عضو جديد . محتاج معلومات عن سيفيك 2007

[ahmed_heshmat]

السلام عليكم ورحمة اللة وبركاتة .

انا عضو جديد ولسة مغير عربيى واشتريت هوندا سيفيك 2007 و عايز استفسر من حضرتكم عن بعض الاستفسارات واتمنى المساعدة .

1- عايز اغير تيل فرامل امامى اشترى الاصلى من التوكيل ولاا اشترى نوع درجة تانية
2- عايز اغير بارات داخلى وخارجى بكام واى نوع اشترى ؟
3- عايز اركب ساوند سيستم تنصحوا بياة
4- بعض التعديلات البسيطة على الشكل الخارجى
5- هل حد عندة اشكال لبعض العربيات السيفيك 2007 المتعدلة واشكال السوند سيستم

[م/محمد صلاح]

بص ياباشا ... هات الكرسي ده وتعالى جمب اخوك .. انا الحمد لله معايا سيفيك ٢٠٠٧ من الزيرو .. قوللى واحده واحده كده عايز تعمل ايه
بالنسبه للتيل هات الاصلى طبعا وهو تقريبا ب ٦٠٠
بالنسبه للبارات انا مش فاهم قصدك انهى بارات وتغيرهم ليه
الساوند سيستم فى حاجات كتير حسب انت عايز ايه من السيستم نفسه
تعديلات عالشكل الخارجى : العربيه نازلها ٢ بدى كيت واحد بتاع ميوجن ار ار وده اللى انا مركبه والتانى تايب ار

حدد انت عايز ايه وانا معاك وان شاء الله اقدر افيدك

[ahmed_heshmat]

اولا مساء الخير يا باشامهندس / محمد انا جديد فى السيفيك
ثانيا انا جيبت الكرسى وقاعد كلى اذان صاغية لحضرتك

1- التيل خلص عند وعايز اشترى تيل فى ناس بتقولى فى تيل يابانى 420 جم و فى ناس بتقولى اشترى الاصلى اشترى من التوكيل ولا اشترى من برة
2- البارات الامامية فى الجزء الايمن بتعمل صوت فى الحتت المكسرة اشتى الاصلى ولا فى انواع تانية تفى بالغرض
3- بالنسبة للسوند سيتم عايز اغير الكاسيت واجيب الكاسيت العريض مش شرط dvd , و عايز اركب سماعات فى الرف لانها بتزل من غير سماعات انتا شايف اركب سماعين وار ولا اقطع فى الصاج واركب 4 سماعات بيضاوى
4 - عايز اشترى فوجات

شكرا ليك يا بك

[م/محمد صلاح]

اولا مساء الخير يا باشامهندس / محمد انا جديد فى السيفيك
ثانيا انا جيبت الكرسى وقاعد كلى اذان صاغية لحضرتك

1- التيل خلص عند وعايز اشترى تيل فى ناس بتقولى فى تيل يابانى 420 جم و فى ناس بتقولى اشترى الاصلى اشترى من التوكيل ولا اشترى من برة
2- البارات الامامية فى الجزء الايمن بتعمل صوت فى الحتت المكسرة اشتى الاصلى ولا فى انواع تانية تفى بالغرض
3- بالنسبة للسوند سيتم عايز اغير الكاسيت واجيب الكاسيت العريض مش شرط dvd , و عايز اركب سماعات فى الرف لانها بتزل من غير سماعات انتا شايف اركب سماعين وار ولا اقطع فى الصاج واركب 4 سماعات بيضاوى
4 - عايز اشترى فوجات

شكرا ليك يا بك

اول حاجه الف مبروك عالعربيه ربنا يديك خيرها ويكفيك شرها
بالنسبه للتيل الاصلى افضل حاجه طبعا وسعره بره زى سعر التوكيل فمش هايفرق هاتجيبه منين
بالنسبه للتخبيط اللى عندك ده مش بارات .. دي علبة الدركسيون وهى نازله بالعيب ده .. ليها حلين .. انك تغيرها وده مرفوض لانها غاليه جدا .. الحل التانى انك تصلحها .. وهاتغير معاها جلب المقصات والدنيا هاتتظبط معاك ان شاء الله
بالنسبه للساوند سيستم فى اختيارات كتير اختار اللى يعجبك بس انا برشحلك بايونير صوت كويس جدا وابعد عن اللى بشاشه تاتش عشان جبته وكان بيهنج كتير
بالنسبه للسماعات فدى مشكله عندنا لان الرف الخلفي فيه مكان سماعات صغيره مش بيضاوي .. بس الحل انك تركب السماعات من تحت .. يعنى مش هاتسقط السماعات فى الفتحه وتربط لأ المكان ضيق .. انت هاتحط السماعات من تحت وتربط وانصح برضه ببايونير بيضاوي ٤٠٠ وات وكفايه سماعتين بس الصوت هايبقي كويس جدا
بالنسبه للفوجات فانت لو هاتركب بدى كيت ميوجن ار ار هو بيجي بفوجاته بس هاتحتاج الزرار .. انا كنت مركب الفوجات التايوانى ب ٥٥٠ جنيه بالزرار والضفيره وكل حاجه .. عشان كده لما ركبت الكيت بتاع الميوجن ركبته عالزرار على طول
كيت الميوحن بيعمل ٦٠٠٠ جنيه .. مكون من اكصدام امامر كامل بالشبكه والفوجات وعلامة هوندا الحمرا + ٢ عتب جانبي + زايدة اكصدام خلفى + ٢ كوفر مرايات بالاشارات + حليتين شكمان
الاسبويلر سعره لوحده ١٢٠٠ جنيه (البدى كيت من احمد شوقي فى الهرم او حماده غزى بورسعيد)
بالنسبه للجنوط هاتركب ١٧-٤٥\٢٢٥ من غير اى مشاكل فى العفشه ان شاء الله بس طبعا بالمحافظه عليها وتختار جنط كويس وكاوتش كويس وارشحلك كومهو اكيستا الكوري .. مركبه عندى مقاس ١٨- ٤٠\٢٢٥

اي سؤال تانى انا فى الخدمه

[S O P H O S]

مبروك العربية
انا راي متجبش اي تيل غير الاصلي
والسوند الكاسيت بايونير وحسب الميزانية
واهم يونت هو الكاسيت فرأي