مشكله في كهربا السيفيك 2009 هتجنني

[moro111]

السلام عليكم
عندي مشكله غريبه في كهرباه العربيه و كنت هروح ف داهيه بسببها امبار ح و الحمدد لله ربنا ستر
الموضوع بدأ برعشه ف انوار العربيه و طبعا لاحظتها بليل بس
ووصلت لدرجه انه اما بقلب نور عالي بيفصل كل انوار العربيه و الكاسيت و صوت العربيه بيهدا جامد و بعدين يرجع يشتغل تاني
المشكله انه امبارح وسط الزحمه ايه اللي حصل؟؟؟
دست فرامل و قلبت نور و كنت بحاول افادي واحد ف الزحمه و الظاهر لما عملت كل الحاجات دي ف نفس الوقت العربيه طفت مره واحده و الباور بتاع الدركسيون فصل و العداد علق علي 5 ؟؟؟؟!!!!كنت هخبط في العربيه اللي جنبني:((((
المهم شغلت العربيه تاني لقيت كل حاجه تمام و لكن نور الموتور منور

ياريت تساعدوني لاني مش عارف دي حساسات و لا بورده كهربا و لا ايه وكمان انا بكره توكيل الفطيم ده مع العلم انه العربيه لسه ف الضمان

اسف جدا علي الاطاله و ارجو الرد السريع يا هونداويه لاني بصراحه خايف امشي بيها كده
و شكرا

[sherifunmis]

عندى نفس المشكلة
لما أقلب نور و أنا ماشى بسرعة
العربية بتنتش كأنها هاتبطل
لقيت أن قواطيش البطارية مش متثبتة

[moro111]

شكرا يا شريف علي الرد
فعلا لقيت القواطيش تعبانه و مملحه و كمان البطاريه
غيرتها و غيرت البطاريه و ان شاء الله المشكله تتحل

و لو حد عنده سبب تاني ممكن يكون غير البطاريه يا ريت يعرفنا

[yalahwy2010]

إكشف على الفيوز العمومى للبطارية
دا كدة معناه ان الكهربا بتفصل خالص بسبب التحميل على الفيوزات
ودا طبعا مش حاجة طبيعية
وممكن يكون قواطيش البطارية فعلا
المهم ما تقلقش ...وحاول تروح التوكيل وتغير أى حاجة بايظة فى الضمان

[sherifunmis]

إكشف على الفيوز العمومى للبطارية
دا كدة معناه ان الكهربا بتفصل خالص بسبب التحميل على الفيوزات
ودا طبعا مش حاجة طبيعية
وممكن يكون قواطيش البطارية فعلا
المهم ما تقلقش ...وحاول تروح التوكيل وتغير أى حاجة بايظة فى الضمان

1111111+

[moro111]

السلام عليكم
المشكله يا جماعه كانت من البطاريه و القواشيط كانت مملحه لان البطاريه كانت نوعيتها وحشه
تم تغيير البطاريه و شراء acdelco السعودي 60 امبير و تغييير القواشيط و العربيه بقت تمام التمام
للعلم تم الكشف علي فيوز البطاريه العمومي و طلع سليم

انا قلت اعرف الناس عشان اللي تقابله المشكله دي يكون عارف سببها
و الف شكر للناس الروعه اللي ردوا عليه

[S O P H O S]

فعلا مشكلة مش كبيرة بس ساعات ممكن مش نلاحظها

[M2M Egypt]

حصلت معايا مره وروحت التوكيل قالولى العربيه عايزه كمبيوتر ب 6000 جنيه ... الكهربائى حلهالى وخد 5 جنيه
بس المشكله ماكانتش فى البطاريه كانت فى وحدان الرفع او الانذار حاجه منهم كانت بتعمل قفله لما شيلت الاتنين كل حاجه رجعت طبيعيه

[maikel_nan]

انا معايا 2008 وحصل معايا نفس القصة ... روحت التوكيل وقولتلة على فصل (الباور والنور والكاسيت) بس المشكلة انها مابتحصلش دايما .. شيكوا على العربية وقالى مافيهاش حاجة بس لقينا كابل الارضى بتاع المتور مش مربوط اوى فربطناة ..... ومن ساعتها الموضوع دة محصلش معايا تانى .. وخدوا منى 137 جنية

[hany63]

السلام عليكم
المشكله يا جماعه كانت من البطاريه و القواشيط كانت مملحه لان البطاريه كانت نوعيتها وحشه
تم تغيير البطاريه و شراء acdelco السعودي 60 امبير و تغييير القواشيط و العربيه بقت تمام التمام
للعلم تم الكشف علي فيوز البطاريه العمومي و طلع سليم

انا قلت اعرف الناس عشان اللي تقابله المشكله دي يكون عارف سببها
و الف شكر للناس الروعه اللي ردوا عليه

سؤال مهم يا تري اخبار رعشة التكييف ايه بعد تركيب بطاريه جديده؟

[moro111]

سؤال مهم يا تري اخبار رعشة التكييف ايه بعد تركيب بطاريه جديده؟

رعشه التكييف خفت كتير عن الاول و تعتبر غير ملحوظه بس مرحتش خالص
بتحس بيها و العربيه واقفه بس انما و انت ماشي و لا اي رعشه

[حماده المصري]

لسه حاصل شيء مشابه سير دينامو كان مقطوع ومحدش كان واخد باله منه

المهم خرب الدنيا خلا لمبه البطاريه تنور وكل حاجه في العربيه تهنج تشغل تكييف يفصل الكاسييت والعدادات كلها خرفت

[Hondawy_2008]

رعشه التكييف خفت كتير عن الاول و تعتبر غير ملحوظه بس مرحتش خالص
بتحس بيها و العربيه واقفه بس انما و انت ماشي و لا اي رعشه

رعشة التكييف موجودة في كل الهوندا دي حاجة طبيعية

[moro111]

رعشة التكييف موجودة في كل الهوندا دي حاجة طبيعية

لللاسف دي حاجه طبيعيه في الهوندا انما مش طبيعيه في اي عربيه تانيه
عربيه زي دي المفروض ميكونش فيها الرعشه دي
انا كل ماحد يركب معايا يقولي كهربه العربيه مش مظبوطه

[hany63]

لللاسف دي حاجه طبيعيه في الهوندا انما مش طبيعيه في اي عربيه تانيه
عربيه زي دي المفروض ميكونش فيها الرعشه دي
انا كل ماحد يركب معايا يقولي كهربه العربيه مش مظبوطه :i_angr1[1]:

ما انا كان عندي امل ان المشكله تروح بعد تغيير البطاريه و لكن يا فرحه ما تمت