مشكلة فى الصنى

[jame]

السلام عليكم ورحمة الله وبركاته

ياريت حد من الأخوة الكرام أصحاب الخبرة يجاوبني إذا يعرف سبب المشكلة دي ..

اشتريت صني موديل 2004 إستخدامها نظيف جدآ في شهر 7 اللي فات، هي خليجي وأتوماتيك، من يومين فوجئت انها لما احرك الفتيس على ال R للرجوع تهتز هزة بسيطة لكن لما ادوس بنزين ما تتحركش ومفيش غير صوت البنزين بس ، بصراحة خفت اوديها لميكانيكي عادي قلت اوديها التوكيل ، بس سألت ميكانيكي قال محتاج اغير الفتيس كله ، وفي التوكيل قالوا لازم يفكوه ويشوفوا الأول ، انا خايف تكون المشكلة كبيرة وانا عارف ان اسعار التوكيل غالية بالإضافة لسعر الجير بوكس الغالي أكيد ....

ياترى في حد عدت عليه المشكلة دي قبل كده يطمني ، جزاكم الله كل خير

-------------
تم تغييرالعنوان ليلائم المحتوى
ل ف م

[jame]

ياريت أستاذ سبعاوي يفيدني ، انا قرأت كتير من استفسارات الأخوة والرد عليها ، واضح انك فاهم كويس جدآ في العربية .
أنا قريت ردك بخصوص الناقل الأتوماتيك ان في 3 نقلات أمامية وواحدة خلفية ، يارترى ده ليه علاقة بمشكلتي ، أقصد لو في مشكلة في الناقل الخلفي ، ممكن يتغير لوحده من غير ما يتغير الجير بوكس كله ؟؟

ياريت تفيدني اخي الكريم ولك مني كل الشكر

[sab3aawy]

مبدأيا تأكد من ضبط سلك الفتيس ومن ان مفتاح P-n (مفتاح كهربى بداخل الفتيس مسئول عن تعريف الفتيس ان العربية ممورة) ، لحين ما ابص على كتالوج صيانة الصنى واقدر اقترح عليك مجموعة من الأشياء لتراجعها

[jame]

شكرآ أخي الكريم على سرعة الرد
هي العربية بالفعل في الوكالة وديتها النهاردة وقالوا هتاخد يومين علشان يفكوا الفتيس ويشوفوا المشكلة فين ، لكن سلك الفتيس ده ممكن يخلي وظيفة واحدة بس تتوقف والباقي يشتغل ، يعني العربية بتمشي على الdلكن على ال R مش بتستجيب ، وممكن اتاكد من ضبط السلك ده بنفسي ؟ ولا موضوع صعب ؟ انا كل خوفي يكون الفتيس كله محتاج تغيير ، ياريت تطمني ...

أشكرك مرة تانية

[waled369]

شوف يا ريس أنا مش عايز أخوفك و الله بس حصلت معايا في الشيروكي و بالفعل غيرت الفيتيس كله .
يا رب يطلع حاجة تانية و ربنا يبارك لك و ابقى طمنا .

[jame]

شكرآ يا عم وليد على الرد ، ربنا يستر ، بس ممكن تقول كان ايه السبب؟

[jame]

حبيت أقول لكوا اللي حصل ، المهندس قال ان الكلتشات ( مش عارف نطقها صح ولا غلط ) اللي مسؤلة عن الدفع الخلفي اتحرقت والمسؤلة عن الدفع الأمامي في طريقها هي كمان ، وقال لازم عمرة كاملة للفتيس ... إدعولي ، وشكرآ للجميع

[Emadsamy]

ممكن حضرتك توضح لنا أيه أسباب أن الكلاتشات إتحرقت؟
لإن دى ما تتحرقش إلا لو كان عليها حمل زياده يعنى ممكن تكون زودت الحموله فى طريق طويل أو قطرت عربيه تانيه .
فيا ريت لو ده ما حصلش معاك تسال التوكيل إيه السبب علشان تتحاشى تكراره تانى و تقوللنا حتى تعم الفائده
و شكرا

[jame]

شكرآ أخي الكريم على مرورك ، لكن ما حصلش ان كان في حمل جامد عليها ، ( في حدود إستخدامي أنا - لأني مشتريها مستعملة ) لكن هأسأل كان ايه السبب، وإن شاء الله ابلغكوا بيه ، ويارب ما تحصل مع حد تاني .
وشكرآ

[waleedss]

ممكن تديني فكره عن تكلفة الاصلاح وكام سعر الفتيس للي يعرف

[jame]

أخي العزيز انا ما غيرتش الفتيس ، انا غيرت الكلتشات ، والموضوع اتكلف حوالي 3200 .. والحمد لله على كل شئ