للبيع لمض زينون 35w h4

[reallistic]

10 أيام من آخر مرة أهو
و لسه منتظر ...

[ahmad--ezzat]

ياباشا اللمض موجوده صدقني بس انا معنديش وقت خالص.....اللمبتين موجودين..الضفيره مش موجوده للاسف...انا فمصر الجديده وهكلمك ان شاء الله اول ملاقي وقت بس

[reallistic]

يا أستاذ ده مش كلام بجد يعني !!!
الأول قايل أنهم لمبتين بالضفيرة بتاعتهم
أرسلتلك النمر بتاعتي و أني موافق على السعر و عاوزهم
ولا كلمتني من ساعتها ولا حتى أرسلتلي نمرتك علشان أكلمك (دي أعتبرها عدم إحترام ولا تقدير)
و بعد ده كله و الإنتظار بتقول أنهم لمبتين و الضفيرة مش موجودة !
الإعتقاد و التخمين الوحيد إللي عندي أنك بعت الضفيرة لحد تاني
ولا حتى مابعتهاش المهم أن الكلام بيتغير دون إبداء أسباب و كأنك مش متفق مع راجل

الله الغني عن دي شروة بس أنا بأشهّد الناس عليك

[ahmad--ezzat]

ناس مين اللي تشهدهم عليا
وضفيره ايه اليي بعتها

الضفيره دي كلها علي بعض كده ب 30 جنيه

هبيعها انا بكام ب 20 ج !!!

وبعدين الحوار كله 100 ج ...يعني لا مستاهل كل الفيلم ده

وخلاص ياسيدي الله الغني علي ال 100 ج اللي بتتصرف في خروجه دي

[reallistic]

والله أنت إللي من الأول عامل حوار
عارض حاجة للبيع و واحد قالك شاري و موافق
و أنت لمدة أسبوعين و أكتر مش عارف تلاقي وقت !!!
و ماتتصلش بيه ولا ترد على موضوعك
و في الآخر جاي تقول الحاجة نقصت
و لما ألوم عليك مايعجبكش الكلام و تتريق عليه و عاوز تطلعني أنا إللي غلطان !!!
و بتتكلم بمبدأ الفلوس ! و فين مبدأ الإتفاق و كلام الرجالة ؟!
يا عم الـ 100 جنيه إللي بنصرفها في خروجه في ناس غيرنا بتقبضها مرتب في شهر على عائلة
و بنصرف بالميات في الخروجة مش 100 واحدة كمان
أقعد مع نفسك كده و راجعها

[ahmad--ezzat]

والله أنت إللي من الأول عامل حوار
عارض حاجة للبيع و واحد قالك شاري و موافق
و أنت لمدة أسبوعين و أكتر مش عارف تلاقي وقت !!!
و ماتتصلش بيه ولا ترد على موضوعك
و في الآخر جاي تقول الحاجة نقصت
و لما ألوم عليك مايعجبكش الكلام و تتريق عليه و عاوز تطلعني أنا إللي غلطان !!!
و بتتكلم بمبدأ الفلوس ! و فين مبدأ الإتفاق و كلام الرجالة ؟!
يا عم الـ 100 جنيه إللي بنصرفها في خروجه في ناس غيرنا بتقبضها مرتب في شهر على عائلة
و بنصرف بالميات في الخروجة مش 100 واحدة كمان
أقعد مع نفسك كده و راجعها

عامل حواار !!!! ههههههههههههه.....علي ايه وليه....ايه الفيلم الهندي ده بس

للمره التاني الحوار كله ميستاهلش اني اضحك عليك

وبقلك العرض بقي لمبتين ب 100 ....بدلا من لمبتين وضفيره...حلوه الصيغه دي !!

لا ضحكت عليك ولا علي حد....والناس اللي مرتبها 100 ج مبتركبش زينون حضرتك...

[reallistic]

إيه إللي دخل موضوع إللي بياخد مرتب 100 جنيه بإنه يركب زينون !!!
خلّي كلامك و فهمك منطقي ، إللي عاوز أوصلهولك من حكاية أنك بتقول 100 جنيه تتصرف في خروجة أن كل كلامك منصب على الماديات فقط و مابتبصش على المعنويات إللي هي في موضوعنا هنا الإتفاق على البيع و الشراء و كلمة الرجالة
و من ثم التأخر في تنفيذ الإتفاق و يليه تغيير الكلام بنقصان المعروض و كمان بنفس السعر !
و ما تقولنيش كلام ما قلتهوش ، أنا ماقلتش أنك ضحكت عليا إنما بتغيّر كلامك
المفروض فيه إتفاق و أنت طولت فيه و جاي في الآخر تغيّره
كل الكلام إللي فوق ده للعلم فقط و أنا ولا يلزمني أي حاجة و لو ببلاش
لأني بأحب أتعامل بجدية و كلمة راجل

الطريف في الموضوع أنك كنت بتقول قبل كده أنك بتدخل على المنتدى و مش شرط تدخل على الموضوع ده
دلوقتي بقى الموضوع مثير لإنتباهك أوي و متابعه أول بأول !!!

ربنا يسهلّك بيعتك و يغنيني عنها
سلام

[ahmad--ezzat]

اه فعلا مش شرط ادخل جميع المواضيع المشترك بها واشوفها....هو حضرتك فاكرني مكنه بدخل بفر كل المواضيع كل يوم فنفس الوقت ...ساعات بدخل مبكملش دقيقه وبطلع تاني

وطبعا الموضوع بقي مثير لاهتمامي عشان برد علي حضرتك ومش مشغول وف اجازه خميس وجمعه وسبت..انا معرفش افهمك ازاي يعني اكتر من كده

وربنا يغنيك ويغنينا زي ما قلت طبعا....ولو جيت بقي للناحيه الشرعيه بقي ..انا مكلمتكش واتفقت معاك علي حاجه لمؤخذه يعني....اللمبه الواحده ف شارع
دمشق ب 120 و 130 ....لما ابيع الاتنين ب 100 مش حاجه ساحقه يعني....والضفيره فعلا كانت متوفره في اااول بس انا محتاجها عشان هركبها لحد عزيز عليا....هتعلقلي المشنقه بقي ولا ايه....وبعدين انا مش كنت كلمتك علي جنوط حديد قبل كده لنوبيرا وبعتلك وانت مردتش من بعد ما قلتلي انك متوافر عندك الجنوط....ليه بقي انا معملتش الفيلم بتاعك ده
وعموما هيتم البيع يوم الاحد ان شاء الله...ونورت الموضوع

[reallistic]

إلي بيشتري هو إللي يجري ورا الموضوع زي ما أنا كنت بأعمل كده
إنما أنت ماتابعتش الموضوع و ماكلمتنيش من بعدها
لا حلوة حتة "أنا ماكلمتكش و اتفقت معاك على حاجة لمؤخذة يعني" تعجبني يا زميل
هو كلام الإتفاق لازم يكون في تليفون أو وجهاً لوجه ؟!
و الكلام إللي في الموضوع ده و الرسائل إللي عالخاص تعتبرها إيه ؟! قززة لب !

المصري دايماً صح و عمره ما يغلط أبداً ولا يعترف بغلطه
مش عارف أنا إيه إللي دخلني الموضوع ده تاني بعد ما رديت آخر مرة !
يبدو أني غلطت و إن شاء الله مش هأكرر غلطتي
أديني بأعترف أني غلطت أهو في حق نفسي
بس يبدو أني عملت كده علشان نصي مش مصري و أعتز بكده و أحمد ربنا على النعمة دي
أنا برة الموضوع علشان ضيعت وقتي عالفاضي في كلام فارغ

[Mo.Kareem]

اللهم صلى على سيدنا محمد عليه افضل الصلاة والسلام

[ahmad--ezzat]

مفيش حاجه يارجاله...ربنا يديم المحبه

[momo44]

استهدو بالله
الموضوع مش مستاهل كل الحوارات دى
الراجل كان عارض حاجات للبيع
ومقدرها بثمن
وعجب المشترى
بس الوقت مسمحش
بتحصل لكل الناس عاااااااااااادى جدااااااااا
وبعدين احتاج منها حاجة (وهى لسة عنده)
ميخدهاش يعنى !!
ولما خد حاجة منها قال العرض برده سعره .... (دى حاجته)
اللى يعجبه العرض يشترى
واللى حاسس انه كده بقى غالى
خلاص
الموضوع بسييييييييييييط جداااااااااااااا
وكل سنة وانتو طيبييييييييييين

[mohamed_mm]

انا شارى تليفون لو امكن الاتصال 01001516147

[ahmad--ezzat]

استهدو بالله
الموضوع مش مستاهل كل الحوارات دى
الراجل كان عارض حاجات للبيع
ومقدرها بثمن
وعجب المشترى
بس الوقت مسمحش
بتحصل لكل الناس عاااااااااااادى جدااااااااا
وبعدين احتاج منها حاجة (وهى لسة عنده)
ميخدهاش يعنى !!
ولما خد حاجة منها قال العرض برده سعره .... (دى حاجته)
اللى يعجبه العرض يشترى
واللى حاسس انه كده بقى غالى
خلاص
الموضوع بسييييييييييييط جداااااااااااااا
وكل سنة وانتو طيبييييييييييين

مهو يافندم دي الفكره اللي هو مش قادر يفهمها ....كويس انك وضحتها افضل مني..

[ahmad--ezzat]

انا شارى تليفون لو امكن الاتصال 01001516147

طيب يافندم في عضو اسمه سيف كلمني علي الخاص وان شاء الله هكلمه يوم الاحد....لو مفيش نصيب هكلمك علي طول....لو خدهم..هبعتلك رساله علي الخاص ابلغك