلوه من الشمس ايه رايك فى الموضوع ده انا شفته فى عربيات كتير

[إسلام شاهين]

يا جماعه الله يبارك فيكوا جميعا .

الموضوع سهل جدا ومش حتاج تخريم ولا لعب دول عبارة عن خوصتين على كل باب من فوق ومن تحت وبيتلزقوا منهم فيهم وبتركب الستائر جواهم وملهمش دعوة بالزجاج تفتحه او تقفله وأنا مركبهم على البيبان اللي ورا ( العيال كانوا بيشتكوا من الشمس ) وفيه منهم يركب على الزجاج الخلفي شكله حلو جدا بس أنا عندي واحده فمرضتش أجيب ديه كمان وبعدين انا شايف إنهم رخاص ومش مكلفين وبعدين لو ممنوعين عند اي لجنة وتفتحهم وخلاص وأنا تحت امركم في استفسار .

الصور إن شاء الله النهارده .

[Eng.Salah Mahdy Salama]

مستنييين الصور

[اسلام المصرى]

شكرا جزيلا لك يا اسلام على مشاركتك لنا بهذا الموضوع و هذا ليس بغريب عليك , أنا بفكر برده أركبهم ان شاء الله عما قريب علشان موضوع الشمس , مبروك يا باشا ربنا يحفظهالك :)

[إسلام شاهين]

وآدي الصور :-

[zozza]

هما فعلا فكره كويسه و يمكن مان تكون احسن نم التفييم .
سؤال لو سمحت يا اسلام باشا ..... هي الستاير دي بتتباع مقاسات وللا مقاس واحد لكل انواع السيارات ؟

[إسلام شاهين]

لأ ياباشا هي بتنزل استاندر مقاس واحد وهما بيضبطوها على أي زجاج بتاع أي نوع ويقصوها وبعدين يركبوها يعني مثلا اللي أنا مركبهم كانوا زيادة حبتين هو ضبطهم على المكنة وركبهم وزي ما انت شايف .

[oshy]

جامده أوى يا اسلام ربنا يباركلك فيها :)

[waleedabbas]

مبروك يا اسلام باشا ان شاء الله انا كده هعمل ستاير على طول
لانى بصراحة مكنتش مقتنع بالسعر الغالى الى اتقالى قبل كده