لانوس - نوبيرا - لانسر كريستالة

[mazda3]

السلام عليكم :
عايز اخد رايكم فى افضل عربية فى الثلاثة من حيث مميزات كل عربية وعيوبها وقطع الغيار واقتصادية ام لا وهكذا والمقارنة هتكون بين

متسوبيشى لانسر كريستالة وما افضل موديل ليها وما هو سعرها حاليا لو بحالة ممتازة

و دايو لانوس وما افضل موديل وما هو سعرها حاليا لو بحالة ممتازة

ودايو نوبيرا وما افضل موديل وما هو سعرها حاليا لو بحالة ممتازة

حيرررررررران ومش عارف اجيب انهى فيهم

معايا فى حدود 47 الف ج

[amrseba]

لانسر كريستاله ممتازه جدا جدا جدا واحسن من لانوس و النوبيرا بكتيير ومراحل كمان ولو حاله ممتازه مابين 50 الى 55 بس تستحق فعلا

[shooter123]

انت بتتكلم في ايه يا برنس؟ اللانسر طبعا وبدون نقاش
واحسن موديل فيها هي البومة من 2004 وانت طالع
انت ممكن تقارن اللانوس والنوبيرا بس مدخلش بينهم اللانسر لانها خارج المنافسة معاهم زي ما بيقولوا علي الاقل اللانسر ياباني

[aly10]

انا على فكرة انا فى نفس حيرتك بس بقارن بين الكريستالة و النوبيرا مانيوال 2005 وعايز اقولك على حاجة انا الاول كنت هاجيب الكريستالة بس نزلت كذا مرة السوق مالقيتش حالة نضيفة خالص ويوم مالقيت لقيت صاحبها بيتكلم فى 55 الف ومش عايز ينزل مليم وعلشان كدة انا قررت ادور على النوبيرا واهى تبقى موديل اعلى لاكن الانسر هتدوخ شوية عشان تلاقى حالة نضيفة

[shooter123]

ولو لقي حالة نضيفة حيلاقيها غالية
انا في تاجر سيارات بيتحايل عليا ابيع لانسر مكواة بتاعتي 2003 كاملة اوتوماتيك علي 65 وانا رافض طبعا مع ان السعر حلو واعلي من اللي انا شاري به
بس انا مش تاجر وماصدقت لقيت عربية اعتمد عليها
معلش اتعب شوية ودور واكيد حتلاقي بس بلاش تركب كوري

[aly10]

هو على السعر اللى معاك مظنش انك تلاقى كريستالة حالة نضيفة بالسعر دة

[mazda3]

هو على السعر اللى معاك مظنش انك تلاقى كريستالة حالة نضيفة بالسعر دة

انا معايا 47 الف فعلى كلامكم مفيش لانسر كريستالة نضيفة تعمل السعر دة

عندك حق يا ALy10

متشكر جدا جدا لاهتمامكم وردودكم السريعة

انا بفكر اشوف النوبيرا ولكن هل يوجد نوبيرا بحالة ممتازة بسعر 47 معلش هتعبكم معاايا

انا قدامى نوبيرا 2 موديل 2001 عاملة 94 الف كم - دواخل فبريقة - 1600 سى سى - كاملة- رشة برا
عاملة 47 الف
هل تستاهل ؟؟؟؟

[etsh1413202]

تستاهل يا باشا بس لو اوتو ماتيك ابعد عنها

[aly10]

دور على نوبيرا 2003 مانيوال ممكن تجيب السعر ده

[medooo333]

نوبيرا هى الافضل

[3ateef]

تستاهل يا باشا بس لو اوتو ماتيك ابعد عنها

ليه يعنى ؟؟؟؟!!!

انت معاك نوبيرا ؟؟؟؟

[aly10]

وبعدين انا نفسى افهم مالة الكورى؟ الناس مابتنصحش بية لييه مع ان الكورى منتشر اكتر من اى صناعة تانية فى مصر

[hanycapoo]

نوبيرا وانت مغمض للاسباب التالية
1- عربية واسعة وعائلية وفخمة ومليانة بوسائل الرفاهية
2- قطع غيارها عند البقالين واى ميكانيكى من الغيط يشتغل فيها
3- عربية لو حبيت تبيع هتبيع فى يومين
4- كل مشاكالها اتحلت فى المنتدى هنا ومالهاش عيوب واضحة او رخمة

[aly10]

نوبيرا وانت مغمض للاسباب التالية
1- عربية واسعة وعائلية وفخمة ومليانة بوسائل الرفاهية
2- قطع غيارها عند البقالين واى ميكانيكى من الغيط يشتغل فيها
3- عربية لو حبيت تبيع هتبيع فى يومين
4- كل مشاكالها اتحلت فى المنتدى هنا ومالهاش عيوب واضحة او رخمة

انا معاك يا باشا بس عشان قليل قوى لو لقا الكريستالة نضيفة وكمان فرق الموديل بينهم

[mazda3]

نوبيرا وانت مغمض للاسباب التالية
1- عربية واسعة وعائلية وفخمة ومليانة بوسائل الرفاهية
2- قطع غيارها عند البقالين واى ميكانيكى من الغيط يشتغل فيها
3- عربية لو حبيت تبيع هتبيع فى يومين
4- كل مشاكالها اتحلت فى المنتدى هنا ومالهاش عيوب واضحة او رخمة

فعلا النوبيرا فخمة وواسعة جدا لكن صاجها منفخ وورق لو حد ريح عليها هيضيع الصاج لكن برضه انا شايف العربيات الجديدة كلها صاجها ورق
و كلام حضرتك سليم ومنطقى اشكركم على رودودكم المفيدة السريعة ونتوكل على الله واشوف نوبيرا مانيوال