أشتري ولا لأ

[MOK3336]

يا رجالة واحد صحبي عاوز يشتري عربية قديمة يتعلم عليها يعني هيقعدها معاه سنة كده و لا حاجة
بس خايف من موضوع إحلال الملاكي ده يعني هو تقريبا هيجبها موديل حاجة و 80
فخايف يجبها و لما يبيع ميعرفش أو يخسر كتير لما يبعها
أنتم إية رأيكم

[wkisho2005]

مش مستاهلة وجع قلب ويشتريها ويبيعها كمان سنة ويخسر فيها
لو معاه فلوس يجيب جديد علي طول يبقي احسن حتي التعليم علي العربيات الجديدة وسواقتها اسهل كتيير ولو خايف انها تتخبط منه او كدا يتعلم الاول شوية علي عربية من بتوع مكاتب تعليم السواقة وربنا يوفقه للي فيه الخير

[Moe86]

وياريت لو حايجيب جديد يأمن عليها أول سنة أو سنتين فى شركة مضمونة

[robeir]

جديد افضل بكتير و اسهل فى التعليم و الخساره اللى هيخسرها فى شراء و بيع القديم يبقى يصرفها على العربيه الاحدث بعد ما يتعلم...

[MOK3336]

يا رجالة هو كان عاوز يجيب logan 2010 بس أنا قولتله حرام خليك في المستعمل الأول شوية كده و أبقي هات زيرو
يعني كده فكرة غلط (باين أنا وديتة في دهية ولا إية )
طيب يا جماعة واحد تانى قالي أن ممكن يكسب من المستعملة دي ويوم ما يخسر هيبعها بسعر ما أشتراها بية أو علي الأقل هيخسر بالكتير 1000 ولا حاجة
أنتم إية رأيكم

[Mohamed.Ramah]

يتعلم الاول وبعد ما يعرف يسوق يجيب اللوجان

[Samah AbdAllah]

يعنى هم اللى بيعرفوا يسوقوا ما بيتخبطوش
خليه يتوكل على الله ويجيب جديد على طول وواحدةواحدة هيتعلم فى اى مدرسة من بتوع تعليم السواقة

[bmw323]

خلية يجيبها وفى الأول ينزل بيها بعد الفجر كدة لحد لما ياخد عليها
وأن شاء الله ميحصلش حاجة

[ahmdmagdy]

طبعا يجيب عربيه يبهدلها ف التعليم و بعد كده يجيب ع الزيرو عشان يبقي مرتاح

[MOK3336]

و الله يا رجالة أنا أحترت من كلامكم ما بال هو بقي يعمل اية
؟؟؟؟
يجيب زيرو
ولا يجيب مستعمل يتعلم علية و هو بقي و نصيبة في حكاية البيع دى
بس انا خايف و الله لا يشتري و بعد سنة السوق ينزل و يبيع بخسارة هتبقي هي هي خسارة الزيرو و ما نابه غير ايلي دفعة في تظبيط العربية المستعملة

[XXXMEMOXXX]

يا باشا لو صاحبك ده شاب يبقى خليه يجيب جديد بس الاول يروح يتعلم في مدرسه وبعدين ينزل في الاوقات الهاديه اللي مش فيها زحمه.
بس لو راجل كبير بعد ال 40 يبقى يجيب مستعمل الاول

[most_wanted]

هو ممكن يتعلم في مدرسه قياده وبعدين يجيب عربيه