مساعدة من رجالة الهوندا سيتي 2006 1500 سي سي

[ramy_saeed]

عايز اغير زيت الفتيس ممكن حد يفدني ويقولى بيتغير ولا بيتزود هوندا سيتي 2006 اوتوماتيك 1500 سي سي
وعايز اغير بويجهات غاليه جدا فى التوكيل ب650 هل ngk الاريديوم افضل واجيبها مضمونه منين وبكام ياريت
وعايز اغير فلتر البنزين عايز اعرف سعرو
اخر حاجه لو سمحت عايز اكصدام استيراد وياريت يكون لون الجولد وشكرا تعبتكم معاي

[SAMEH_FOUAD]

زيت الفتيس بيتغير طبعا , بس شوف اللى عندك ال cvt ولا العادى عشان كل فتيس لية نوع زيت مختلف عن التانى

البوجيهات , هتجيبها من شركة التوفيق اللى هية اصلا موزع ngk فى مصر , ومكانة فى السيدة زينب شارع قدرى

وتمنها 500 جنية هناك بس بتتغير كل 100 الف

فلتر البنزين موجود عندك فى التانك مابين الكرسيين الامامين , وعشان يطلع , هتتطلع المكنة بتاعة الطلمبة وهتلاقية فيها

سعرة على حسب ماهتجيبة بس الاصلى ب 375 جنية تقريبا , مش متأكد من سعرة والتايلاندى ب 150 جنية

- الاكصدام هتلاقيهم فى الحرفيين الواحد ب 800 جنية استيراد

[ramy_saeed]

شكرا ياسامح باشا انا الفتيس بتاعي cvt ياريت تقولى نوعه ولازم يتغير فى التوكيل
وموضوع الفلتر ده طلع صعب جدا لازم فى التوكيل صح ومعلش هوه بيتغير كل قد ايه ولو مش لازم اعملو عشان طلع موضوع صعب يبقي ممكن معملهوش بس قولى ايه الصح

[ramy_saeed]

والفرق بين البوجيهات الاصلي والتايلاندي كبيير ولا اجيب التايلاندي

[SAMEH_FOUAD]

شكرا ياسامح باشا انا الفتيس بتاعي cvt ياريت تقولى نوعه ولازم يتغير فى التوكيل
وموضوع الفلتر ده طلع صعب جدا لازم فى التوكيل صح ومعلش هوه بيتغير كل قد ايه ولو مش لازم اعملو عشان طلع موضوع صعب يبقي ممكن معملهوش بس قولى ايه الصح

هتجيب الزيت الاصلى بتاع هوندا يكون زيت cvt , هو سعر اللتر ب 125 جنية

عادى فى اى مركز متخصص هوندا , مش هتفرق , وبيتم تغيرة كل 25000-30000 كيلو

لأ طبعا مهم جداااااااااااااا , لانة او اتسد بيكتم السحب جدااااااا

والفرق بين البوجيهات الاصلي والتايلاندي كبيير ولا اجيب التايلاندي

مافيش حاجة اسمها بوجيهات تايلاندى

هية البوجيهات اللى هتجيبها هتكون ngk اصلية , بغض النظر بقى عن انها فى علبة هوندا او فى علبة ngk اهم حاجة تكون اصلية

[islam elnaggar]

السلام عليكم يا جماعة انا معاية هوندا سيتي 2008 وليسة عامل القصة دي كلها انا جبت الزيت من عند مجدىالدسوقي في الحرفيين في اول جمال عبد الناصر في عمارات التجريين, وهناك جمه في مكنيكي أسمه محمد صلاخ شب سغير بس زي العسل غيرلي الفلتر ونضفلي الموبينات وغيرلي البوجيهات وكشفلي على العفشة ومخدش كتير وانا جبت البوجيهات اصلية ngk من عند مجدى ب 250 طقريبا

[ramy_saeed]

شكرا سامح بيك لذوقك

[ramy_saeed]

شكرا اسلام البوجيهات دي بتقعد كام كيلو الى ب 250