هيونداي فيرنا ولا رينو لوجان؟؟؟

[Egyzizo]

سعادتك اللوجان اصلا مش مندرجة تحت تصنيف رينو رسميا، بس اهم حاجة تبقى عارف انك لما تشتري اللوجان انت مش هيبقى اسمك راكب رينو نهائيا

ويا ترى ده قــرار حضرتك واللا قرار رينو واللا قرار مين بالظبط ؟؟؟
يا ريت تنورنا منين طلعت بالنتيجة دى ..
هل انت شايف رينو مثلاً بتتبرى منها واللا لقتها جنب الجامع واللا حاجة؟؟

[factorialx]

اذا كنت تقدر تستحمل تركب عربية شكلها زي ما يكون طفل بيلعب صممها و لم يتم الاعتناء بالتفاصيل الداخلية للسيارة زي مكان زراير الزجاج الكهربا و الكلاكس اللي في ذراع الاشارات (دي موتتني من الضحك)، يبقى تقدر تفكر في اللوجان

يعني إيه لم يعتنوا بالتفاصيل الداخليه هو عشان كلاكس و زرار كهربا خلاص اروح اشتري الفيرنا !! دي تفاصيل ثانوية شوف الكاسيت البلاوبنكت شركه المانية محترمه جداا و أربع سماعات بلاوبنكت مش كاسيت الفرينا !!
شكل العربية ده مخلي مساحتاها أكبر من الفيرنا بكتير كفاية مساحة الشنطه و إنها بشكلها ده ثابتها و إستهلاكها كويس جداا مش زي الفيرنا بتطير بجد بعد 120 ( يعني العربية معمول حساب الإيروداينمكس كويس )
دي فعلا عربية معمولة لمصر

سعادتك اللوجان اصلا مش مندرجة تحت تصنيف رينو رسميا

إنت بتتكلم كده و خلاص إدخل على موقع رينو هما يعني مستعرين من العربية
الي جايب لوجان جايب رينو

[Youssef.Awad]

سعادتك اللوجان اصلا مش مندرجة تحت تصنيف رينو رسميا، مجرد وورلد كار يعني عربية للعالم الثالث، زيها زي الباراتي و السوران و الباليو و العك ده كله
اللوجان شكلا رديئة جدا، و عموما دي مسألة أذواق، بس اهم حاجة تبقى عارف انك لما تشتري اللوجان انت مش هيبقى اسمك راكب رينو نهائيا

اذا كنت تقدر تستحمل تركب عربية شكلها زي ما يكون طفل بيلعب صممها و لم يتم الاعتناء بالتفاصيل الداخلية للسيارة زي مكان زراير الزجاج الكهربا و الكلاكس اللي في ذراع الاشارات (دي موتتني من الضحك)، يبقى تقدر تفكر في اللوجان

و لو اني أشتري اسبرانزا a516 احسنلي بكتير من اني أشتري اللوجان او الفيرنا...

هانعتبر إن ده رأى حضرتك الشخصى ومش حكم عام على الرينو لوجان اللى مافيش أكتر من موضوعات عنها فى المنتدى بس يبدو إن سعادتك مشغول لدرجة إنك لم تقرأ حتى تقرير الزميل (نادر نبيل) بعناية والذى تناول السيارة بالتفصيل الملل

ومش فاهم يعنى إيه راكب عربية عليها شعار النجمة الماسية الخاص بالصانع الفرنسى العريق وفى الأخر هابقى مش راكب رينو نهائيا ؟!!!!!!!!!
ياريت حضرتك تفسر لنا الظاهرة الغريبة دى

أخيرا....
على الأقل اللوجان عربية ليها أصل وفصل وتاريخ معروف ومعلن للجميع
وأنا شخصيا متابع أخبارها من أول أما كانت رسمة (عيل صغير) راسمها فى اسكتش كراسة الرسم بتاعته فى KG-2 لحد أما شافت النور فى 2004 كده وبقت عربية تملى العين

مش زى الاسبيرانزا (اللقيطة) اللى لا ليها ماضى ولا مستقبل هى وأخواتها الحلوين بتوع الصين الشعبية الشقيق واللى فجأة لقيناها وسطينا كده من غير إحم ولا دستور

عموما لولا اختلاف الأذواق لبارت السلع
وأكيد فيه اللى حابب زراير الزجاج فوق الفتيس والكلاكس اللى فى ذراع الاشارة

[Egyzizo]

هو يبدو يا y2y انه مدرك انه لا مجال لوضع سبيرانزا مع رينو فى خانة واحدة فقال لك نجردها من شرف رينو أولاً علشان نعرف نتكلم عن سبيرانزا ..

[Youssef.Awad]

هو يبدو يا y2y انه مدرك انه لا مجال لوضع سبيرانزا مع رينو فى خانة واحدة فقال لك نجردها من شرف رينو أولاً علشان نعرف نتكلم عن سبيرانزا ..

وجهة نظر برضه أحترمها
فكرنى باللى ملقاش فى الورد عيب قاله يا أحمر الخدين

[gebreel]

يا جماعة من فضلكم اللي سمع حاجة عن العربية يقلها بكل حيادية و بدون اي هجوم
اللوجان زيها زي اي عربية جديدة لازم تتواجه بهجوم لا لشئ الا انها عربية جديدة و خلاص
بالنسبة للاستاذ اللي بيقول انها لا تمت بصلة لرينو مع احترامي الشديد لحضرتك فهي رينو بنسبة 100% و هسئلك سؤال لما bmw بتيجي تقفل عربياتها هنا في مصر هل ده معناه انها مش bmw ؟ اكيد لأ لان bmw مش هتخاطر بسمعتها علشان توفر تكلفة التقفيل في عربية معروفة اصلا بالرفاهية لكن ليه متوفرش طالما مش هتأثر عليها
طيب ازاي مش هتأثر عليها لان بكل بساطة هي اللي عاملة المصنع بنفس التكنولوجيا و نفس الكفائة بنفس التدريب بنفس المكونات بس في بلد تانية
نفس القصة بالنسبة لرينو شارية نسبة 80% تقريبا من اسهم داتشيا يعني هي المالك الاصلي للشركة و بتصنع اللوجان هناك و بتصدرها لدول اوروبية لو الدول دول مش مقتنع بالتقفيل المغربي مكانوش هيدخلوها بلدهم من الاساس و بعدين ما الميجان السيدان متقفلة في تركيا هل معنى كدة ان الميجان لا تمت بصلة لرينو؟!
بالنسبة لقصة التصميم فدي مسألة اذواق مش هقدر اتكلم فيها لكن اللي هتكلم عليه هو الايروديناميكس بتاعة العربية دي و اللي هي معمول حسابها بشكل مش طبيعي فيها علشان يخليها ثابتة على السرعات العالية بالرغم من علوها على الارض و اللي بيقلل ثبات اي عربية + استهلاكها للبنزين الاكثر من رائع بالنسبة لعربية 1600 كامة واحدة و عربيتي لسة في التليين مكملتش 850 كيلو و بتستهلك تقريبا جوة البلد مع التكييف حوالي 9 او 9.5 لتر\100 كيلو و على الطوالي مع التكييف 7ز5 كيلو سرعة من 100 الى 120
التكييف لا يؤثر تماما على اداء العربية لان موتور العربية محترم جدا و متناسب مع البودي بتاع العربية و معمول حساب تحميل التكييف
بالنسبة لاماكن الزراير فدي متكررة في الرينو بوجه عام يعني نفس اماكن الزراير موجودة في الرينو رينبو في ما عدا زراير الازاز في مكانها الطبيعي قدام اما بالنسبة للازاز اللي ورا فهو موجود في نفس المكان في الهيونداي اكسيل ليه بقى دي مكنتش وحشة و اماكن غريبة
و الكلاكس و الزراير مع التعود من اول مرة بتاخد عليها
انا و الله مش متحيز للوجان لكن الكلام اللي بيتقال عليها ده مش صح و مضلل لمتخذ القرار و علشان الحيادية نيجي للفرنا
مميزاتها في انها عربية معروفة و ميكانيكتها سهلة لان الميكانيكية حافظينها
قطع غيارها اسعارها معقولة بشكل كبير جدا
اما بالنسبة للوجان فميكانيكتها بردو مش معقدة عادية
قطع غيارها غالية نسبيا لكن معمرة و بترخص يعني الفانوس اللي قدام كان ب500 جنيه في التوكيل نزل منو دلوقتي تركي و تايواني اسعار 425 و 250 عند واحد اصلا سعره غالي يعني ثمنهم في ال 300يات ده سعر معقول بالنسبة لعربية لسة جديدة في السوق
لو حضرتك عاوز تستفسر عن اي حاجة في اللوجان انا تحت امر حضرتك و كل وحوش رينو كمان

[bishoy02010]

سعادتك اللوجان اصلا مش مندرجة تحت تصنيف رينو رسميا، مجرد وورلد كار يعني عربية للعالم الثالث، زيها زي الباراتي و السوران و الباليو و العك ده كله
اللوجان شكلا رديئة جدا، و عموما دي مسألة أذواق، بس اهم حاجة تبقى عارف انك لما تشتري اللوجان انت مش هيبقى اسمك راكب رينو نهائيا

اذا كنت تقدر تستحمل تركب عربية شكلها زي ما يكون طفل بيلعب صممها و لم يتم الاعتناء بالتفاصيل الداخلية للسيارة زي مكان زراير الزجاج الكهربا و الكلاكس اللي في ذراع الاشارات (دي موتتني من الضحك)، يبقى تقدر تفكر في اللوجان

و لو اني أشتري اسبرانزا a516 احسنلي بكتير من اني أشتري اللوجان او الفيرنا...

هههههههههههههههههههههه
قالك عك
ههههههههههههههههههههههههههههههههههههههههههههههه

[yasser_25869]

كنت فى نفس الحيرة مقارنة بالاسبرانزا والانوس والفيرنا
وفى الاخر استقريت على اللوجان والحمد لله مبسوط جدا ومقتنع تماما ومش ندمان....توكل على الله واحسم الموضوع وصلى صلاة استخارة وربنا يوفقك

[FaWzY86]

و الله اي حد فيكم يشوف موقع renault.com و يدور كده على حاجة اسمها رينو لوجان و اراهن انك تلاقى حاجة بالاسم ده، مش هتلاقيها غير على موقع رينو المصري باسم رينو
ليه بقى؟
لأنها أصلا عربية تابعة للشركة الرومانية داتشيا اللي اشترتها رينو، خد بالك انها داتشيا مش لانشيا عشان محدش يتخم
و معنى ده انها مش رينو، مش معنى ان رينو ضحكت علينا و نزلتها بعلامتها عشان تكسب سوق انها فعلا رينو، و انا واثق انه لو العربية كانت نزلت بلوجو داتشيا مكانتش باعت 3 عربيات على بعض

الاستاذ اللي بيتريق عليا، ده فعلا رايي الشخصي، بس مايمنعش انه يكون صح أبدا
الاسبرانزا صيني، شيري الصينية، ايوه ماركة جديدة، و ايوه صيني، و ايوهماعنهمش خبرة، بس في الاخر انا باقارن بين عربيتين، و واحدة فعلا أحسن من التانية، لا ليا دعوة بعراقة شركة (و دي زي ما قولتلكم خدعة) و لا ليا دعوة ببلد المنشأ (اللوجان لا علاقة لها برينو فرنسا بتاتا)

أنا قرأت كل التقارير عنها، و مايفرقش معايا نهائي، العربية واضحة زي الشمس قدامكم، لو شيلت لوجو رينو هلاقي الكل بيشتم فيها شكلا و موضوعا

اللي زعلان على فلوسه مايتريقش عليا عشان يحلل القرشين، ربنا يعوض عليه و يصبره عليها، و كل واحد له راي و ذوق، و راعوا كويس اني لما انتقدت العربية مانتقدش اي حد من ملاكها ولا اتريقت عليه، عكس اللي سيادتكم ترمتم و عملتوه، و انا باشكر الاستاذ superiorboy على اسلوبه المتحضر في النقاش، و الف مبروك على كل واحد العربية اللي تعجبه و يا رب نولنيC280

سلام عليكم!

[m_bakr]

أخى العزيز
أنا لا معايا العربية ديه ولا ديه
بس للأمانة، اللوجان موجودة على موقع رينو العالمى. الدليل الرابط التالى
Renault.com - Renault Logan
وعلى فكرة ديه غير داتشيا لوجان اللى موجودة فى نفس الموقع على الرابط التالى
Renault.com - Dacia Logan
وده تقريباً علشان الاختلافات

[factorialx]

و الله اي حد فيكم يشوف موقع renault.com و يدور كده على حاجة اسمها رينو لوجان و اراهن انك تلاقى حاجة بالاسم ده، مش هتلاقيها غير على موقع رينو المصري باسم رينو
ليه بقى؟
لأنها أصلا عربية تابعة للشركة الرومانية داتشيا اللي اشترتها رينو، خد بالك انها داتشيا مش لانشيا عشان محدش يتخم
و معنى ده انها مش رينو، مش معنى ان رينو ضحكت علينا و نزلتها بعلامتها عشان تكسب سوق انها فعلا رينو، و انا واثق انه لو العربية كانت نزلت بلوجو داتشيا مكانتش باعت 3 عربيات على بعض

الاستاذ اللي بيتريق عليا، ده فعلا رايي الشخصي، بس مايمنعش انه يكون صح أبدا
الاسبرانزا صيني، شيري الصينية، ايوه ماركة جديدة، و ايوه صيني، و ايوهماعنهمش خبرة، بس في الاخر انا باقارن بين عربيتين، و واحدة فعلا أحسن من التانية، لا ليا دعوة بعراقة شركة (و دي زي ما قولتلكم خدعة) و لا ليا دعوة ببلد المنشأ (اللوجان لا علاقة لها برينو فرنسا بتاتا)

أنا قرأت كل التقارير عنها، و مايفرقش معايا نهائي، العربية واضحة زي الشمس قدامكم، لو شيلت لوجو رينو هلاقي الكل بيشتم فيها شكلا و موضوعا

اللي زعلان على فلوسه مايتريقش عليا عشان يحلل القرشين، ربنا يعوض عليه و يصبره عليها، و كل واحد له راي و ذوق، و راعوا كويس اني لما انتقدت العربية مانتقدش اي حد من ملاكها ولا اتريقت عليه، عكس اللي سيادتكم ترمتم و عملتوه، و انا باشكر الاستاذ superiorboy على اسلوبه المتحضر في النقاش، و الف مبروك على كل واحد العربية اللي تعجبه و يا رب نولنيC280

سلام عليكم!

أول حاجه كفاية أوي اللي بتقولوا على الإسبرانزا اللي تقفيلها متخلف
يا عم الرايش و الله باين في التابلوه بص من الآخر إنت إستفزتنا بقولك أوعى تكون فاكر نفسك راكب رينو نهائيا

عشان نهائيا و منتلكمش كتير عشان نروح نشوف الماتش اللوجان رينو و بلاش فزلكه

The Logan Project
Renault’s expertise used to create a modern, reliable and affordable car
Logan is an entirely Renault origin car (technology, development, engine, gearbox, production standards). It was designed at Renault’s Technocentre near Paris, and it was well adapted to the specific of its target markets: modern, yet moderately priced, its carrying load capacity (best in its class), its five roomy seats and the low maintenance costs are as many one-of-a-kind advantages. Its modern design follows international and European standards in terms of safety, pollution, soundproofing, and recycling

Dacia Group - The Logan Project

لوجان سيارة رينو بالكامل
تكنولوجيا و تطوير و محرك و علبة تروس و معايير إنتاج
صممت في مركز تكنو سينر التابع لرينو قرب باريس و هي متبنية لمواصفات سوقها
حديثه بسعر معتدل
حجمها الأفضل في فئتها
5 مقاعد وفيره و صيانه منخفضة التكاليف هي من مميزاتها الفريده
تصميمها الجديد ياخذ في الإعتبار المواصفات الأوروبية و العالمية في السلامه و التلوث و عزل الصوت و إعادة التدوير


نيجي بقى للتسمية دي مجرد سياسة تسويقيه لوجان في المكسيك إسمها نيسان أبريو بس اللي راكبها راكب رينو برضه

[Beam28]

اللي مستغرب من وجود الكلاكس في ذراع الاشارات يبقى عمره ما ركب فرنسي قبل كده، وانا شخصيا كنت شاكك في اللوجان من الاول ان مالهاش علاقة برينو بس لما شفتها ولقيت الكلاكس في المكان المتوقع بصمت بالعشرة ان الديزاين ده فرنسي صميم

[factorialx]

It is a 100% Renault product (design, technology, development, chassis and powertrain) and will be sold under the Renault brand on some markets. Whether the Dacia or Renault badge is used will depend on the characteristics of each market and on how long and in what circumstances Renault has been established there.

Renault Group unveils new Dacia Logan - Europe's first 5.000 euro car - Ultimatecarpage.com forums

لأنها أصلا عربية تابعة للشركة الرومانية داتشيا اللي اشترتها رينو، خد بالك انها داتشيا مش لانشيا عشان محدش يتخم
و معنى ده انها مش رينو، مش معنى ان رينو ضحكت علينا و نزلتها بعلامتها عشان تكسب سوق انها فعلا رينو، و انا واثق انه لو العربية كانت نزلت بلوجو داتشيا مكانتش باعت 3 عربيات على بعض

إنت بتالف و خلاص و لا قرأت تقارير و لا يحزنون العربية 100 % رينو من كل حاجه و داشا ليها الغنتاج بإشراف مهندسي رينو
العربية بتنزل بعلامة داشا ( مش داتشيا واضح إنك ابيض ) في أسواق أخرى حسب السوق نفسه

كل ملاك اللوجان إنتوا راكبين رينو غصبن عن اي حد و بلاش فلسفه و فتي

[Egyzizo]

على الله يكون اقتنع ..

[amr.elsayed]

اللوجان اصلا مش مندرجة تحت تصنيف رينو رسميا، مجرد وورلد كار يعني عربية للعالم الثالث، زيها زي الباراتي و السوران و الباليو و العك ده كله

انا بس عايز اعلق على موضوع عربية للعالم التالت
اللوجان اللى مش عاجبة حضرتك دى بتجرى فى شوارع اكبر البلاد تصنيعا للسيارات وهى المانيا
تفتكر المانيا من دول العالم التالت ؟؟؟؟؟؟؟؟ !!!!