طالب نصيحتكم

[ماجد يوسف وهبه]

ربنا وفقنى فى بيع عربيتى الألنترا بسعر كويس وعايز حاجة تكون كويسه

بفكر فى التويوتا ايكو أتوماتيك موديل حديث

لو حد عندة خبرة بهذه السيارة يتفضل مشكورا ويقول ليا خبرته

مع الشكر

[معاذ الشرباصى]

بفكر فى التويوتا ايكو أتوماتيك موديل حديث

حضرتك ابعد عن الايكو تماما

لو حضرتك قصدك الياريس ماشى, لكن الايكو موديل فاشل من تويوتا باعترافهم

[eng_mkhalaf]

أيكو أية يا عم - حرام عليك
شوف نيسان كسر زيرو أو لانسر

[ezshereef]

لكن الايكو موديل فاشل من تويوتا باعترافهم

فاشلة ليه؟ هيا فعلا ما مشيتش بس مش عارف عنها أي مشاكل. هو إيه المشاكل اللي تويوتا إعترفت بيها

[ماجد يوسف وهبه]

طبعا أشكركم جدا على الردود.

انا فعلا يهمنى أعرف الأسباب ليه العربية دى فاشلة. أنا بصراحة يا جماعة مش ناوى أدفع فى عربية أكثر من 50 لغاية 55 ألف. ده لو فيها كل اللى انا عايزة

بعد ما وصلت الية حالة شوارع بلدنا وبعد طريقة سواقة معظم الناس المجنونة أحيانا. أعصابى مش مستحملة أنى أرمى 80 الف أو أكثر فى الشارع وأخلى واحد سواق تاكسى معاه عربية مالهاش ملامح ومتعرفلهاش ماركة يكسر عليا ولو أعترضت يقول لك انا مش فارقة معايا انما أنت هتعيط لو لمستك. يا جماعة الموقف ده حصلى فعلا.

علشان كده انا أخترت العربية دى لأن فيها كل اللى انا عايزة وبسعر قليل.

من فضلكم وضحولى ليه هى عربية وحشه. دى الأتوماتيك منها كانت بتتباع جديدة بثمن الياريس دلوقت.

لو حد عندة أقتراحات أخرى يا ريت يقولهالى

[amrrashed]

جرب لانسر كريستالة فى حدود المبلغ اللى معاك اما لو عايز تريح دماغك من فلوس قطع الغيار والصيانة هات لانوس من 2001 الى 2004 وربنا يوفقك

[Nader]

هي الايكو عموماً عربية مش منتشرة في مصر وبالتالي هتتعب شويتين في صيانتها وقطع غيارها.

انا لو مكان سيادتك هدور على نوبيرا مثلاً 2002 ولا حاجة او كيا اسبكترا او سيفيا يكونوا موديل حديث وهيبقوا في نفس الحدود السعرية ان شاء الله ... بس نصيحة لوجة الله بلاش الايكو لو مش غاوي لف ودوران على الميكانيكية ومحلات قطع الغيار.

[hazem_khidr]

انا فعلا يهمنى أعرف الأسباب ليه العربية دى فاشلة. أنا بصراحة يا جماعة مش ناوى أدفع فى عربية أكثر من 50 لغاية 55 ألف. ده لو فيها كل اللى انا عايزة

يبقي لانسر كريستاله.
الايكو مش وحشه لكن مش محبوبه هنا في مصر اطلاقا

[Heshaam]

كيا اسبكترا

+1