ار بي ام العربيه عالي

[hugan]

العربيه عندي الا ار بي ان عالي
وعند بدء الدوران الا ار بي ام بيعلي وبعد كده ينزل
وعلي السلانسيه العربيه عاليه حوالي 2 ار بي ام زياده
كنت عايز اعرف ايه الجزء المسؤل عن ارتفاع المكنه
في الشاهين عارف ان بك السلانسيه ومسمارا الهواء المسؤلين عن ارتفاع عدد اللفات او انخفاضها
لكن في العربيات الانجيكشن
موجود بوابه والبوابه كهربا ودواسه البنزين كهرباء
الميكانيكي نضف البوابه وحساس المانيفول ومع ذلك
القفزه العاليه للعداد موجود ه عند بدء التدوير وارتفاع الموتور علي السلانسيه

[hugan]

للتذكير

[ehab_mansour]

أخي الفاضل سرعة السلانسيه للمحرك بيحددها حاجات كتير يعني اشارات معظم حساسات السيارة بتؤثر في سرعة السلانسيه للسيارة (حساس الحرارة - حساس المانيفول - حساس الشكمان - ...) و كل دول بيعطو اشارات لكنترول السيارة وهو من خلالها يجعل البوابة تفتح بمقدار معين هو سرعة السلانسيه و ده حسب ما قرأت في اكتر من مانيوال صيانة فحضرتك لازم عشان تتأكد المشكلة فين محتاج تكشف عليها علي جهاز كشف أعطال او كمبيوتر أعطال حسب المتاح لعربيتك

وفيه سبب أخر ممكن يخلي سرعة السلانسيه تعلي و ميكنش ليه علاقة بالحساسات وهو دائرة الفاكيوم و دي حضرتك محتاج تراجع علي حالة اي خرطوم او وصلة هواء تحت البوابة او من المانيفول و تتأكد ان مافيش فيهم اي تنفيث و خلي بالك ان التنفيس مش هيكون خروج هواء ولكن هيكون شفط هواء (vacuum) و راجع ايضا علي خرطوم الفاكيوم اللي واصل لسيرفو الفرامل

وفيه سبب أخر ايضا ممكن يعلي سرعة السلانسيه وهو دواسة البنزين
حضرتك عندك الدواسة كهرباء يبقي طبيعي انها تكون عبارة عن بوتينشيومتر و ده عبارة عن مقاومة كهربية و بتتحرك عليها ريش بتأخذ منها قراءة و وضع الدواسة .... المهم ممكن تكون معلقة او متوسخة او فيها اي مشكلة و محتاجه تتنظف او تتغير و تكون هي السبب في ذلك

دي كل ما أستطيع مساعدتك به و اتمني لك التوفيق في حل مشكلتك

[hugan]

عاجز عن الشكر
واضح جدا ان حضتك ماشاء الله خبرتك عاليه بمواتير السيارات
لان كل الكلام اللي قولته ده مريت بيه اثناء معالجه عيب لمبه ال epc
لانها كنات عيب مزمن
وغيرت
بوابه
وبدال بنزين
وكنترول
وطلع العيب في الاخر من سويتش بدال الفرامل محتاج اعاه رجلشه
والفيشه بتاعت حساس الشكمان كانت مش متركبه كويس
لكن حاليا اللمبه بتطفي مع الكونتاكت
يعني مفيش اي اخطاء مسجله علي الكنترول
بالتالي الجهاز مش ها يقراء اي خطاء
ولا ايه

[ehab_mansour]

عاجز عن الشكر
واضح جدا ان حضتك ماشاء الله خبرتك عاليه بمواتير السيارات
لان كل الكلام اللي قولته ده مريت بيه اثناء معالجه عيب لمبه ال epc
لانها كنات عيب مزمن
وغيرت
بوابه
وبدال بنزين
وكنترول
وطلع العيب في الاخر من سويتش بدال الفرامل محتاج اعاه رجلشه
والفيشه بتاعت حساس الشكمان كانت مش متركبه كويس
لكن حاليا اللمبه بتطفي مع الكونتاكت
يعني مفيش اي اخطاء مسجله علي الكنترول
بالتالي الجهاز مش ها يقراء اي خطاء
ولا ايه

جميل و رائع ردك ده يبقي انت كده بتبعد ان المشكلة تكون من حساس او اي شيء كهربي تمام
يبقي حضرتك فقط تراجع جيدا علي دائرة الفاكيوم و دي بتتمثل في كل و اي شيء خارج من المنطقة اللي تحت بوابة الحقن او من جسم المانيفول واللي ايضا تحت البوابة وفيها نفس الفاكيوم اللي تحت البوابة
ياريت تراجع عليها كما وضحت في المشاركة السابقة و هذه المشاركة

علي فكرة نظام كنترول الاسبرانزا مشابه تماما لنظام الكنترول اللي نزل في بعض المحركات الألماني لشركة فولكس فاجن و اللي نزل في محركات سيات كتابعه لمجموعة فولكس اللي انا بركبها و بفضل الله لدي خبره بسيطة بها و بطريقة عملها و مشاكلها

ولكن الاسبرانزا كما اعلم و كما شفتها مع احد اصدقائي و عملت ليها صيانة اكثر من مرة فهي تصنيع صيني 100% و لكنها تأخذ تكنولوجيا مستخدمه من قبل لبعض الشركات المشهورة و تطورها و تستخدمها في محركاتها لدرجة ان طقم سلوك بوجيهات عربيتي القرطبه هو مشابه تماما لسلوك الاسبرانزا

علي العموم منتظر تقلي عملت ايه في مشكلتك و علي فكرة انا تابعت سابقا مشكلتك اللي ذكرتها دي لما عملت بيها تقرير و ذكرت فيه معاناتك مع تغيير كنترول و قطع كثيرة لأكثر من مرة و ربنا يوفقك لما فيه الخير


تعديل للمشاركة :- كلامي ده علي حسب ان اي تسجيل لأي ايرور علي الكنترول ستظهر معه لمبة ال epc لأني بصراحه مش متأكد من ذللك فلو انت متاكد يبقي كده تمام ولو مش متأكد فياريت عشان تحل المشكلة سريعا انك تشيك علي الكنترول بالكشف بجهاز الاعطال حتي تنحي فكرة العطل الكهربي جانبا

و بالتوفيق ان شاء الله

[hugan]

الاخ الكريم
للاسف اللمبه نورت النهارده تاني مع تنتيش رهيب
ودواسه البنزين كانت بتفصل
تدوس مفيش استجابه
والفرامل محجره
طلعت علي التوكيل قالي مسجله بوابه
اتخانقت معاهم
المهم طفو اللمبه تاني لكن منتظر انها تنور تاني
اشتريت من عندهم سويتش بدال الفرامل وهاركبه واشوف لانهم مش مقنعين بموضوع السويتش
وكلامك سليم بالنسبه لمطابقه موتور الشيري بمواتير الماني
لان في اعضاء في قسم اسكودا معاهم اوكتافيا وعندهم نفس المشكله مشكله اللمبه وسويتش الفرامل
انا بصراحه زهقت وتعبت ومش عارف اعمل ايه
مع ان العربيه والله العظيم ممتازه
لكن العيب الغريب ده مش قادر اوصل لحل فيه

[Sehsss]

متابع باهتمام

[ehab_mansour]

الاخ الكريم
للاسف اللمبه نورت النهارده تاني مع تنتيش رهيب
ودواسه البنزين كانت بتفصل
تدوس مفيش استجابه
والفرامل محجره
طلعت علي التوكيل قالي مسجله بوابه
اتخانقت معاهم
المهم طفو اللمبه تاني لكن منتظر انها تنور تاني
اشتريت من عندهم سويتش بدال الفرامل وهاركبه واشوف لانهم مش مقنعين بموضوع السويتش
وكلامك سليم بالنسبه لمطابقه موتور الشيري بمواتير الماني
لان في اعضاء في قسم اسكودا معاهم اوكتافيا وعندهم نفس المشكله مشكله اللمبه وسويتش الفرامل
انا بصراحه زهقت وتعبت ومش عارف اعمل ايه
مع ان العربيه والله العظيم ممتازه
لكن العيب الغريب ده مش قادر اوصل لحل فيه

أخي الفاضل اعذرني انا مختلف معك في تصرفك مع زيارة التوكيل لأن مش لازم لما تظهر معاك لمبة ال epc تبقي نفس المشكلة اللي انت حلتها قبل كده (سويتش الفرامل) ولكن لمبة epc معناها ان عندك مشكلة كهربية ممكن تكون تخص شيء بسيط و ممكن تخص شيء أكبر و تأثير مشكلتها اكبر

حاول تجرب السويتش و أتمني ان المشكلة تتحل ولكن بيتهيئلي انه غير مسئول عن المشكلة دي
وبعد كده هتعمل الأتي :-
عايز منك تفصيل و شرح اكتر لايه اللي بيحصل معاك انت قلت الدواسة بتفصل مش فاهم يعين ايه يعني بتبطل ولا دايرة و مافيش تزويد لما تدوس عليها
ليه الفرامل محجرة ؟ ده مبيحصلش غير لما العربية تبطل او الأر بي ام ينخفض لدرجة تخلي المحرك يدوب قادر انه يدور ولكن علي ار بي ام اقل بكثير من الطبيعي للسلانسيه

علي العموم ومن خلال كلامك اللي قلته في مشاركاتك السابقة عن المشكلة و كلام التوكيل انا شاكك بنسبة كبيرة ان كلامهم صح و البوابة هي اللي باظت فعلا لأن كل العلامات دي بتقول ان البوابة لا تستجيب لاشارة الكنترول و التنتيش ده بسببها لانها ملخبطة في استجابتها

بقلك ايه... لو لك في الصيانة تعرف تفك البوابة بره العربية و تفك الغطاء الاسود اللي عليها من الجنب و لكن بحرص وانا هشرحلك وظيفتها ايه بالضبط و مكوناتها
البوابة دي عبارة عن جزئين :-
الأول هو stepper motor or servo motor علي حسب نوع و تصميم البوابة وهو المسئول عن تحريك البوابة و فتحها بالنسبة للاشارات التي تأتيها من الكنترول .... لما تفتح الكونتاكت وقت ما بتيجي تدور العربية بتسمع صوت ضعيف لو تصنت عند البوابة بعد خلع البلاستيك و ووصلات الهواء من عليها ده هو صوت الموتور ده

لو خليت حد يفتحلك كونتاكت قبل ما تفكها و تسمع صوته لو شغال يبقي الموتور سليم بنسبة كبيرة

الجزء الثاني هو مقاومة متغيرة دائرية لها ريش بتسمي (potentiometer) ودي ظيفتها فقط انها ترجع اشارات للكنترول تقوله البوابة وضعها فين بالضبط وفتحه بمقدار قد ايه بالضبط

حلو كده فحضرتك لو الموتور شغال هيبقي المشكلة و العطل عندك في الجزء الثاني و ده لو نظفته جيدا ب wd40 أعتقد( لو محصلهاش تأكل من كثرة الاحتكاك و التشغيل) هترجع تشتغل تاني زي الفل البوابة و تتحل مشكلتك ان شاء الله

منتظر ردك و تعليقك ولو محتاج مساعده انا تحت أمرك
اخوك مهندس ايهاب منصور

[hugan]

أخي الفاضل اعذرني انا مختلف معك في تصرفك مع زيارة التوكيل لأن مش لازم لما تظهر معاك لمبة ال epc تبقي نفس المشكلة اللي انت حلتها قبل كده (سويتش الفرامل) ولكن لمبة epc معناها ان عندك مشكلة كهربية ممكن تكون تخص شيء بسيط و ممكن تخص شيء أكبر و تأثير مشكلتها اكبر

حاول تجرب السويتش و أتمني ان المشكلة تتحل ولكن بيتهيئلي انه غير مسئول عن المشكلة دي
وبعد كده هتعمل الأتي :-
عايز منك تفصيل و شرح اكتر لايه اللي بيحصل معاك انت قلت الدواسة بتفصل مش فاهم يعين ايه يعني بتبطل ولا دايرة و مافيش تزويد لما تدوس عليها
ليه الفرامل محجرة ؟ ده مبيحصلش غير لما العربية تبطل او الأر بي ام ينخفض لدرجة تخلي المحرك يدوب قادر انه يدور ولكن علي ار بي ام اقل بكثير من الطبيعي للسلانسيه

علي العموم ومن خلال كلامك اللي قلته في مشاركاتك السابقة عن المشكلة و كلام التوكيل انا شاكك بنسبة كبيرة ان كلامهم صح و البوابة هي اللي باظت فعلا لأن كل العلامات دي بتقول ان البوابة لا تستجيب لاشارة الكنترول و التنتيش ده بسببها لانها ملخبطة في استجابتها

بقلك ايه... لو لك في الصيانة تعرف تفك البوابة بره العربية و تفك الغطاء الاسود اللي عليها من الجنب و لكن بحرص وانا هشرحلك وظيفتها ايه بالضبط و مكوناتها
البوابة دي عبارة عن جزئين :-
الأول هو stepper motor or servo motor علي حسب نوع و تصميم البوابة وهو المسئول عن تحريك البوابة و فتحها بالنسبة للاشارات التي تأتيها من الكنترول .... لما تفتح الكونتاكت وقت ما بتيجي تدور العربية بتسمع صوت ضعيف لو تصنت عند البوابة بعد خلع البلاستيك و ووصلات الهواء من عليها ده هو صوت الموتور ده

لو خليت حد يفتحلك كونتاكت قبل ما تفكها و تسمع صوته لو شغال يبقي الموتور سليم بنسبة كبيرة

الجزء الثاني هو مقاومة متغيرة دائرية لها ريش بتسمي (potentiometer) ودي ظيفتها فقط انها ترجع اشارات للكنترول تقوله البوابة وضعها فين بالضبط وفتحه بمقدار قد ايه بالضبط

حلو كده فحضرتك لو الموتور شغال هيبقي المشكلة و العطل عندك في الجزء الثاني و ده لو نظفته جيدا ب wd40 أعتقد( لو محصلهاش تأكل من كثرة الاحتكاك و التشغيل) هترجع تشتغل تاني زي الفل البوابة و تتحل مشكلتك ان شاء الله

منتظر ردك و تعليقك ولو محتاج مساعده انا تحت أمرك
اخوك مهندس ايهاب منصور

بص ياباشمهندس
مبدئيا العربيه كل ماتتحط علي الجهاز يقراء بوابه
هو ده السر العجيب
لاني غيرت البوابه ببوابه جديده
من حوالي شهرين ده اول امر
ثاني شيء غيرت قبلها بوابه عند الميكانيكي بتاعي وكانت نفس النتيجه
طلعت علي مركز مشهور اسمه المتحده
نفس النظام غيرو البوابه وبردو اللمبه نورت
غير البوابه الاصليه بتاعت العربيه اللي المفترض انها كانت سليمه
كل الميكانيكيه اللي رحت لهم كان اول شيء يعملوه انه يجيب البوابه بتاعته اللي بيظبط عليها ويركبها وكانت نفس النتيجه
اذا البوابه مستبعده
لكن السر في ان الجهاز يقراء بوابه
هو ده الشيء اللي مفيش حد قادر يوصل له

الحاجه التانيه مش قادر افهم العلاقه بين تحجير الفرامل واللمبه
زي ما قولت لحضرتك
الفرامل بتحجر كانك مبطل العربيه بالضبط
علشان كده حاطط احتمال السويتش
لان زي ما عرفت ان السويتش بتاع الفرامل وبدال البنزين بينهم علاقه
بمعني ان السويتش ده لو باظ بدال البنزين يفصل
نيجي لبدال البنزين بيفصل بمعني ان العربيه دايره وكل حاجه
لكن تضغط عليه مفيش استجابه ار بي ام مايعلاش عن 2 ده اخره وتنقل علي الغيار التاني
ياما العربيه تقف لان مفيش سحب
بمعني ان البنزين مش واصل
اما البوابه انا فعلا فكيتها البوابه القديمه الاصليه بتاعت العربيه
هي عباره عن موبينا كهربائيه زي بتاعت الشنايير او الهيليتي شنيور يعني

وليها شربون راكب علي المبوينا
لما الموبينا بتلف البوابه تفتح وتقفل
وفعلا تحط الغطاء الاسود بتاع البوابه 4 ريش صغيرين جدا بيروحوا ويجوا مع حركه فتح وقفل الباب
زي نظام الاكس والباب في الكاربتير
فهمي للموضع ان في خلل في الكهرباء الواصله ما بين بدال البنزين والبوابه
ودي الحاجه اللي مفيش حد قادر يوصل لها
الحاجه الغريبه
ان اللمبه لو مطفيه العربيه بتكون مظبوطه وزي الفل
وفي اوقات تانيه
جهاز كشف الاعطال بيحصل له زي ماتقول صدمه مش قادر يوصل للعيب وتحاول تطفي اللمبه عليه ماتنطفيش
وده اللي خلي البعض دخلني في موضوع الكنترول
الحاجه التانيه
موضوع الا را بي ام
لما اجي ادور العربيه الصبح حتي واللمبه مطفيه احساسي ان الموتور زي ماتكون دايس بنزين وانت بتدور
ولما العربيه تكون سخنه العداد بيعلي كانك كابس وبعدين ينزل تحت الواحد بشرطه واللي عرفته ان المفروض انه يكون مابين ال 8 وال 7
في حاجه كمان
واللمبه منوره بالاضافه لموضوع التنتيش لدرجه من شدته الشكمان بيخبط في العربيه من تحت
الا ار بي ام واللمبه منور لما تيجي تدور العربيه
ممكن يوصل ل3او 4 وبكون عالي زي ماتكون دايس بنذين وضاغط علي البدال
علشان كده من ضمن الحجات اللي غيرتها بدال البنزين
معلش دوشتك معايا
باشمهندس ايهاب

[hugan]

متابع باهتمام

منورنا استاذ سحس

[ehab_mansour]

بص ياباشمهندس
مبدئيا العربيه كل ماتتحط علي الجهاز يقراء بوابه
هو ده السر العجيب
لاني غيرت البوابه ببوابه جديده
من حوالي شهرين ده اول امر
ثاني شيء غيرت قبلها بوابه عند الميكانيكي بتاعي وكانت نفس النتيجه
طلعت علي مركز مشهور اسمه المتحده
نفس النظام غيرو البوابه وبردو اللمبه نورت
غير البوابه الاصليه بتاعت العربيه اللي المفترض انها كانت سليمه
كل الميكانيكيه اللي رحت لهم كان اول شيء يعملوه انه يجيب البوابه بتاعته اللي بيظبط عليها ويركبها وكانت نفس النتيجه
اذا البوابه مستبعده
لكن السر في ان الجهاز يقراء بوابه
هو ده الشيء اللي مفيش حد قادر يوصل له

تفسيري لكلامك ده واللي أفهمه في الكنترول عموما ان وحدة الكنترول في عربيتك مسجلة ايرور ولكن الجهاز اللي بتكشف بيه مش عارف يترجمه صح لأنه يفتقر لداتابيز تحتوي هذا الايرور ... فهمني ؟
يعني الجهاز ده نص كم ولو كشفت بجهاز أخر هتعرف ايه مشكلتك (أقصد جهاز اكثر تخصصا )
ممكن يكون كلامي صح و ممكن يكون غلط لكن انا فهمت كده

الحاجه التانيه مش قادر افهم العلاقه بين تحجير الفرامل واللمبه
زي ما قولت لحضرتك
الفرامل بتحجر كانك مبطل العربيه بالضبط

عارف الفرامل بتحجر ليه ؟ لأن حضرتك عندك abs و وحدة الكنترول الخاصة بيه(abs) واصلة بوحدة الكنترول الرئيسية و بتاخد أوامرها منها لذلك لما بتحس وحدة الكنترول الرئيسية ان فيه مشكلة بتوقف ال abs ليه هو ده اللي انا مش فاهمه لأنها متوقفهاش عن عملها غير إلا لو كان فيه مشكلة تخصها هي (abs control unit) لأنه مش ممكن الفرامل تحجر و العربية دايرة غير لو فصلتها وحدة ال abs
لأن العربيات اللي مافيهاش abs طول ما العربية دايرة سيرفو الفرامل واصلة فاكيوم من المحرك و شغال و بيتحجر فقط لما الفاكيوم ينقطع تباعا لفصل المحرك و اطفاءه يعني عمليه كلها ميكانيكية مافيهاش تدخل كهربي ولا كنترول خالص
المقصود هنا بالفاكيوم هو قوة شفط الهواء الموجودة في مانيفول العربية نتيجة الاحتراق الداخلي

علشان كده حاطط احتمال السويتش
لان زي ما عرفت ان السويتش بتاع الفرامل وبدال البنزين بينهم علاقه
بمعني ان السويتش ده لو باظ بدال البنزين يفصل
نيجي لبدال البنزين بيفصل بمعني ان العربيه دايره وكل حاجه
لكن تضغط عليه مفيش استجابه ار بي ام مايعلاش عن 2 ده اخره وتنقل علي الغيار التاني
ياما العربيه تقف لان مفيش سحب
بمعني ان البنزين مش واصل

عارف ده بيفسر كلامي اللي فوق ان وحدة الكنترول الرئيسية لما بتحس بمشكلة بتفصل وحدات الكنترول حولها و منها بدال البنزين لكن ايه السبب ده اللي مش مفهوم حتي الان ؟؟؟

اما البوابه انا فعلا فكيتها البوابه القديمه الاصليه بتاعت العربيه
هي عباره عن موبينا كهربائيه زي بتاعت الشنايير او الهيليتي شنيور يعني

ده ال servo motor

وليها شربون راكب علي المبوينا
لما الموبينا بتلف البوابه تفتح وتقفل
وفعلا تحط الغطاء الاسود بتاع البوابه 4 ريش صغيرين جدا بيروحوا ويجوا مع حركه فتح وقفل الباب
زي نظام الاكس والباب في الكاربتير

ده المقاومة المتغيره اللي بتحدد للكنترول فين وضع البوابة و اللي اتكلمنا عليها فوق
فهمي للموضع ان في خلل في الكهرباء الواصله ما بين بدال البنزين والبوابه
ودي الحاجه اللي مفيش حد قادر يوصل لها
اللي بيربط كل الأجزاء دي ببعضها هو وحدة الكنترول الرئيسية ال ecu بالاضافة الي ضفيرة العربية فيا تري ايهما اللي فيه المشكلة
الحاجه الغريبه
ان اللمبه لو مطفيه العربيه بتكون مظبوطه وزي الفل

معني ان اللمبة مطفيه ان مافيش ايرور متسجل و الكنترول مش حاسس بحاجه لذلك الدنيا مضبوطة و زي الفل

وفي اوقات تانيه
جهاز كشف الاعطال بيحصل له زي ماتقول صدمه مش قادر يوصل للعيب وتحاول تطفي اللمبه عليه ماتنطفيش

دي علامه ممكن تأكد حاجتين يا اما عندك مشكلة في الضفيرة و فيه حاجه بتعلق باستمرار و لما تعلق و تفصل خالص تعملك كل القصص دي ولما تعلق و تروح و تيجي تخلي الكنترول يهنج و مش قادر يستجيب للجهاز و ده شيء طبيعي لأي كنترول يا اما فيه حساس بايظ و بيعطي قراءات غلط و مسبب نفس المشاكل يا اما الكنترول فيه مشكلة نفسه

وده اللي خلي البعض دخلني في موضوع الكنترول
الحاجه التانيه
موضوع الا را بي ام
لما اجي ادور العربيه الصبح حتي واللمبه مطفيه احساسي ان الموتور زي ماتكون دايس بنزين وانت بتدور
خلي كلامك بالأرقام يعني قلي بتدور علي عدد لفات الموتور كام بالضبط و لعد شوية كام ولما تسخن كام عشان أقدر افهم فين المشكلة و طبعا كل ده و انت بعيد تماما عن دواسة البنزين
ولما العربيه تكون سخنه العداد بيعلي كانك كابس وبعدين ينزل تحت الواحد بشرطه واللي عرفته ان المفروض انه يكون مابين ال 8 وال 7
في حاجه كمان
واللمبه منوره بالاضافه لموضوع التنتيش لدرجه من شدته الشكمان بيخبط في العربيه من تحت

التنتيش ده بيحصل عند ار بي ام كام و لو فصلت دبرياج بتلاقي السلانسيه كام ساعتها ولو دوست جامد علي غيار بيروح التنتيش ولا بيفضل موجود ؟؟؟

الا ار بي ام واللمبه منور لما تيجي تدور العربيه

ممكن يوصل ل3او 4 وبكون عالي زي ماتكون دايس بنذين وضاغط علي البدال
علشان كده من ضمن الحجات اللي غيرتها بدال البنزين
معلش دوشتك معايا
باشمهندس ايهاب

انا بحاول أفكر معاك ربنا يكرمنا و نوصل لحل
بس عايز منك طلب ياريت تصور مكان تركيب فيشة جهاز كشف الأعطال عندك في العربية عشان عايز أشوف حاجه عندي وربنا يسهلها بس انا شاكك ان مشكلتك في ضفيرة العربية يعني فيشة مهزوزة او فيها سلك بيعلق او .... يعني محتاج مراجعة لضفيرة العربية كاملة فيشة فيشة و سلك سلك و الموضوع محتاج تطول بالك شوية و تجرب حاجات كتير عشان تحط ايدك علي العيب فين بالضبط

[hugan]

انا بحاول أفكر معاك ربنا يكرمنا و نوصل لحل
بس عايز منك طلب ياريت تصور مكان تركيب فيشة جهاز كشف الأعطال عندك في العربية عشان عايز أشوف حاجه عندي وربنا يسهلها بس انا شاكك ان مشكلتك في ضفيرة العربية يعني فيشة مهزوزة او فيها سلك بيعلق او .... يعني محتاج مراجعة لضفيرة العربية كاملة فيشة فيشة و سلك سلك و الموضوع محتاج تطول بالك شوية و تجرب حاجات كتير عشان تحط ايدك علي العيب فين بالضبط

انا تاعبك معايا
بص حضرتك الجهاز اي جهاز بيقراء بوابه حتي جهاز التوكيل
لكن في اوقات بعض الاجهزه في الورش كانت بتطلع بيانات هلاميه وحتي جهاز التوكيل عمل مره كده
وده السبب اللب خلاني اقول ان الجهاز بيجي له صدمه
اما موضوع الفرامل فكلام حضرتك تمام
لان في كهربائي رحت ليه مره قالي ان الغالب في ظهور لمبه
الاعطال هو جهاز abs
وفك الفيشه بتاعته ونظفها وركبها تاني لكن بردوا مفيش فايده
وفعلا احتمال موضوع الضفيره وارد جدا لكن مين يكتشفه هي دي المشكله
لاني اخر مره رحت فيها التوكيل قالي سبب العيب هو الضفيره وراجعوها اي كلام طبعا
اماموضوع ال ار بي ام
الطبيعي في العربيه عند بدء التدوير وهي بارده ان العداد يكون عالي علي ماتسخن
لكن الفيصل هنا ان العداد بيقفز للامام حتي 2 وبعد كده ينزل علي واحد ويعد كده المفروض ينزل علي
8 او 9 والقصد عندي هو بدء الدواره الغير طبيعي كانك ضغط بنزين فجاءه
انا بصراحه جربت كل حاجه ومش قادر اوصل لحل
اما بالنسبه للصوره بتاعت فيشه الجهاز
انا ماعرفش انزل صور
لاني استخدمت الكمبيوتر علي كبر
فالدماغ قفلت خلاص

[ehab_mansour]

انا تاعبك معايا
بص حضرتك الجهاز اي جهاز بيقراء بوابه حتي جهاز التوكيل
لكن في اوقات بعض الاجهزه في الورش كانت بتطلع بيانات هلاميه وحتي جهاز التوكيل عمل مره كده
وده السبب اللب خلاني اقول ان الجهاز بيجي له صدمه
اما موضوع الفرامل فكلام حضرتك تمام
لان في كهربائي رحت ليه مره قالي ان الغالب في ظهور لمبه
الاعطال هو جهاز abs
وفك الفيشه بتاعته ونظفها وركبها تاني لكن بردوا مفيش فايده
وفعلا احتمال موضوع الضفيره وارد جدا لكن مين يكتشفه هي دي المشكله
لاني اخر مره رحت فيها التوكيل قالي سبب العيب هو الضفيره وراجعوها اي كلام طبعا
اماموضوع ال ار بي ام
الطبيعي في العربيه عند بدء التدوير وهي بارده ان العداد يكون عالي علي ماتسخن
لكن الفيصل هنا ان العداد بيقفز للامام حتي 2 وبعد كده ينزل علي واحد ويعد كده المفروض ينزل علي
8 او 9 والقصد عندي هو بدء الدواره الغير طبيعي كانك ضغط بنزين فجاءه
انا بصراحه جربت كل حاجه ومش قادر اوصل لحل
اما بالنسبه للصوره بتاعت فيشه الجهاز
انا ماعرفش انزل صور
لاني استخدمت الكمبيوتر علي كبر
فالدماغ قفلت خلاص

متقلقش مافيش تعب ولا حاجه بس عندي لك شوية أسئلة قلي عملت فيهم ايه
طيب مجربتش ليه تغير وحدة ال abs ؟؟؟ و تشوف او تراجع علي فيشتها ؟
عملت ايه مع السويتش اللي اشتريته ركبته ولا لسه ؟
شوف موضوع الأر بي ام غريب شوية لكن أعتقد انه طبيعي لأن بداية دوراة المحرك بتكون دفعه عالية شوية من كل شيء عشان المحرك ينطق بسرعه و بسهولة و بعدين الكنترول و البوابة تبدأ تضبط الدنيا و الأر بي ام يبقي طبيعي علي حسب معطيات اشارات الحساسات يعني لو الحساسات بتقول ان العربية باردة يبقي يعليه شوية لحد ما يقول انها بدأت تسخن يقوم يقلل الأر بي ام للوضع الطبيعي
وبعدين انا فاكر ان عربية صديقي الاسبرانزا كانت بداية الدوارة فيها حتي لو سخنه بيعلي الأر بي ام شوية لحد ما بين واحد و نصف الي 2 و بعدين ينزل لوضع المناسب المهم انه ده يكون مبيحصلش غير مع بداية الدوارة و بعدين بينزل وقتي علطول للوضع الطبيعي

علي فكرة انا عربيتي الكوردوبا بتدور في الصباح البارد علي 2000 ار بي ام حتي 30 ثانية تقريبا و بعدين تنزل ل 1000 شويه لحد ما تسخن تنزل علي حوالي 750 الي 800 و لكن لو الجو في الصيف مثلا بتبدا عادي علي 1000 الي 1100 و ده طبيعي جدا وده مثال لك عشان متقلقش

حاول تشوف ازاي تراجع علي الضفيرة جيدا عشان توصل للعيب فين وانا معاك منتظرك تحاول توصلي اي معلومات أقدر أساعدك بيها و نفسرها مع بعض و نوصل للحل فين ان شاء الله

[hugan]

شوف ياهندسه انا بصراحه قولت كل اللي قدرت اوصله لكن هاقولك علي بعض الحاجات انا فكرت فيها
لو افترضنا ان العيب في الضفيره
مش المفروض ان العيب يكون متواصل بمعني انه ما يظهرش شويه ويختفي شويه لان اللمبه مش بتنور علي طول ممكن تشتغل يوم او اسبوع او حتي اسبوعين والعربيه تمام وبعد كده تنور
طيب لو افترضنا ان العيب ميكانيكا
حساسا ت مثلا مش المفترض بردو ان العيب يكون متواصل
مش عارف
لان مثلا كنت في مركز اسمه المتحده
وعمل الاجرات الصح علشان يوصل للعيب
ازاي
اولا غير بوابه اللمبه ماطفتش
غير كنترول اللمبه ماطفتش
غير حساس الكامه وحساس المانيفول اللمبه ماطفتش
قالي كده عيب في الكنترول
طيب
رجع كل حاجه زي ماكانت
وركب القطع الاصليه بتاعتي اللي في العربيه
واللمبه ماطفتش
جيت ادور العربيه علشان امشي واروح بعد مايئست
اللمبه طفت لوحدها
اشتغلت اسبوع كويس واللمبه نورت تاني
واحنا اصلا ماغيرناش اي حاجه كله علي ابوه زي ماكان
ولا الموضوع ليه علاقه بالتخزين
بمعني ان العيب ما بيظهرش غير بعد فتره علي ما يتم تخزينه في الكنترول
ولا المفروض ان لو في عيب يظهر بطريقه متواصله
مش عارف قدرت اوصل فكرتي ولا ماقدرتش

[ehab_mansour]

أولا كلام حضرتك ده كله بيأكد ان بالفعل العيب في الضفيرة ومش في اي شيء تاني ده مبدئيا

بالنسبة لاستفسار حضرتك فمن خلال خبرتي بالصيانة عموما كهربية (ضفاير و حساسات و أنظمة كنترول للماكينات) و ميكانيكية وصلت للحقائق دي :-
1- العيوب و المشاكل الميكانيكية عيوب واضحة ولا تظهر و تختفي (يعني مش بتروح و تيجي و تقدر توصل للعيب بسرعه ) ومش هي اللي تعملك الوش و الصداع ده كله ابدا لذلك لا يوجد ليدك عيب ميكانيكي في قصتك دي
2- العيوب و المشاكل الكهربية نسبة منها عيوب واضحة تماما و دي هي العيوب التي تجد فيها انقطاع تام لشيء معين (زي مثلا العربية قاطعه كهرباء تماما هيكون الحل البديهي هو ان مافيش طاقة داخل البطارية هتعمل وصلة هتشتغل العربية او مثلا مافيش بنزين رايح للمحرك علطول هيكون الحل هو طلمبة البنزين احترقت او فيوزها ضرب او فيشتها مهزوزة مثلا ) دي العيوب الواضحة و اللي حلها سهل

- فيه عيوب أخري كهربية غير واضحة تماما و بتروح و تيجي و دي دايما بتحصل في الأنظمة المركبة التي تحتوي علي وحدات كنترول كثيرة و حساسات و ضفيرة متشعبة زي العربيات كده و دي عيوب رخمة جدا و حلها محتاج مهندس او فني دماغة نضيفة جدا و هيتعب نفسه و لكن اكيد هيوصل للحل ولكن هيحتاج لوقت و لمحاولات كثيرة حتي يصل للحل

فالمشكلة اللي عند حضرتك دي من العيوب الكهربية الغير واضحة و دي بتنتج عند :-
1- طرف سلك في حساس معين بيلمس !!! عمال مع هزة معينة يفصل و مع اي هزة تانية يوصل و هكذا و بشكل عشوائي
2- طرف سلك في سوكيت معين عندك لأي وصلات في الضفيرة او او عند تجميعة الفيوز بوكس او في الفيشة اللي موصله الكنترول او اي فيشة عندك لأي حساس ... الطرف ده ايضا بيعلق و يلمس و نفس القصة مع اي هزة يفصل ومع اي هزة يشتغل تاني و هكذا
3- أحد أسلاك الضفيرة هو نفسه داخل جرابه مقطوع و بيلمس و انت مش شايفه ولا اي حد قادر يشوفه و عاملك كل التهييس ده

كل المشاكل دي تسبب التهييس اللي بيحصل معاك ده و كل المشاكل دي قابلتني في حاجات شبيهه لمشكلتك دي و حلها بيحتاج فقط صبر و وقت عشان توصل للحل فين و ربنا ييسرلك الحال

عندي شوية حاجات جت علي بالي ننقاشها مع بعض لعل الله ان يوفقنا للحل
مسألتش علي ضفيرة المحرك بكام ؟؟ وهل عندك اجزاء منها سهلة التغيير تقدر تغيرها و تشوف الدنيا فيها ايه ؟
هل راجعت علي كل الفيوزات و قواعدها و الفيش اللي واصلة ليها و داخلة و خارجه منها لأن ممكن تكون قاعدة اي فيوز واسعه و بيعلق و مصدعك كده بمشاكل غريبة ؟
هل راجعت علي قواعد الريليهات (اللي بيسموها كتاوت) اللي عندك و شفتها كلها سليمة ولا فيها مشكلة وعلي الريليهات نفسها و علي الفيش اللي رايحة للعلبة اللي راكبه فيها؟
هل حاولت تشوف اي فيشة حساس او اي حاجه تخص الكهرباء و راجعت علي اسلاك الفيش دي سلك سلك تحاول تختبر اذا كان راكب في السوكيت كويس ولا حد نتشه خلاه بقي سايب و بيعلق ؟

معلش انا اسف عارف اني كلامي كتير شوية و فيه جزئيات كتير رخمة في الكشف و لكن بنحاول نوصل لحل و اللي ممكن يكون فيه وصلة سلك بسيطة ملهاش لازمة ولكن مصدعاك و كلفتك ارقام كبيرة بدون معني !!!!
ربنا ييسرلك الحال و تتحل المشكلة ان شاء الله وانا واثق انها هتفرج قريبا طالما بنجتهد اننا نوصل للحل

تعديل للمشاركة :
نسيت أقلك
1- كمان ان الحساسات دي عيوبها عيوب كهرباء وليست ميكانيكا
2- مافيش حاجه اسمها تخزين... العيب اول ما بيحصل الكنترول بيسجله لحظيا و مش بيتمسح غير لو دخلت بجهاز تمسحة او فصلت البطارية تماما عن الكنترول فبيمسح الايرورز و بيعمل ريسيت لكل شيء و كمان حتي لو العيب حصل و اختفي تاني مش بيتمسح الايرور غير لو دخلت مسحته ولكن الكنترول بينتظم عمله لما العيب بيختفي ..