عملت حادثه...وقطع الغيار مش موجوده خااااالص

[Dr.A.Nabil]

حسبي الله ونعم الوكيل

امبارح ماشي على الدائري الساعه 7 المغرب وقدامي عربيه ربع نقل محمله خرده
....الباشا سواق النقل اخد غرزه راحت حتة خرده كبيره قد وش السلندر كده وقعت منها قصادي ...مالحيقتش افاديها فدخلت تحت العربيه ووقعدت تخبط جامد تحت العربيه ...طبعا زحفت بيها بتاع 200 متر على بال ما عرفت اقف ......حاولت اخرج البتاعه الخرده دي ماعرفتش غير لما اضطريت اطلع بالعجلتين اللي قدام فوق الرصيف علشان اعرف اخرج المصيبه اللي تحت دي...بصيت تحت العربيه لقيت الزيت اللي في العربيه كله في الارض والكرتيره بتاعة الزيت اتدمرت...
طبعا لمبة الزيت نورت ...رحت مبطل العربيه عشان الموتور مايتحرقش..واتصلت بالونش جالي سحبني لغاية الميكانيكي اللي بتعامل معاه...ولهف 200 جنيه
سالت النهارده على الكرتيره دي في اوتو ايجيبت والسبع ومودرن ....مش موجوده خالص...روحت الحرفيين والوكاله وبرضه مفيش..روحت موديها عن حداد استعدلها ولحمها وركبها وربنا يستر

[hugan]

الحمد لله انها جت في كارتير الزيت بس
ومفيش حاجه تانيه ادمرت في العربيه

[lanos2004]

الحمد لله انها جات على قد كدة
بس ايه حكايه حوادث المنتدى الكتير اليومين دول

[buddha]

قدر الله وما شاء فعل

اطمن بردة على الفتيس عشان هو كمان قريب من الارض
والكرتيرة غيرها افضل ودور عليها استيراد

[nodey]

حمد لله علي سلامتك في الحديد ولا فيك
مصر هتفل كدا ليوم الدين شعب عشوائي واخدين كل حاجة بالدراع وربنا يسترها

[youssef_u]

قدر الله ما شاء فعل ... بسيطة

[A.Adel]

أُمال التوكيل ده عنده إيه ؟؟

الصني الجديدة كذا واحد اشتكي إن قطع الغيار مش متوفرة
و التيدا نفس الكلام أهو

دي كارتيرة زيت , مش حوار يعني


ربنا يصبرنا على التوكيلات في مصر

[hossam_elwani]

هيا لسه ازمة قطع الغيار دى !!!!!!!!!

اظن والله اعلم مفيش اى حاجه ليها استعمال فى السوق خالص

[Bishoy.Girgis]

الف سلامه عليك يا دكتور .. المهم انك بخير
طمنا عليك اول بأول

[hilal]

سلامتك بالدنيا ، وبسيطة إن شاء الله ، ويجب أن نتعلم من هذه الدروس ولا نسير خلف عربيات النقل ، لأني لسه واخد زلطة شرخت الإزاز وتركت علامة على صاج العربية ، وربنا يسترها مع الجميع لأن الشارع الآن في حالة فوضى

[kliken]

قدر الله و ما شاء فعل الحمد لله انها جت على قد الكرتيره

[aboaya]

قدر الله وما شاء فعل
حمد لله علي سلامتك

[Dr'AhmZZong]

لا اله الا الله الحمد لله إن حضرتك كويس ..

موضوع قطعة الغيار ديه لييييييييك حق تضايق معلش ..

[el diesel]

الف سلامة عليك وقدر الله وما شاء فعل

[mohammed dodda]

لاحول ولاقوة الا بالله.. الحمد لله انها كارتيرة بس وياريت تكشف برضه على كارتيرة الفتيس زى ما الاستاذ قالك ممكن تكون اتشرخت بسيط لاقدر الله..وبعدين توكيل نيسان ده بيستهبل يعنى عربياته بتجرى فى كل مدن مصر من غير غطاء من قطع غيار حيوية يأمنها !!