Tweet
انا معى عربية اوكتافيا a5 الحمد لله زى الفل ونضيفة ، المهم ان ظروف الشركة اللى شغال فيها مش مظبطة اليومين دول ولحد دلوقت مقبضناش شهر 7 j ، فافكرت انى ابيع عربيتى واجيب عربية تانى وفرق السعر احطه فى البنك مع مبلغ بسيط تانى باقى معى من ايام العز يطلع قرشين وخلاص ، فكرت اركب ايه شوفت فيرنا ولانوس ونوبير معرفتش اقنع نفسي بأى عربية منهم ، واحد صحبى قالى طيب ما تشوف عربية تكون عاملة حدثة وتصلحها وخلاص ، اقتنعت بالفكرة وبدءت ادور على عربية على الفيس فى صفحاب عربيات الحوادث وبالصدفة لقيت سيراتو 2010 كاملة بصمة وفتحة سقف والحمد لله الخبطة مش مقصرة فى حاجة صاج بس يعنى ، اتصلت بصحبها واتفقت معه انى اشوفها وطلع ساكن فى الرحاب وصحبى اللى هيشوف العربية ساكن فى الهرم وانا ساكن فى الوراق تخيلوا بقى المشوار من الوراق للهرم للرحاب l ، المهم روحنا شوفنا العربية طلعت راشة دواخل قبل كده ( قايم النص ) وصحبى شافها لأن السمكرى اللى عملها طلع حمار وعملها وحش جدا ، صحبى قالى انت هتبيع بعد فترة بسيطة قولت لاء قالى خلاص نتكل على الله ، من هنا بقى بدءت القصة يا معلم صاحب العربية مهندس اثار ودماغة تحس انها غريبة وواضح ان شغله فى الاثار مأثر عليه j طيب يا بشمهندس ايه طلباتك كان طالب 60 الف من هنا لهنا اتفقنا على 57 الف امين قال امين طيب نخلص امتى قال انا بكرة عندى مشور خليها بعد بكرة باليل طيب ماشى مفيش مشاكل تاخد عربون قالى لاء عيب وبتاع كلمتى واحدة وحلف بالله كذا مرة ان خلاص العربية بتعتكم ومش هتتباع لحد تانى غيركم وكل الكلام ده خلصنا قاعدة على القهوة بعد ما كنا شربنا بتاع خماشر مشروب وهو كمان حريقة شيشة شرب بتاع خماشر حجر وكعيت بتاع 100 وحاجة تمن المشريب وبنفس راضية والله j الكلام ده من حوالى اسبوعين كده ، فى خلال الاسبوعين دول روحت الرحاب بتاع 10 مرات اقبله ونقعد على القهوة من الساعة 9 او 10 لما البيه يكون صحى من النوم لحد الساعة 3 الفجر ويقعد يقولى اصل العربية نضيفة اصل العربية انا كنت جيبها مش عارف بكام من الزيرو ويشد نفس من الشيشة روحى تتسحب مع النفس ده بسبب انى عارف انى هشيل المشاريب j ، وفى خلال المدة دى كان عندى احساس غريب ان العربية اتباعت بس كنت بكدب نفسي لأن العربية فعلاً نضيفة ، وافضل الف فى الرحاب بعد ما نخلص قاعدة على القهوة علشان اشوف العربية موجودة ولا لاء ومعرفش اوصل لأن الرحاب كلها شبه بعضها ومعرفتش اوصل افتكرت انى شوفت جنبها وانا بتفرج عليها صورة للسيسي متعلقة على عمارة لقيت نص الرحاب معلق صور للسيسي j علشان مطولش عليكم قول طول j كل مرة نفس الكلام وفى اخر القاعدة نتفق ان خلاص العربية بتعتى امين يا بشمهندس عيب خلاص ادفع تمن المشاريب j وعربيتى كان فيها كذا خبطة قولت اعملها بالمرة علشان لما اجى ابيع تبقى العربية نضيفة وتبقى اوكتافيا بجد ودتها للسمكرى وعايش حياتى بالموصلات شوية و بعربية واحد صحبى شوية ، لحد امبارح باليل كلمته وشدينا مع بعض شوية وفى الاخر اتفقنا اننا نتقابل النهاردة الساعة واحدة الضهر فى الرحاب والفلوس تبقى كاملة مش ناقصة جنيه وانه هيعمل التوكيل بكرة فى سوق العربيات بتاع مدينة نصر ، وان العربية مجرد ماتخرج من الرحاب مش مسئول عنها وانه هيكتب فى العقد ان العربية مش حدثة وهيحط شرط جزائى 10 الف جنيه وانه مش هيدفع حتى تمن التوكيل و لازم نجيب معانا الونش علشان نشيل العربية لأنها لازم تخرج من الرحاب وهو موجود قومت انا زى الباشا صحيت الصبح بدرى روحت عند الحاج اخد منه فلوس سلف لحد ما ابيع عربيتى وروحت اتفقت مع الونش اللى هيشيل العربية من الرحاب للهرم وحسابنى ان الرحاب دى من محافظة تانى ولهف 750 جنيه j وركبت الونش ويلا بينا يا اسطى على الرحاب و فى نص الطريق قوم ايه بقى الاقى رساله على التليفون من سامح بيك بيقولى انا مش هبيع العربية l مش هتبيع العربية ازى يا دزمة مش هتبيع العربية ازى طيب والفلوس اللى صرفتها عليك فى القهوة ده انت كنت بتشرب 7 حجر شيشة وخمسة شاى وتلاتة قهوة وانا يا دوبك كان بيبسي ، والواد صحبى واحد قهوة وسادة كمان l يا دزمة ده انا عزمتك مرة على الغدا ودفعت مبلغ وقدره يا دزمة ده انا دفعت فلوس الونش يا دزمة ده انا وديت العربية للسمكرى علشان يظبطها وعارف انى لو ركبتها تانى اسبوع وهترجع زى الاول من التكاتك وسوقين الميكروباص ، اللى قرفنى بقى فى الموضوع الطويل الممل ده ان عرفت بالصدفة قبل ما اكتبه بلحظات من على الفيس ان العربية اتباعت لأنى لقيت العربية نازلة على نفس الصفحة كلمت صاحبها وعرفت ان العربية ابتاعت تالت يوم الضهر بعد مقبلتنا اول مرة ، الباشا لم التجار وعمل مزاد على العربية يعنى بعد ما قعدت معه بيومين وطول الفترة دى بيشتغلنى وصرفت مبلغ وقدرة j السؤال هنا بقى عمركم شوفتوا وساخة اكتر من كده ؟؟؟؟ l
-
cdkareem سابقا -
راجل نصاب كبير واضح عليه
بس أنا عمري ماسمعت ان لما واحد يحب يشتري عربيه استعمال يفضل يعزم ف صاحبها عمال علي بطال كده !!!!
معلش محدش بيتعلم ببلاش وربنا يكرمك بأحلي عربيهD R . A D N F A L C O N -
معلش انت بالغت شوية فى المصاريف وبعدين مرة عليك ومرة عليه وبعدين انت عنده فى مكانه يعنى من الزوق هو اللى يدفع
انا لما كنت بشترى عربيى وانا من شبرا الخيمة وصاحب العربية من شبرا مصر يعنى الفرق بينى ةبينه كوبرى
قعدنا على القهوة 4 مرات , عمره ما خلانى دفعت جنيه وكان يقولى انت ضيف عندى
وبعدين غريبة قوى انك تعزمه على الغدا , الكلام دة ممكن بعد البيع مش قبله
أسف الغلط عندك أنت
سامحنى لو جيت عليكComment
-
هو انا كنت عزمت احنا كنا بنبقى قاعدين على القهوة نقوم نحاسب طبيعى اننا نعزم على بعض هو بقى يقول خلاص وانا اقول خلاص يروح هو قيال ماشى اروح انا دافعالمشاركة الأصلية كتبت بواسطة Adnfalcon مشاهدة المشاركة
ربنا يخليك
cdkareem سابقاComment
-
ربنا يعوض عليك في الوقت والمصاريف ئل صرفتها
ومعلش حاول بقدر الأمكان تجيب عربيه ممكن تبقي اقل من الأوكتافيا بس حالتها نضيفة لأنك برده بكرة مش عارف في أيه وممكت تبيعها لما الحال يتحسن فمتغلبش فيها
ربنا يوفقك للأصلحComment
-
موضوع كوميدي والله
بس انت اللي غلطان مكنتش تعزمة الا وانت بتكتب العقد الابتدائي اللي قبل التوكيل
[CENTER][SIGPIC][/SIGPIC]
[SIZE="5"][COLOR="Black"]أبو تريكة [COLOR="Red"]خط أحمر[/COLOR][/COLOR][/SIZE][/CENTER]Comment
-
انا برضه شايف كدهالمشاركة الأصلية كتبت بواسطة أبو يوسف مشاهدة المشاركة
اسبوعين بتجري وراه
يا طولت بالك يا راجل
ربنا يعوض عليك
محدش بتعلم ببلاش
خير ان شاء الله :)Comment
-
يا ابو يوسف يعنى هو لو عنده زوق كان دوخ امى معه ، ده بهدلنى اخر بهدلةالمشاركة الأصلية كتبت بواسطة أبو يوسف مشاهدة المشاركة
الغدا نفس الحكاية قالى تعالى نتغدى طلبنا اكل وحصل نفس الحكاية بنحاسب بيبقى زى عزمة المركبية كده ، وفى الاخر باع العربية لواحد تانى يعنى هو كان بيشتغلنى من الاول
cdkareem سابقاComment
-
انا كانت قدامى عربيه سيراتو 2010 مغيره نص ولو شوفتها مش هتعرف حاجه
لانها معموله بحرفيه عاليه ومصروف عليها صاحبها كان عايز يرجعها زيرو
مغير فيها كل حاجه اصليه تابلوه بالايرباجات والدركسيون والكاسيت
ولما قرر يسافر
عرضها عليا ب 50 الف جنيه
وكان ممكن اخدها بأقل من كده
بس معلش العربيات دى متتركبش انا كنت هاخدها ابيعها
انا كنت بشترى حوادث وابيع مبركبش
مدام عايز تركب اركب عربيه سليمه يا باشا[CENTER][rmade]http://www12.0zz0.com/2015/02/12/19/718590391.jpg[/rmade][/CENTER]Comment
-
البيع و الشراء مش كده خالصComment
-
الحقيقة انا شايف ان حضرتك غلطان من الأول فى ان عربية حوادث متتركبش حتى لو كانت مرسيدسComment
-
والله انت ربنا بيحبك
كنت ممكن تقع فى مشاكل بسبب العربية
وربنا نجاك منهاComment
-
وهوه ايه اللى عطل الموضوع كل الفتره ديه
المفروض شوفت العربيه ومعاك فلوسها يبقى نخلص بكره
بس هوه كان شكله مزنوق فى حجرين معسل:)[SIZE="5"]لا اله إلا الله محمدُ رسول الله[/SIZE]Comment
-
ربنا يعوض عليك يا باشا بس وجهة نظرى ومن غير زعل ان حضرتك غلطت لما سبت واحد زى كدة يفضل يقولك بكرة اصل بعده وكمان تدفع المشاريب وانت فى مكانه هو[SIZE=5][COLOR=blue][SIGPIC][/SIGPIC]لا اله الا انت سبحانك ما شكرناك حق شكرك[/COLOR][/SIZE]Comment
-
خلاص يا عم قلبك ابيض معلش
انت كريم وهو ما يستاهل
اللي يضايق اكتر انه بيجي يعد معاك ويتكلم ويتفق ويفاصل وهو بايعها اصلا :([CENTER][SIZE=2]سبحان الله وبحمده .. سبحان الله العظيم[/SIZE][/CENTER]Comment
Comment