العربية مبتنطقش خالص

[tarekMANDOUH]

انا معايا صني 2012 عملا 14000 امبارح راجع بيها من الشغل عادس جدا النهاردة بعد الصلا جي ادورها مش عيزا تدور خالص ومبتنطقش نهائي حتى السنتر مش شغال ولما تيجي تدور تسمع صوت طقطقة بس حتى الزجاج مش عايز ينزل .
للعلم انا كنت مغير ضفيرة الكهربا من اسبوع في الضمان
انا مش عارف دي مشكلة الضفيرة ولا مشكلة بطارية ولا اية
ياريت لو حد عندو فكرة عن الموضوع دا يفيدني

[Ahmed_Rahem]

فى الغالب بطارية، دوس كلاكس، لو مفيش صوت يبقى بطارية.

[wama00]

غالبا بطارية وهتلاقى اللمبات اللى فى الطابلوه بتنور ولما تيجى تدور تروح طافية صح؟

[tarekMANDOUH]

اه فعلا بتيقا منورا ولما اجي ادور بترعش جامد مع صوت طقطة او متنورش حتى عداد البنزين ساقط ومبيطلعش

[tarekMANDOUH]

بس هي لو بطارية تبقا فاجئة كدا لغايط امبارح كانت كويسة وافتكر ان انا مسبتش حاجة منورة او شغالة قبل ما اركن العربية

[م.محمد علاء]

عادي ممكن تبوظ فجأه

[el diesel]

بطارية وهاتلاقيك نسيت الكاسيت شغال هات كهربائى بوصلة وبعد روح اكشف على البطارية

[Mohamed Abosef]

حرك القواشيط الرصاص بتاعه البطاريه الموجب و السالب و غالبا حتلاقي عليم ملح و حط عليهم مياه مغليه وان شاء الله خير

[tarekMANDOUH]

متشكر جدا يا جماعة على ردودكم
وان شاء الله خير

[Ahmed Amin]

انا معايا صني 2012 عملا 14000 امبارح راجع بيها من الشغل عادس جدا النهاردة بعد الصلا جي ادورها مش عيزا تدور خالص ومبتنطقش نهائي حتى السنتر مش شغال ولما تيجي تدور تسمع صوت طقطقة بس حتى الزجاج مش عايز ينزل .

للعلم انا كنت مغير ضفيرة الكهربا من اسبوع في الضمان
انا مش عارف دي مشكلة الضفيرة ولا مشكلة بطارية ولا اية
ياريت لو حد عندو فكرة عن الموضوع دا يفيدني

دايماً لما تسمع صوت طقطقة مع الكونتاكت, أول حاجة تعملها أنك تكشف علي أمبير البطارية.
لو مش معاك حاجة تكشف بيها علي الأمبير, أعمل توصيلة مع عربية حد بكابل ما بين البطاريتين ودور العربية, لو دارت يبقي العيب في البطارية علي طول,,

بس هي لو بطارية تبقا فاجئة كدا لغايط امبارح كانت كويسة وافتكر ان انا مسبتش حاجة منورة او شغالة قبل ما اركن العربية

البطاريات الجافة كلهاا لما بينتهي عمرها بتموت مرة واحدة بدون مقدمات,
ومش بتقوم العربية معاك وبتسمع صوت الطقطقة دا حتي لو كانت العربية شغالة زي الفل اليوم اللي قبلها,,

والموضوع مالهوش علاقة لا بالكاسيت ولا بالقواطش زي ما بعض الأخوة قالو, عشان ملتفش حوالين نفسك في حاجات تانية.
لأنك قلت وفي العادي إنك مش بتسيب حاجة شغالة قبل ما تنزل, والعربية لسة جديدة والبطارية جافة عشان نفترض إن القواطش اللي علي الموجب والسالب فيهم مشكلة.

[jojojojo]

حصل عندي نفس الحوار ده بس نتيجه اني ركنت العربيه 4 ايام ومدورتهاش عشان ازمه البنزين وجيت ادورها لقيت فعلا المبات اللي في تابلوه نورها بينخفض ومش بدور وبسمع ساعات صوت طقطقه جاي من ناحيه البطاريه بس انا عندي الازاز الكهربا والكاسيت شغلين عادي وع فكره العربيه عامله 11 الف كيلو بس يعني بجد حرام لو جابت بطاريه بعد المده ديه بس وربنا يستر روحت لكهربائي اقلي بطاريه عايزه تتغير ناوي اروح التوكيل اشوف هيقولوا ايه وربنا يستر ولو حضرتك عايز تدورها ممكن تدورها بوصله وبطاريه تانيه هدور معاك وهي سخنه وبطلتها هددور تاني بس اول متركن العربيه وتبرد مش بدور تاني وان شاء الله المشكله تتحل

[walaaeldeen]

السلام عليكم
ممكن يكون في عيب في الضفيره مهربه كهرباء (ملمسه ارضي )ادي لتفريغ البطاريه
او ان البطاريه باظت
والله المستعان

[tarekMANDOUH]

يا جماعة انا روحت لكهربائي جاب وصلة وبطارية ووصلنا للعربية ووصلنا الوصلات والعربية دارت الحمد لله ورحت ريحلو على المحل والمفاجئة البطارية مش جافة وكشفنا عليها وطلع ربع ضارب وغيرتها والحمد لله العربية دارت
وشكرا على اهتمامكو وردودكو

[Ahmed Amin]

يا جماعة انا روحت لكهربائي جاب وصلة وبطارية ووصلنا للعربية ووصلنا الوصلات والعربية دارت الحمد لله ورحت ريحلو على المحل والمفاجئة البطارية مش جافة وكشفنا عليها وطلع ربع ضارب وغيرتها والحمد لله العربية دارت
وشكرا على اهتمامكو وردودكو

مبروك علي حل المشكلة, وأديك عرفت أعراضها عشان لو حصلت بعد كدا أنك تبص علي البطارية علي طول أول حاجة حتي لو كانت شغالة زي الفل اليوم اللي قبلها,,

بس أزاي الصني موديل 2012 بتنزل ببطارية سايلة .؟!!
ولا حضرتك بس اللي عربيتك فيها بطارية سايله !!
عشان كل العربيات الجديدة بتنزل ببطارية جافة, برجاء توضيح الجزئية دي,

[tarekMANDOUH]

هي الشكل القديم ونازلة فيها كدا وهي كلورايد