أرجو المساعدة في اختيار عربية زيرو

[Amr_Azab]

عايز اجيب عربية زيرو في حدود 70000 الي 80000 ومحتار بصراحة مش عارف ايه احسن حاجة ممكن تتجاب في السعر ده ومتهيألي حتبقي حاجة من ( لانوس - لوجان - أفيو - بونتو - أسبرانزا m11 - نيو أكسنت - فيرنا - بروتون ساجا ) فياريت لو حد يقدر يفيدني في الاحسن فيهم او لو في اي اختيارات اخري وشكرا

[medododo]

فيرنا فول أوبشن أتوماتيك وإن شاء الله مش هتندم

[Amr_Azab]

فيرنا فول أوبشن أتوماتيك وإن شاء الله مش هتندم

اولا الف شكر يا باشا علي الرد والآهتمام بس في ناس كتير كرهتني في الفيرنا :-
1. اتزان مش حلو خالص نظرا لخفية وزن العربية وقوة موتورها
2. الاتوماتيك فيها مش حلو واعطاله كتير (اتوماتيك الكوري عموما )
3. الصالون الداخلي لايدل علي الحداثة زي باقي الموديلات اللي في نفس الفئة
الحاجة الوحيدة اللي الناس بتشكر فيها في الفيرنا هي الموتور فقط غير كده كله بيقول اللانوس افضل
فانا بصراحة مش عارف الكلام ده صح ولا ايه

[aboomar22]

انا كمان بشوف فى الرنج ده واحد قالى على ال بى واى دى بيشكر فيها قوى بصراحة انا ركبتها كتاكسى وكانت واسعة وتحس فيها انك راكب عربية كويسة لو حد جربها ممكن يقولنا ونضيفها للاختيارات

[Amr_Azab]

انا كمان بشوف فى الرنج ده واحد قالى على ال بى واى دى بيشكر فيها قوى بصراحة انا ركبتها كتاكسى وكانت واسعة وتحس فيها انك راكب عربية كويسة لو حد جربها ممكن يقولنا ونضيفها للاختيارات

فعلا انا سمعت عن العربية دي انها كويسة بس معرفش عنها معلومات كتير بصراحة
منتظرين راي باقي الاعضاء

[medododo]

اولا الف شكر يا باشا علي الرد والآهتمام بس في ناس كتير كرهتني في الفيرنا :-
1. اتزان مش حلو خالص نظرا لخفية وزن العربية وقوة موتورها
2. الاتوماتيك فيها مش حلو واعطاله كتير (اتوماتيك الكوري عموما )
3. الصالون الداخلي لايدل علي الحداثة زي باقي الموديلات اللي في نفس الفئة
الحاجة الوحيدة اللي الناس بتشكر فيها في الفيرنا هي الموتور فقط غير كده كله بيقول اللانوس افضل
فانا بصراحة مش عارف الكلام ده صح ولا ايه

بص يا غالي
1 الاتزان معاك لحد 120 خد بالك الاوتوماتيك جنوط 14
2 الاتوماتيك هو هو اتوماتيك الانترا والماتريكس الشكل القديم ومحدش اشتكي منه عكس النوبيرا مثلا
3 معاك حق
4 الموديل الجديد رفعوا علبة الشكمان ومش بتحك في المطبات عكس الموديلات القديمة