خرطوم الباور لعربيتي مخروم

[mohamedrabia]

[justify]
السلام عليكم ورحمة الله

لخبراء نيسان معايا نيسان صني 2007 وانا بعمل كشف اكتشفت ان خرطوم البور مخروم وده فعلا ملحوظ معايا من فترة لان زيت البور بيقل جامد وسالت ناس قالت اعمله صب او خرط مش فاكر بالظبط المهم ناس قالت لا لا تجيبة جديد يا تجيبة استيراد جديد ووالتوكيل غالي جدااا معرفش كام بالظبط واستيراد معرفش حد اشتريه منه موثوق فيه يا ريت لو حد يعرف يفيدني وجزاكم الله خير وكل عام وانتم بخير

[/justify]

[WalidAdel]

حضرتك اسهل حل طبعا تكلم الدليل و تسالهم علي توكيل نيسان فرع الحجاز و هناك في منفذ بيع لقطع الغيار حضرتك تكلمهم و تسالهم علي الخرطوم و تشوفه بكام و حتي لو كان غالي هاتو احسن لانه خرطوم مهم و بلاش تعمله صب لانه ممكن مايستحملش ضغط الزيت و الخامه هاتبقي رديئه اوي فالاحسن تجيبه من التوكيل لا حاجهتم ياباني اصلي
حضرتك لما تشتريه من التوكيل هاتروح تركبه بره دا مجرد منفذ بيع بس

[mohamedrabia]

شكرا لالهتمامك وكل عام وانت بخير

[Ahmed.TV]

انا من راى استاذ وليد بردوا ,انك تجيبه اصلى يابانى عشان الحاجة تكون معاك تمام ومعمرة, وتضمن انها متعملش معاك فصل بارد فى حالة لو ركبت خرطوم مش اصلى
واذا مصمم على الاستيراد قولى وابعتلك رقم محل فى الحرفين على الخاص , عشان تساله او تعرف الدنيا ماشية ازاى
بس انا معرفش المحل ده اذا كان موثوق فيه ولالا
بس هو محل كبير فى الحرفين اسمه عبد الرحمن عزت وحتلاقى عنده كل اللى انت عايزه
بس بردوا مش بايد فكرة الاستيراد وخاليك فى الجديد
ولك حرية الاختيار
وتحت امرك

[harizy]

يا باشا أنا شايف إن كلام الأعضاء صح، يعنى فيه حاجات الواحد ميبستخسرش فيها الأصلى فيها يبقى أحسن؛ ولو كان أغلى، بس كنت عايز أعرف سبب المشكلة دى إيه هل هو سوء صناعة أم عمر افتراضى وخلص لأن بصراحة المشكلة غربية شوية، مع أن العربية مو 2007 زى ما حضرتك كتبت، وبالتوفيق

[Bishoy.Girgis]

الاصلي اصلي يا باشا و بالذات الميكانيكة اوعي تجيب غير الاصلي

[mohamedrabia]

انا من راى استاذ وليد بردوا ,انك تجيبه اصلى يابانى عشان الحاجة تكون معاك تمام ومعمرة, وتضمن انها متعملش معاك فصل بارد فى حالة لو ركبت خرطوم مش اصلى
واذا مصمم على الاستيراد قولى وابعتلك رقم محل فى الحرفين على الخاص , عشان تساله او تعرف الدنيا ماشية ازاى
بس انا معرفش المحل ده اذا كان موثوق فيه ولالا
بس هو محل كبير فى الحرفين اسمه عبد الرحمن عزت وحتلاقى عنده كل اللى انت عايزه
بس بردوا مش بايد فكرة الاستيراد وخاليك فى الجديد
ولك حرية الاختيار
وتحت امرك

كلام حضرتك تمام وانا معاك ويا ريت لو رقم المحل في الحرفين للعلم ونشوف الاصل

باشا أنا شايف إن كلام الأعضاء صح، يعنى فيه حاجات الواحد ميبستخسرش فيها الأصلى فيها يبقى أحسن؛ ولو كان أغلى، بس كنت عايز أعرف سبب المشكلة دى إيه هل هو سوء صناعة أم عمر افتراضى وخلص لأن بصراحة المشكلة غربية شوية، مع أن العربية مو 2007 زى ما حضرتك كتبت، وبالتوفيق

بجد معرفش سبب المشكله ايه محتمل يكون عمر افتراضي محتمل يكون اي شي الله اعلم بس هي تقريبا ماسورة رفيعة وطالع منها خرطومين لعلبة الزيت عاملة زي مواسير الفريون في الثلاجات بس الحمد لله

الاصلي اصلي يا باشا و بالذات الميكانيكة اوعي تجيب غير الاصلي

ميرسي للاهتمام والنصحية وكلامكم فعلا صح

[Ahmed.TV]

بعته لحضرتك على الخاص الرقم يا فندم وتحت امرك

[mohamedrabia]

بعته لحضرتك على الخاص الرقم يا فندم وتحت امرك

وصل يا فندم وشاكر لاهتمامك وذوقك والامر لله وحده

[mema75]

معلش هوا سؤال خارج الموضوع
هو ان المفروض اغير زيت الباور بعد كام الف كيلو ولا هو مش بيتغير ؟
مصطفي

[mohamedrabia]

بيتزود مش بيتغير لما ينقص زوده

[Ahmed.TV]

بيتزود كل 40 الف كيلو

[mohamedrabia]

الحمد لله متلعش الخرطوم مخروم الراجل الي شافه مخدش باله من ان الافيز بتاعه مريح كان بيسيل زيت بس الحمد لله كله تحت السيطرة وشاكر اهتمامكم وتواجدكم وكل عام وانتم بخير

[Ahmed.TV]

الله علييك يا استاذ محمد فى نقل تجربتك وجزاك الله خير ا بجد

وان شاء الله ميكنش فى حاجة تانية
وربنا يوفقك

[Bishoy.Girgis]

الحمدلله يا استاذ احمد ان الموضوع طلع تحت السيطرة و كله في التمام .