برجاء الإفاده عن سعر سيراتو

[M_ElSherief]

من فضلكم عايز تسعير لكيا سيراتو موديل 2010 عامله 13000 كم فئه اولي بدون ايرباج او abs فابريكه

و ايهما افضل الكيا سيراتو ولا الالنترا

جزاكم الله خيرا

[drmsadek1979]

بالنسبة للسعر اعتقد في حدود 92000
وبيتهيألي الاتنين كوري مفيش فرق كبير بينهم
بس انا عن نفسي افضل السيراتو

[memoo8888]

السيراتو مقلب كبير عفشه سيئه جدا شكل وخلاص
الالنترا كويسه اوى واحسن بس مو2008 و2009 والخليجى بس
دا رائى وشوف بقيه الاعضاء
ولو عاوز سيراتو ضرورى هات اعلى فئه عشان تقدر تبيعها تانى

[hardman20060]

العربيه لو اوتوماتيك هتعملهتا فعلا في من 92 ل 93 لو حاله ممتازه وهي عربيه ممتازه اما اعلي فئه هي اللي عفشتها ناشفه لان فيها جنط 17 وده بيخلي العفشه ناشفه جدا ومش مريحه لكن اول فئه جنطها 15 ومريحه جدا , بخصوص هي احسن ولا الالنترا هم الاتنين نفس الموتور ونفس كل حاجه بس السيراتو فيها ميزه ان الدركسيون بتاعها مش كهربا زي الالنترا وده عيب الالنترا الوحيد ان الدركسيون خفيف جدا وبيبقي مخيف مع السرعات العاليه والعيب ده بقي مش موجود في السيراتو غير كده بقي الالنترا عربيه محترمه جدا.