الاختيار الصعب

[Ahmed_selmy]

السلام عليكم
دلوقتى انا المفروض انى حاجز التيدا الفول اوبشن بلس , وانا على وشك استلامها ان شاء الله وقدر, ولكن بعد الصنى الجديده ما نزلت, وهى بدات تزغلل عينى وخصوصا مع فارق السعر بين الاتنين.
فانا مش عارف هل التيدا لسه افضل ولا الصنى الجديده افضل, وخصوصا بعد تقرير الاستاذ احمد مصطفى ان فيها حاجات افضل من التيدا.
افيدونى فى حيرتى افادكم الله

[zangry]

خليك فى التيدا احسن

[EhabVet]

خليك فى التيدا احسن

فإذا عزمت فتوكل على الله

[Ahmed_selmy]

يعنى معنى كدا ان فعلا حلاقى فرق بين التيدا وبين الصنى الجديده يعوضنى عن فارق السعر ده؟
وياريت استاذ احمد مصطفى بما انه معاه تيدا وجرب الصنى الجديده يوضح ايه الفرق اللى لسه التيدا متفوقه فيها عن الصنى الجديده

[zangry]

يعنى معنى كدا ان فعلا حلاقى فرق بين التيدا وبين الصنى الجديده يعوضنى عن فارق السعر ده؟
وياريت استاذ احمد مصطفى بما انه معاه تيدا وجرب الصنى الجديده يوضح ايه الفرق اللى لسه التيدا متفوقه فيها عن الصنى الجديده

طب انا هقولك حل احسن حضرتك جرب العربيتين وشوف لو لاقيت ان مافيش فرق توكل على الله فى الصنى حسيت بفرق لصالح التيدا هاتها وتوكل على الله

لو تهمك السرعة والشد يبقى تجيب التيدا من غير تفكير

[Ahmed_selmy]

معلش بس انت عارف ان دى زى مابيقولوا كدا تحويشة العمر, وانا بالنسبالى حتى لو سوقت الاتنين لازم ححس بفرق لانى بسوق دلوقتى 127 وخبرتى مش قد كده فى العربيات , ولهذا انا باثق جدا فى المنتدى لان الناس اللى فيه عندهم خبره بسم الله ما شاء الله, ويمكن دا اصلا سبب اختيارى للتيدا من الاول لانى مكنتش اعرفها ولا اعرفش حد معاه العربيه ولا ركبتها قبل كدا , كلوا من المنتدى.
ولهذا انا بستفسر كتير, معلش بقى اعزرونى.

[farfora20082008]

بص خليك في التيدا احسن

[mody3on]

تفرق في الموتور اكيد , وبعض الاوبشن برضه
التيدا حلوة :d

[zangry]

معلش بس انت عارف ان دى زى مابيقولوا كدا تحويشة العمر, وانا بالنسبالى حتى لو سوقت الاتنين لازم ححس بفرق لانى بسوق دلوقتى 127 وخبرتى مش قد كده فى العربيات , ولهذا انا باثق جدا فى المنتدى لان الناس اللى فيه عندهم خبره بسم الله ما شاء الله, ويمكن دا اصلا سبب اختيارى للتيدا من الاول لانى مكنتش اعرفها ولا اعرفش حد معاه العربيه ولا ركبتها قبل كدا , كلوا من المنتدى.
ولهذا انا بستفسر كتير, معلش بقى اعزرونى.

ولا يهمك ده حقك اى حد بيجيب عربية لازم يسأل على كل حاجة فيها حتى لو صغيرة

انا رأيي خليك فى التيدا شكل احسن وموتور اقوى

[mody3on]

لو تقدر تجيب فورد فييستا هتبقى احسن من الاتنين بمراحل ( او فولكس فاجن بولو )

[mody3on]

ولا يهمك ده حقك اى حد بيجيب عربية لازم يسأل على كل حاجة فيها حتى لو صغيرة

انا رأيي خليك فى التيدا شكل احسن وموتور اقوى

لا هو من ناحية الشكل فالاتنين شكلهم شمال الصراحة :d

[zangry]

لو تقدر تجيب فورد فييستا هتبقى احسن من الاتنين بمراحل ( او فولكس فاجن بولو )

بلاش البولو dsg :d

[zangry]

لا هو من ناحية الشكل فالاتنين شكلهم شمال الصراحة :d

هههههههه اه بس التيدا احسن شوية :d

فى موضوع فى قسم تويوتا هيعجبك اوى ههههههه :d

[Ahmed_selmy]

متشكر لكل اللى شارك فى الرائ وان شاء الله حخلينى فى التيدا ذى ما انا
وربنا يقدم اللى فيه الخير

[tamerzeid]

حيرتك فى الاختيار



عملة زى الحيرة فى الاختيار بين مرسى وشفيق
ههههههه