جين تو / كيا سيراتو

[devmedo_lab]

انا محتار بين عربيتين
جين 2 أوتوماتيك
أم كيا سيراتو أوتوماتيك
مع الأخذ فى الاعتبار ان سعر اعادة البيع مش مهم خالص بالنسبه لى
والاخذ فى الاعتبار ايضا أننى أميل أكثر الى الجين 2 ولكننى أحب ان أسمع أراء الخبراء أمثال رواد منتدانا المحترم جداااا
شكراااا

[devmedo_lab]

ايه يا جماعه محش عايز يرد ليه

[carfreak92]

مع انى مش بحب كيا سيراتو بس هى احسن من جين 2 بكتير

[amrseba]

بص هقولك على حاجه الجين 2 تتفوق على السيراتو فى الثبات و المكنه و نظام التعليق افضل بكتييييييييييير ده لو يهمك حاجه اسبور بجد و جرى و بتاع النقطه الى هتتفوق فيها السيراتو عن الجين هيا التقفيل و الخامات افضل بس غير كده الجين احسن

[hugan]

بعيد عن مواصفات الموتور والعفشه للا ثنين
بس لو مكانك
السيراتو طبعا
انتشار اكتر النقطه دي مهمه با لنسبه لي =
قطع غيار ارخص
الشكل السيراتو افضل
اكيد جوده الخامات في السيراتو افضل

[AlGazar2]

جين تو

مش منتشرة فتحس انك متميز مش زى السيراتو بقت اكتر من ال 28 فى البلد
ثبات و ماتور جبار

و مسألة الشكل ازواق بالنسبالى الجين شكلها احسن

[SAMEH_FOUAD]

هية مين دية اللى مش منتشرة الجين 2 منتشرة انتشار رهيب وكتير ة اوى بس مش زى السيراتو اللى لو الشارع دة فية 100 عربية هتلاقى 75 عربية سيراتو

الفرق السيراتو تكسب : شكل , اوبشن , تكنولوجيا , مساحة داخلية

الجين 2 تكسب : سحب , تسارع , ثبات , سرعة قصوى

الاعتمادية الجين 2 مشالها كلها فى العفشة , السيراتو لسة ماتجربتش بس بوادرها بتبان بدرى

شوف انت محتاج اية من العربية وهاتة

[emaksoud]

بص هقولك على حاجه الجين 2 تتفوق على السيراتو فى الثبات و المكنه و نظام التعليق افضل بكتييييييييييير ده لو يهمك حاجه اسبور بجد و جرى و بتاع النقطه الى هتتفوق فيها السيراتو عن الجين هيا التقفيل و الخامات افضل بس غير كده الجين احسن

+1111111111111111

[M.ABDEEN]

بص هقولك على حاجه الجين 2 تتفوق على السيراتو فى الثبات و المكنه و نظام التعليق افضل بكتييييييييييير ده لو يهمك حاجه اسبور بجد و جرى و بتاع النقطه الى هتتفوق فيها السيراتو عن الجين هيا التقفيل و الخامات افضل بس غير كده الجين احسن

تتفوق في المكنة ازاي هل حضرتك تقصد كقوة ولا كصناعة ولا كبلد منشىء

[devmedo_lab]

انا بصراحه يا جماعه شايف انى هاتوكل على الله وأجيب جينا لانها بصراحه سحرانى أوى

[devmedo_lab]

وعندى احساس انى مش هاندم عليها ان شاء الله

[أبومعاذ]

استخير وهات جين 2 ومش هتندم باذن الله

[devmedo_lab]

باذن الله اشكرك أبو مريم

[harizy]

باشا ربنا يوفقك فى اللى تختاره، ولا تقم بالشراء إلا بعد الاستخارة، نصيحتى لسيادتك أنك تدخل على قسم بروتون فى هذا المنتدى وتجول بين موضوعات أعضائه لتعرف مزايا العربية وعيوبها وكيفية تعاملهم معها وكيفية حلها، وقوة التوكيل، وحسن تعامله مع عملائه، ومدى رضاهم عنه، وتوافر قطع الغيار، إلخ إلخ إلخ، وكل ده من أقوال الملاك نفسهم مش من حد تانى، يعنى فعلاً ناس ركبت العربية وعاشت مشاكلها وعرفت ميزاتها؛ وبعده كده أنا شايف إنك تقدر تكون رأى على أرض صلبة يعنى مش هتندم إن شاء الله، ومرة أخرى ربنا يوفقك

[Hosam_Optrawy]

انت ميال للجين اكتر وعاجباك توكل على الله مفيش داعى للحيره