جنوط اسبور للفيرنا

[Ahmed R08]

انا عارف انه موضوع الكل اتكلم فيه كتير
بس ارجو الافادة السريعه والخلاصه عشان انا خلاص نازل بكرة ان شاء الله هاشترى الجنوط
انا محتار بين مقاسين

الاول هو جنط مقاس 14 بكاوتش 14/60/185

التانى هو جنط مقاس 15 بكاوتش 15/50/195


مع العلم انى هاجيب جنط تايوانى او اندونيسى مش ايطالى ولا حاجة من الغاليه اوى

الجنط الاصلى اللى نازل مع عربيتى الفيرنا ال 1500 هو 13 بكاوتش 13/70/175

مع العلم ان ال 1600 بتنزل ب 14 وكاوتش 14/60/185 والعفشه فى العربيتين واحدة

انا مايل اكتر لانى اجيب ال 15
عشان شكله احلى كتير على العربيه
وكمان اثبت
وانا متفرقش معايا اذا كانت هتبقى العربيه ناشفه شويه
بس المهم متبوظش حاجة فى العفشه وعمر الجنط والكاوتش ميقبقاش اقصر

انا اسف على الاطاله وارجو سرعه الرد لانى مسافر بكرة ان شاء الله عشان اشتريهم ...

[ahmedfra]

انا شخصياً عرضت نفس الموضوع قبل كة و كانت النصيحة ان اخلينى فى الجنط ال14 و العجل 185 / 60 / 14 r
بس ياريت تقول لى حتشترى منين و الأسعار ايه و سعر فردة الكاوتش كام و نوعها ايه

[Ahmed R08]

شكرا على سرعه ردك انا رايح بورسعيد وهاقولك على كل التفاصيل ان شاء الله
انا مايل اكتر لل 15 ومش عارف يا ريت لو حد يفيدنا

[Hossam.Hamdy]

14a7san 3ashan feh e7'tlaf el 3afsha bt3e el 1600 3an el 1500 wa7ed 2aly el kalam dh bs wa7ed fahem kwess gedan

[ahmed_3omda]

انا عن نفسي اخترت ال 14 ممكن تراجع موضوع ( قبل ماتركب جنوط المطروح في القسم التعليمي أضغط هنا للاستفاده )


وجبتلك مجموعه جنوط حتبقا حلوه للفيرنا بأذن الله











طبعا دي صور لمركات عالميه وخمسه مسمار حتلاقي تشكيله في احمد سعيد نفس الشكل من المركات دي بس صيني وسعرها كويس

[cpt_shawky]

بتتكلف كام العملية دى ياريت الاسعار بالتفاصيل لو امكن ؟؟؟

[Ahmed R08]

للاسف انا حصلى ظروف ومسافرتش النهاردة
شكرا لكل اللى ردو انا سالت قبل كدة مهندس فى التوكيل وقالى ان العفشه واحدة فى العربيتين
ولما حسبت القطر الخارجى هيزيد اد ايه فى المقاسين هيزيد 1 ملى لما اركب 15 وهيزيد 3 ملى فى ال 14
يعنى الزيادة لما اركب ال 14 القطر الخارجى هيزيد اكتر يعنى المشكله بالنسبه للمقاس ال 15 مش فى القطر هيبقى بالنسبه لوزن الجنط واعتقد انه مش هيبقى اتقل كتير من ال14 ولعرض الكاوتش وتأثيره على عزم الموتور واستهلاك البنزين وبردة مش هتفرق كتير
مش عارف انا مقتنع بال 15 وحاسس انه مش هتفرق كتير عن ال 14
ارجو الافادة بردة لو حد عنده معلومات زيادة
انا حسبت القطر الخارجى للجنط فى الموقع دة انا ناقله من مشاركه هنا فى المنتدى قبل كدة

http://www.tyresave.co.uk/tyresize.html

وشكرا ا احمد عمده على الصور الجميله وانا اخر جنطين عاحبنى جدا وربنا يسهل واقولكو عملت ايه ان شاء الله

[georggerges]

بص يا باشا
بالنسبه للجنط 15 اشيك من 14
حتي في ثمن الكاوتش15 اغلا من 14
ونبص لقدام لما نغير الكوتش بعد سنه او سنتين ال15 اغلا
وفي حالت اني العربيه راسيه علي الارض
طبعا مواصفات 15


وبالنسبه لمكان تجيب منو كويس
واحد اسمه الروماني وده في السواح وده فاتح 24 ساعه يعني مبيقفلش
وهو موستورد جونوط وكوتش

[Hossam.Hamdy]

يا جماعه انا سألت واحد مهندس في التوكيل وسألته على الموضوع ده و قولتله سيبك من حوار التوكيل
قالى ان الجنط 15 هيتعب المساعدين بس
وطبعا ده قصه انا شايف كده
وبعدين هيقلل من سحب العربيه ولو حد عنده حاجه تانيه يضيفها يا ريت

[Ahmed R08]

يا جماعه حد يعرف سعر الكاوتش الكومو 15/195/50 الكورى كام وهل فى انواع تانيه يكون سعرها معقول بس احسن من الكومو ؟

[lamborghiniMan]

انا من رايي ال15 احسن بكتير انا عندي هوندا سيفيك ركبت فيها جنط 15 فارق قوي عن ال 13 بتعها
وعندنا عربيه تاني ركبنا فيها 16 مقولكش ثابته قوي قوي
من راء ال15 احسن للفيرنا بالنسبه للمساعدين
في صدادات بتتركب للمساعدين في الحرفيين بتحافظ اكتر علي العفشه ( المساعدين)
وبعدين دي تخلي شكل العربيه احل كتير من ال14

[modux]

انا عن نفسي اخترت
15/195/50

بصراحة مش مهم النشوفية بس الثبات عندي اهم و الفرامل زادت قوتها حاسس انها عاضة في الطريق مع العبم اني عربيتي بتنزل ب 13

انا اشتريت الجنط اندونيسي من اشرفكو ب
1850
و الكاوتش كيلي فليبيني من علاء مرسي في احمد سعيد ب 285

[mena]

ال15 هيخليها مراجيح على الآخر و أصلا الفيرنا عفشتها زبالة و مقرفة آخر قرف و كبيرك 14 بنفس العيارات المذكورة لتلاقي العفشة بقت قافشة

[adawy]

ya gama3a hia el nas ely betbee3 el junoot ely bet2olo 3alihom dool feeen ????plz ely ye2ool esm wa7ed yekteb 3enwano we thanx 4 ur informations :)

[MMamdouh]

ال15 هيخليها مراجيح على الآخر و أصلا الفيرنا عفشتها زبالة و مقرفة آخر قرف و كبيرك 14 بنفس العيارات المذكورة لتلاقي العفشة بقت قافشة

مش فاهم ازاى لما تركب جنوط اكبر و كاوتش اعرض و اقصر العربية حتبقى مراجيح؟؟؟؟؟؟؟؟؟؟؟؟؟

MMamdouh