كله يخلى باله من موبيلاته

[elnady_1987]

كله يخلى باله من تليفناته التليفونات اتسرقت وانا نازل من الدائرى ومراتى وابنى معايا وكان معايا عربية والدى ودى مرسيدس e200 2004 وكنت وخدها عشان التكيف فى مشكلة فكنت فتح الازاز ولقيت عيل خبط من نحيتى ورا والطريق واقف وانا بتحرك براحة وانا ببصله بقله فى ايه يا ابنى وانا متاكد انى مخبطهش وفجاة لقيت مراتى بتقلى الحق خدو التليفونات ببص لاته جرى بعد ما فتحت الباب ونزلت فكرت للحظة انى معايا العربية دى ومراتى وابنى وواحد مستنيهم الناحية التانية بمتسكل وركبو فركبت وقلت يعوض علينا ربنا ومراتى بق كل الى فكرت فيه انهم هيخدو الواد عشان كدا مسكت الواد جامد وسبته ياخد التليفونات يلا الحمد لله بس كله يخلى باله

[Mohamed_Hamid]

ربنا يعوض عليك وانت اتصرفت صح الصح.
ربنا يحفظنا جميعا من كل سوء.

[bondok20002002]

برافو عليك والله زى الفل وتصرف فى منتهى العقل والحكمة
وربنا يعوض عليك يارب

[Ahmed Amin]

ربنا يعوض عليك خير,, وفعلاً انت أتصرفت صح لأنك لو كنت جريت وراهم كان ممكن حد يجي من وراك ياخد العربية بالجماعة.!!
حسبي الله ونعم الوكيل فيهم,, وربنا يستر طريقنا يارب.

[ahmedteam]

الحركه دى بتحصل كتيير اليومين دول ربنا يستر

[Secret-Man]

http://www.nilemotors.net/Nile/377634-a.html

[أحمد جودة]

يلا قدر الله وماشاء فعل وحضرتك اتصرفت صح ........ اهم حاجة سلامتك وسلامة أهلك واى حاجة تتعوض

وعلشان كدة لما بيكون الطريق واقف فى حتة مش مطمنلها برفع الازار واسوجر السنتر كلة

[SAMEH_FOUAD]

الحمد لله قدر الله وماشاء فعل , والحمد لله انها جت فى التليفون

من خلال حوادث سرقات الموبايلات اللى بتحصل , اتعلمت الاتى :

1 - انك لو حاطط التليفون جنبك فى العربية , يبقى تقفل الزجاج لحد اخر ربع بحيث يصعب علية ادخال يدة داخل السيارة مع قفل الابواب طبعا

2- مافيش موبايل بتحط على تابلوة السيارة

3- ماتمسكش التليفون فى الشارع وخصوصا لو غالى وتقف تشتغل علية , لان ممكن اى عيلين بموتسيكل يخطفوة من ايدك فى لمح البصر

4- دائما وانت بتتكلم وماشى فى الشارع خلى التليفون ناحية الرصيف او مكان امان بحيث يصعب على اى حد انة يسرقة منك

5- لو راكب مواصلات , اتكلم فى الاتجاة المعاكس للشباك , وحتى لو المترو

6- ماتحطش تليفونك على التربيزة لو قاعد فى كافية خصوصا لو كافية فى الشارع

وربنا يسترها علينا فى الاول والاخر

[ABO MALEK]

بالضبط هو ده اللى حصل مع واحد زميلى ساكن فى الهرم..نفس سيناريو الموتوسيكل امنتظر فى الإتجاه المعاكس.
ربنا يسترها.

[Ahmed Amin]

الحمد لله قدر الله وماشاء فعل , والحمد لله انها جت فى التليفون

من خلال حوادث سرقات الموبايلات اللى بتحصل , اتعلمت الاتى :

1 - انك لو حاطط التليفون جنبك فى العربية , يبقى تقفل الزجاج لحد اخر ربع بحيث يصعب علية ادخال يدة داخل السيارة مع قفل الابواب طبعا

2- مافيش موبايل بتحط على تابلوة السيارة

3- ماتمسكش التليفون فى الشارع وخصوصا لو غالى وتقف تشتغل علية , لان ممكن اى عيلين بموتسيكل يخطفوة من ايدك فى لمح البصر

4- دائما وانت بتتكلم وماشى فى الشارع خلى التليفون ناحية الرصيف او مكان امان بحيث يصعب على اى حد انة يسرقة منك

5- لو راكب مواصلات , اتكلم فى الاتجاة المعاكس للشباك , وحتى لو المترو

6- ماتحطش تليفونك على التربيزة لو قاعد فى كافية خصوصا لو كافية فى الشارع

وربنا يسترها علينا فى الاول والاخر

حضرتك جبت من الأخر وغطيت كل النقط المهمة اللي مفروض أي واحد ياخد باله منها,,
ربنا يجازيك خير ويارب عدد كبير يشوف كلامك عشان يستفاد منه.

[janagabr]

ربنا يعوض عليك خير واهم حاجة سلامتك وسلامة الاسرة

[bondok20002002]

وأهم حاجة موضوع المترو لان حصل قدامى واحد بتكلم فى التليفون وقاعد ورا الشباك والمترو بدأ يتحرك واحد مد إيده خده من على ودنه تخيل بقى قلة الأدب إلى إحنا فيها

[elnady_1987]

قدر الله وما شاء فعل انا مش زعلان والله بس هوة فعلا خضة العيال كانت جامدة جدا وانا ببلغ عشان كله يخلى باله

[ramymechanics]

معلش يا كبير ربنا يعوض عليك لحد ما الشرطة تبطل تلم فى أصحاب الرأى وتشوف شغلها

[Ahmed_selmy]

قدر الله وما شاء فعل....الحمد لله